Ministria e Mbrojtjes - Arkivi 2008-2013

Turqia i dhuron 3 milion dollarë ndihma Shqipërisë

21 dhjetor 2013

Foto Galeri

b_230_153_16777215_00___images_galeria_2013_Dhjetor_21_1.jpgShqipëria ka marrë 3 milionë dollarë ndihma nga Republika e Turqisë. Këto ndihma konsitojnë kryesisht në mjete motorrike ushtarake, një gjenerator dhe pajisje të tjera logjistike për ushtrinë dhe policinë. Të pranishëm në ceremoninë e zhvilluar me këtë rast në Komandën e Forcave Tokësore, në Zall-Herr ishin:ministrja e Mbrojtjes, znj. Mimi Kodheli, zëvendësministrja e Brendshme, znj. Elona Gjerbrea, shefi i Shtabit të Përgjithshëm i FA, gjeneralmajor Jeronim Bazo, ambasadori i Republikës së Turqisë në Tiranë, z. Hydayet Bayraktar, atasheu ushtarak i Republikës së Turqisë, kolonel Nizametin Dogar, gjenaralë, drejtorë drejtorish nga Ministria e Mbrojtjes dhe Shtabi i Përgjithshëm si dhe mjaft të ftuar të tjerë.

Në fjalën e saj ministrja e Mbrojtjes, znj. Mimi Kodheli, pasi ka falenderuar të pranishmit në këtë ceremoni u shpreh: “Ne, këtë ndihmë bujare të Republikës së Turqisë do të dimë ta përdorim sa më mirë të jetë e mundur, në fuksion te rritjes së kapaciteteve operacionale, modernizimit të ushtrisë sonë dhe padyshim të modernizimit dhe rritjes së kapaciteteve të Ministrisë së Brendshme, e cila sot përfaqësohet nga zëvendësministrja znj. Elona Gjebrea.
Kjo ndihmë, ka vijuar më tej znj. Kodheli, vjen si mundësi më e madhe për t’i shëbyer më mirë funksioneve tona kushtetuese, funksioneve tona në respekt dhe detyrim të sigurisë dhe mbrojtjes sonë, rajonit apo dhe më shumë se kaq.
“Misioni jonë është fisnik dhe unë mundohem çdo ditë për ta përmbushur atë. Kemi mirëpritur dhe herë të tjera dihma nga qeveria turke. E mirëpresim këtë ndihmë bujare mbi më shumë se 3 milion dollarë me detyrimin tonë për të rritur bashkëpunimin me qeverinë turke, si një përfaqësuese e një vendi anëtare e NATO, ashtu si edhe Shqipëria është dhe të gjithë vendeve të tjera NATO, të cilat në këtë mision të përbashkët janë në avangard të ruajtjes së sigurisë, lirisë, prosperitetit dhe demokracisë së vendeve pjestare të NATO dhe shumë më shumë se kaq”. - u shpreh ministrja Kodheli.

Në vijim të fjalës së saj, ministrja Kodheli ka theksoi se: “Me këtë porosi që unë ju lë, që t’i përdorim këto mjete sa më mirë dhe me besimin që kjo është vetëm një pjesë e vogël, por e rëndësishme e të gjitha misioneve që ne jemi angazhuar, misione të cilat për fatin tonë të mirë përfundojnë dhe kanë përfunduar me sukses dhe shpresoj shumë dhe në të ardhmen, sepse vetëm në këtë mënyrë mundi juaj nuk shkon dëm, përkundrazi mundimi juaj dhe ai i përbashkët i gjithë vendeve anëtare të NATO është për një qellim fisnik, të cilin do vazhdojmë ta kemi target edhe në një të ardhme të afërt dhe të largët.
 
Në përfundim të fjalës së saj, ministrja Kodheli ka falenderuar ambasadorin dhe atasheun ushtarak të Turqisë dhe të gjithë ata që kanë bërë të mundur këtë dhuratë për Vitin e Ri ushtrisë shqiptare dhe Forcave të Policisë së Republikës së Shqipërisë.
“Gëzuar festat dhe shpresoj që të takohemi në raste të tjera për të treguar se ne jemi këtu për t’ju përgjigjur jo vetëm bashkëpunimit, por për t’ju përgjigjur të gjitha detyrimeve që dalin dhe për të cilat ne jemi këtu”.

Në përfundim të aktivitetit ambasadori i Republikës së Turqisë, z. Hydayet Bayraktar i ka dhuruar në formë simbolike ministres së Mbrojtjes, znj. Mimi Kodheli çelsin e një makine.