Në Uzinën e Mjekësit në Elbasan përurohet një linjë e re për demontimin e municioneve
E premte, 30 Korrik 2010 14:38
Në zbatim të Planit të Veprimit dhe për të rritur kapacitetet e demontimit të municioneve të tepërta në Forcat e Armatosura, sot në Uzinën e Lëndëve Plasëse në Mjekës të Elbasanit u inagurua një linjë e re për demontimin e predhave të mortajave të kalibrit 120 mm. Në ceremoninë e organizuar me këtë rast ishin të pranishëm zv.ministri i Mbrojtjes, z. Ekrem Spahiu, shefi i Shtabit të Përgjithshëm të FA-së, gjeneral brigade Maksim Malaj, komandanti i Brigadës Logjistike, gjeneral brigade Xhemal Gjunkshi, Prefekti i Qarkut të Elbasanit Shefqet Deliallisi, si dhe shumë të ftuar të tjerë.
Fillimisht, në takimin që u zhvillua në sallën e drejtorisë së uzinës, drejtori i saj Daniel Karanxha bëri një prezantim të shkurtër të punës dhe aktivitetit të kësaj uzine gjatë vitit 2010, duke u ndalur në rezultatet e arritura në shkatërrimin e municioneve në linjat e instaluara, si dhe për objektivat e reja që kanë për realizimin e detyrave dhe të objektivave për këtë vit.
Kontigjenti Paqeruajtës “Eagle-1” niset me mision në Kandahar të Afganistanit
E mërkurë, 28 Korrik 2010 14:38
Sot paradite, në mjediset e Qendrës Kulturore të Forcave të Armatosura, u zhvillua ceremonia e përcjelljes së Kontigjentit Paqeruajtës “Eagle-1”, i cili do të kryejë misionin e tij në Kandahar të Afganistanit. Ky është kontigjenti i parë paqeruajtës shqiptar, i cili për herë të parë do të angazhohet në operacione luftarake përkrah forcave amerikane.
Në ceremoni ishin të pranishëm Kryeministri i Shqipërisë, z. Sali Berisha, ministri i Mbrojtjes, z. Arben Imami, zv.ministrat e Mbrojtjes Ekrem Spahiu dhe Zana Xhuka, shefi i Shtabit të Përgjithshëm të FA-së, gjeneral brigade Maksim Malaj, gjeneralë dhe ushtarakë të lartë të Forcave tona të Armatosura dhe familjarë e të afërm të paqeruajtëseve. Gjithashtu morën pjesë përfaqësues nga ambasada e SHBA-së në Tiranë, të Zyrës së Bashkëpunimit Ushtarak, të SAIC, si dhe ushtarakë të tjerë të huaj me mision në vendin tonë.
Konferencë për shtyp
E premte, 23 Korrik 2010 16:33
Zëdhënsia e ministrit të Mbrojtjes, znj. Brikena Arapaj doli sot në një konferencë shtypi për të sqaruar opinionin publik përsa i përket privatizimit të pronave ushtarake në ish-fushën e Aviacionit në Tiranë. Në reagimin e saj, ajo deklaroi si më poshtë:Ministria e Mbrojtjes sqaron opinionin publik se deklaratat e Partisë Socialiste përsa i përket privatizimit të pronave në ish-fushën e Aviacionit janë të pabazuara në fakte dhe nuk përmbajnë asnjë të vërtetë. Ministria e Mbrojtjes nuk ka iniciuar asnjë procedurë privatizimi për prona në këtë zonë dhe ftojmë Bashkinë e Tiranës të nxjerrë ekspertë të saj për të ofruar fakte konkrete.
Konferencë për shtyp
E premte, 16 Korrik 2010 12:34
Sekretari i Përgjithshëm i Ministrisë së Mbrojtjes, z. Edvin Kulluri, në një konferencë shtypi që dha sot sqaroi edhe njëherë lidhur me bashkëpunimin që ka ndërtuar Ministria e Mbrojtjes me shumë njësi vendore në kuadër të procesit të nxjerrjes të lira për privatizim të pronave të tepërta të FA.
