TITUJT E LIBRAVE TË BOTUAR NGA QENDRA E SHTYPIT, BOTIMEVE DHE PËRKTHIMEVE USHTARAKE 

GJATË VITIT 2004

(Janar- Dhjetor)

1. BULETINI I BARUTEVE, Faqe: 47

 Është një buletin që del periodikisht çdo vit dhe tregon në formë tabelash rezultatet e analizave të baruteve për vitet 2001-2002-2003 dhe afatet e rikontrollit të tyre.

 2. PRONAT NË ADMINISTRIM TË MINISTRISË SË MBROJTJES, Faqe: 156

Tregon me anën e grafikëve, tabelave dhe materialeve të tjera pronat që kanë në administrim repartet ushtarake dhe, veçanërisht Ministria e Mbrojtjes. Krahas tyre, libri shoqërohet edhe me disa ligje, hartuar nga Kuvendi i Republikës së Shqipërisë që përcakton aktet ligjore për administrimin e këtyre pronave.

 3. ROJA BREGDETARE, AUTORITETI LIGJIR NË DET, Faqe 73

Trajton materialet e Konferencës që është mbajtur për këtë qëllim më datën 30 maj 2003. Qëllimi kryesor i kësaj Konference dhe i botimit të librit është rritja e nivelit të bashkëpunimit të të gjitha institucioneve shtetërore në zbatim të Ligjit Nr.8875 datë 04. 04. 2002.

Libri përmban Përshëndetjen e ministrit të Mbrojtjes, z. Pandeli Majko, Përshëndetjen e ministrit të Rendit, z. Luan Rama, 1 referat dhe 9 kumtesa.

 4. MANUALI I SHËRBIMIT TË ASGJËSIMIT TË MUNICIONEVE DHE ESPLOZIVAVE ML-400-5-2 (AME), Faqe 234

Është botim në formën e manualit dhe tregon drejtimin e strukturave të AME-së, gjatë aktivitetit të tyre dhe njëkohësisht, jep informacionin e nevojshëm për personelin e Forcave të Armatosura, për agjencitë qeveritare dhe joqeveritare, në operacionet e luftës dhe të paqes, kundër municioneve të paplasura dhe ndaj ngarkesave eksplozive të improvizuara.

 5. SHTABI LUFTARAK I KOMANDANTIT TË BATALIONIT, Faqe 166

Është botim i karakterit manual dhe ka si qëllim t’u vijë në ndihmë shtabeve luftarake të nivelit të batalionit. Është konceptuar në tri pjesë: detyrat e shefave sipas specifikave të punës në shtabin e batalionit dhe sipas fazave; procedurat e drejtimit të trupave në nivel batalioni; komandim kontrolli dhe mjetet e tij në nivel batalioni.

Manuali tregon në mënyrë të koncetruar ato gjëra të domosdoshme dhe praktike që duhet të dijë dhe të bëjë një oficer në shtabin e batalionit dhe komandanti i këtij niveli.

 6. SISTEMI I PLANIFIKIMIT, PROGRAMIMIT, BUXHETIMIT DHE EKZEKUTIMIT TË BURIMEVE TË MBROJTJES NË FORCAT E ARMATOSURA, Faqe 152

Është botim i karakterit manual, i cili synon të japë disa njohuri dhe koncepte bazë në kuadrin e përpjekjeve për organizimin dhe zhvillimin e Sistemit të Planifikimit, Programimit, Buxhetimit dhe Ekzekutimit (SPPBE) të Burimeve të Mbrojtjes në Forcat e Armatosura, sistem që do të bëjë të mundur që Forcat e Armatosura të arrijnë më të mirën e mundshme në interes të sigurisë dhe të mbrojtjes kombëtare me minimumin e resurseve njerëzorë dhe ekonomiko-financiarë që vendi mund të verë në dispozicion të mbrojtjes.

 7. MANUALI I FINANCËS, Faqe 318

 Manuali paraqet në mënyrë të përmbledhur dhe posaçërsiht për Forcat e Armatosura, Ligje të Kuvendit të Republikës së Shqipërisë, akte ligjore e nënligjore, Vendime të Këshillit të Ministrave, urdhëra dhe udhëzime të Ministrit të Mbrojtjes për peridhën 1994–2003.

 8. AKTE LIGJORE E NËNLIGJORE TË IMPORT-EKSPORTIT NË MINISTRINË E MBROJTJES, Faqe 128

 Është manual i përgatitur nga MEICO, ku paraqiten në mënyrë të përmbledhur ligje, urdhëra, udhëzime të ndryshme etj. për veprimtaritë, punën dhe organizimin e ndërrmarrjeve shtetërore dhe ushtarake, që nga periudha 1991-2003.

 9. MANUALI I NDIHMAVE TË DONATORËVE, Faqe 56

 Qëllimi i këtij manuali është që t’u vijë në ndihmë atyre strukturave të Ministrisë së Mbrojtjes dhe Shtabit të Përgjithshëm të FA, që janë të angazhuara dhe kanë detyrim për organizimin e punës në drejtim të identifikimit të nevojave, negocimit, koordinimit dhe disiplinimit, pritjes, shpërndarjes dhe monitorimit të ndihmave dhe projekteve që planifikohen dhe zbatohen në FA.

 10. MANUALI I PROKURIMEVE, Faqe 134

Tregon procedurat kur personat e strukturave të Forcave të Armatosura ose përfaqësuesit e tyre përdorin fondet publike për të blerë mallra, ndërtime apo shërbime të nevojshme për një qëllim publik për të zhvilluar aktivitetin e prokurimit publik në bazë të ligjeve përkatëse.

 11. RADIOSTACIONET RV2, RV3, RV4 dhe RH4, Faqe 74

 Ky manual është i përbërë nga 5 pjesë. Janë paraqitur tipe të ndryshme radioaparaturash, të cilat janë në përdorim për sigurimin e radiokomunikimeve. Tipet e radiostacioneve të këtij manuali janë të brezit të valëve shumë të shkurtra (VHF) dhe të valëve të shkurtra (HF).

 12. KOMANDIM KONTROLLI DHE PROCEDURAT E PUNËS NË SHTAB, Faqe 207

 Ky manual zë një vend të rëndësishëm, pas Doktrinës së Përbashkët Ushtarake të FA, dhe shërben për unifikimin e procesit të vendimmarrjes dhe për standardizimin e procedurave të veprimtarisë së shtabit e të terminologjisë së komandimit, në përputhje me ato që përdoren aktualisht në strukturat ushtarake euroatlantike.

 13. KONVENTA E USHTARAKUT, Faqe 100

U zhvillua më 4 Dhjetor 2003 me pjesëmarrjen e Kryeministrit, z. Fatos Nano, Ministrit të Mbrojtjes, z.Pandeli Majko, Shefit të Shtabit të Përgjithshëm, Gjeneral Lejtnant, Pëllumb Qazimi dhe të ftuar të tjerë. Nga punimet e konferencës u afirmua edhe një herë vazhdimësia e Reformës, zhvillimi i personelit në FA, arsimimi dhe stërvitja, menaxhimi i burimeve të mbrojtjes, modernizimi i ushtrisë dhe integrimi Euroatlantik etj.

 14. MANUALI I USHTARIT KOMANDO, Faqe 247

 Qëllimi i këtij Manuali ështëb t’i shërbejë ushtarit “Komando”, komandantit të nëngrupit (skuadrës), komandantit të grupit (togës) “Komando” në ecurinë e përgatitjes luftarake në funksion të realizimit me sukses të misionit dhe detyrave të ngarkuara. Gjithashtu u shërben për përgatitje edhe reparteve e nënreparteve të Zbulimit të Ushtrisë Shqiptare.

15. RREGULLORE PËR RAPORTIMIN E GJENDJES OPERACIONALE TË FORMACIONEVE USHTARAKE, (SHQIP-ANGLISHT), Faqe 160

Kjo rregullore instalon Sistemin e Raportimit të Gjendjes Operacionale të Formacioneve (RGJOF), për përcaktimin e aftësive operacionale të formacioneve të FARSH, duke shpjeguar me hollësi cilët formacione duhet të raportojnë, si përgatiten raportet dhe si dërgohen, kur dhe ku dërgohen dhe si procedohet me to.

16. MANUALI I MODERNIZIMIT TË SISTEMEVE DHE PAJISJEVE USHTARAKE, Faqe 144

Ky manual tregon rrugët dhe punën që duhet të tregojnë institucionet e FA të ngarkuara me modernizimin dhe rinovimin e sistemeve dhe pajisjeve ushtarake në Forcat tona të Armatosura.

 17. MANUAL PËR PËRDORIMIN E URAVE “BEJLI”, Faqe 218

 Ky manual, i ndarë në 13 krerë, tregon dhe jepen të dhënat nëpërmjet fotove dhe skemave të ndryshme, për urat, pjesët e tyre materiale dhe mënyrat e montimit të tipeve të përzgjedhura e të përcaktuara sipas terrenit ku do të ndërtohet ura.

 18. ALBANIAN ARMED FORCES IN PHOTOS THE HISTORY (ALBUMI I USHTRISË), Faqe 120

19. MANUAL: MBROJTJA NGA ZJARRI DHE SHPËTIMI NË FA (MP-20-7),

Faqe 218

Manuali është përgatitur në bazë të Nenit 102, pika 4 e Kushtetutës së Shqipërisë dhe të nenit 41 të ligjit nr.8768 dt. 05.04.2001 për t’i ardhur në ndihmë efektivave dhe vlerave materiale që disponojnë objektet e strukturave të FA.

 20. MANUALI: PROCEDURAT E NATO-S NË KOMUNIKIMET RADIOFONIKE (ACP 125-F), Faqe 164

Qëllimi i këtij Manuali është që të përcaktojë procedurat e komunikimit fonik që përdoren në FA të vendeve Aleate në rrjetet fonike taktike të sigurta dhe jo të sigurta, njëkohësisht të japë rrugë standarde të kalimit të shkëmbimit të bisëdës dhe të të dhënave, në mënyrën më të sigurt, më të saktë, më të shpejtë dhe në përputhje me nevojat e komandimit dhe të kontrollit.

21. DOKTRINA E PËRBASHKËT E FORCAVE TË ARMATOSURA (DPU-10), Faqe 175

Doktrina e Përbashkët Ushtarake e FA, në përmbajtje, është një tërësi parimesh themelore, të pranuara zyrtarisht, nga të cilat udhëhiqen forcat dhe elementët ushtarakë për të realizuar veprimtarinë e tyre në mbështetje të objektivave strategjikë të vendit.

 22. KONCEPTI I STËRVITJES NË FORCAT E ARMATOSURA (DPU-10), Faqe 46

Materiali shpreh filozofinë, parimet dhe rregullat me anën e të cilave drejtuesit orientohen në plotësimin e misionit të tyre për shndërrimin rrënjësor të sistemit tradicional të stërvitjes. Materiali, si një përmbledhje thelbësore e “Doktrinës së Stërvitjes në FA”, synon ndihmesën e nevojshme për elementet e procesit të stërvitjes në të gjitha nivelet.

 23. TË NJOHIM FQINJËT TANË-MAQEDONIA, Faqe 104

Është një libër në formë “guide”, që jep një paraqitje të shkurtër historike dhe gjeografike të fqinjës sonë, Maqedonisë, të gjuhës, infrastrukturës, zhvillimet politike, besimet fetare, organizimi i Forcave të Armatosura, politika e mbrojtjes etj.

 24. KONTRATAT E MEICO-s, Faqe 224

 Manuali tregon tipet e kontrateve që organizohen në MEICO.

 25. KURSI I STËRVITJES BAZË NË FA, Faqe 144

Ky manual ka si qëllim dhënien e filozofisë, të parimeve dhe të rregullave me anën e të cilave konceptohet, orinetohet, planëzohet dhe drejtohet stërvitja bazë, në plotësimin e misionit të saj.

 26. PËRGATITJA ZBULUESE E LUFTIMIT, Faqe 95

Është një manual për të ndihmuar komandantin dhe shtabin në përcaktimin se ku dhe kur duhen përdorur mjetet e kufizuara për të arritur rezultatet vendimtare në fushën e luftimit.

27. PROCEDURAT DHE OPERACIONET E MIRËMBAJTJES SË ARMATIMIT, TEKNIKËS DHE PAJISJEVE NË FA, (MML-400-3), Faqe 180

Manuali ka si qëllim unifikimin e veprimtarisë së strukturave të mirëmbajtjes së teknikës dhe pajisjeve ushtarake të FA, në përbërje të trupave të logjistikës.

28. PËRHAPJA DHE STANDARDIZIMI I POLIGONEVE TË QITJEVE DHE I RAJONEVE STËRVITORE NË FA (MP-20-6-1), Faqe 96

 Manuali ka për qëllim që, përmes një analize të përgjithëshme të gjendjes aktuale të poligoneve të qitjes, që janë përdoruar deri tani nga FA, të perspektivës së zhvillimit të tyre dhe të kalimit të shkallë-shkallë të njësive dhe reparteve në strukturën e ardhshme –2010, të japë mendime e rekomandime për përzgjedhjen dhe përcaktimin e tyre, si edhe për mundësitë e zhvillimit dhe modernizimit infrastukturor të tyre.

 29. MANUALI I MBIJETESËS (MFT-100-5-1), Faqe 112

 Në këtë manual trajtohen çështjet e konceptit ushtarak të mbijetesës, objekti, qëllimi, mënyrat dhe metodat e të mbijetuarit, motivi ushtarak, psikologjik dhe kombëtar për të përballuar mbijetesën, çështjet e streseve psiko-fizike, mënyrat dhe teknikat e dhënies së ndihmës së parë shëndetësore vetes dhe shokut, mënyrat e mjekimit dhe kurimit me bimë mjekësore në natyrë, mënyrat dhe metodat praktike për të arritur vijueshmërinë e procesit jetësor dhe luftarak në kushte të vështira të pamundësisë dhe të mungesës së furnizimeve me ushqim, veshmbathje, municion, teknikë dhe medikamente.

 30. MANUALI I SHFRYTËZIMIT TEKNIK TË HELIKOPTERIT (AB-206), Faqe 83

 Manuali tregon unifikimin e procedurave dhe rregullave për kryerjen e të gjitha shërbimeve teknike të helikopterit AB-206, si edhe të rregullave më të domosdoshme për veprimet në këtë helikopter në tokë gjatë stërvitjeve ajrore.

 31. MANUALI I NËNOFICERIT, Faqe 110

 Manuali përmban detyra të përgjithshme për aftësimin në përmbushjen e aktiviteteve që do të ndihmojnë ushtarakët individualisht për të luftuar më mirë dhe për të mbijetuar në fushën e luftimit, për të ndihmuar instruktorët nënoficerë stërvitës për të arritur standardet dhe për të aftësuar vartësit me cilësitë e kërkuara.

 32. INSTRUKSION I TEKNIKËS SË PILOTIMIT PËR HELIKOPTERIN (AB-206 C1), Faqe 76

 Ky manual përmban të gjithë informacionin e nevojshëm për shfrytëzimin e helokopterit AB-206 C1 nga personeli përkatës. Njëkohësisht, qëllimi i manualit, është që të krijojë njohuritë e përgjithshme për helikopterin, karakteristikat e përgjithshme si dhe procedurat e përdorimit normal dhe të emergjencës.

 33. MANUALI I PERSONELIT, Faqe 650

Manuali përmban akte ligjore dhe nënligjore për Forcat e Armatosura, Vendime të Këshillit të Ministrave, urdhëra dhe udhëzime të Ministrit të Mbrojtjes etj. Është i ndarë në tre krerë: 1.Vështrim i përgjithshëm;2. Baza Ligjore; 3. Dosja e Ushtarakut.

 34. MANUAL: SISTEMI I RAPORTIMIT TË FA (MSR), Faqe 130

Është një dokument që synon të standardizojë formën dhe përmbajtjene raportimeve në strukturat e FA. Është i ndarë në katër krerë kryesorë, ku trajton rubrikat e udhëzimeve për komandat e çdo niveli komandim-drejtimi, që kanë detyrë të raportojnë, për formën dhe përmbajtjen e raporteve, specifikat dhe procedurat e përgatitjes së tyre, si edhe ankeset dhe shtojcat.

 35. MANUALI I PËRGATITJES MALORE DHE ALPINIZMIT (MFT-100-5-2), Faqe 70

Manuali përfshin pajisjet, lidhjet, pikëmbështetjet, veprimet praktike, sigurimet, kalimet e pengesave natyrore, kacavjerrjet, si dhe ndërtimet në përgatitjen e alpinizmit. Gjithashtu përfshihen pajisjet e skive, bora dhe orteqet, aparaturat dhe mënyrat e kërkimit, si dhe nivelet e lëvizjes me ski.

 36. MANUALI I OPERACIONEVE SPECIALE (MFT-100-5-1), Faqe 250

 Manuali është hartuar sipas programit të forcave speciale, misionit dhe detyrave që zgjidhin ato. Ka për qëllim dhënien e njohurive të nevojshme taktiko-profesionale të bazuara në procedurën operacionale standarde të forcave speciale në varësi të veçorive, objekteve dhe kushteve në të cilat ato do të zhvillohen.

 37. MANUAL: PËRMBLEDHJE E LIGJEVE TË DETIT, Faqe 587

Manuali u jep mundësi oficerëve të Marinës të njohin të drejtat dhe detyrimet e të gjithë aktorëve që veprojnë në det. Ai përmban Ligjet dhe Vendimet e Këshillit të Ministrave më kryesore, që lidhen me kryerjen e detyrave të Rojës Bregdetare. Gjithashtu janë listuar ligje dhe vendime të Këshillit të Ministrave për referencë etj.

 38. LIGJE PËR FORCAT E ARMATOSURA 2004, Faqe 437

Në këtë Manual janë pasqyruar Ligjet dhe Vendimet e Këshillit të Ministrave gjatë vitit 2004, që lidhen më kryerjen e detyrave nga ushtarakët në Forcat e Armatosura të Republikës së Shqipërisë.

 39. MANUALI LIGJOR DHE NËNLIGJOR PËR INFORMACIONIN E KLASIFIKUAR “SEKRET SHTETËROR” DHE TË NATO-S NË FA, Faqe 133

 Është një përmbledhje e të gjithë bazës ligjore e nënligjore, urdhrave dhe udhëzimeve të Ministrit të Mbrojtjes për ruajtjen, prodhimin dhe administrimin e informacionit të klasifikuar “sekret shtetëror” dhe informacionit të klasifikuar të NATO-s, si edhe të rregullave dhe procedurave që ndiqen për pajisjen me certifikatë sigurie të personelit që punon me informacionin e klasifikuar “sekret shtetëror”.

 40. PLANI I VEPRIMIT PËR ANËTARËSIM NË NATO I RSH-SË (Shqip), Faqe 320

 Programi Kombëtar Vjetor i RSH-së për vitin 2004-2005, është bazuar në objektivat kombëtare, prioritetet, arritjet e deritanishme dhe iniciativat që synohen të arrihen nga Qeveria e RSH-së.

Në këtë Program kanë zënë vend treguesit më sinjifikativë të zhvillimit në fushën e politikës së jashtme, ekonomisë, mbrojtjes së vendit si edhe rezultatet e arritura në forcimin e rendit publik, të konsolidimit të shtetit të së drejtës etj. Në hartimin e këtij libri janë marrë parasysh eksperienca e cikleve të mëparshme të MAP-it si dhe vlerësimet, kërkesat dhe sygjerimet e vendeve anëtare të Aleancës gjatë diskutimeve periodike mbi këto programe.

 41. PLANI I VEPRIMIT PËR ANËTARËSIM NË NATO I RSH-SË (anglisht), Faqe 320 (Idem)

 42. DOKTRINA E MBËSHTETJES LOGJISTIKE (DML-400), Faqe 107

 Qëllimi i këtij Manuali është krijimi i doktrinës së mbështetjes logjistike të FA. Ky dokument jep detaje të direktivave dhe parimeve të logjistikës së FA me objekt nivelin operacional, për të çuar më tej mirëkuptimin e përbashkët dhe kooperimin në planëzimin logjistik ndërmjet Shtabit të Përgjithshëm, Komandave të Forcave dhe atyre mbështetëse.

 43. DOKTRINA E FORCAVE TOKËSORE (DFT-100), Faqe 106

 Në kuadrin e ristrukturimit të FA, në vitin 2000 u krijuan Forcat Tokësore, si një strukturë e re dhe e rikonceptuar në bazë të zhvillimeve bashkëkohore. Krijimi i kësaj Force dhe përpjekjet për aktivizimin e strukturave të saj, nxori në pah domosdoshmërinë e hartimit të kësaj Doktrine mbi përdorimin e kësaj force.

 44. POLITIKA E ARSIMIMIT USHTARAK, Faqe 60

 Objektivi kryesor i këtyre politikave është të krijojë një tupë vullnetare oficerësh, nënoficerësh dhe ushtarësh/detarësh profesionistë të edukuar me ndjenjën e krenarisë kombëtare-atdheu, detyra, nderi, të mirëarsimuar si kolegët e tyre në vendet e NATO-s, KE dhe vendeve të Partneritetit për Paqe.

 45. CEREMONIALI USHTARAK NË FA të RSH-së, Faqe 110

 Është një Manual që rregullon të gjitha veprimtaritë me karakter kremtues zyrtar me pjesëmarrje ushtarakësh, ku rregulli bazë është nderimi i përparësisë së rangut protokollar “gradë”.

 46. ANALIZA E ZBULIMIT, Faqe 202

 Zbulimi është një element kyç në veprimet luftarake, ku sipas këtij manuali përfshin zbulimin e armikut, të dhënat për motin, terrenin dhe për elementet e tjera gjeografike të mjedisit ku parashikohet kryerja e operacioneve ushtarake.

 47. TË JEMI SË BASHKU, Faqe 88

 Është një material informues për paqeruajtësit shqiptarë, që shkojnë për të shërbyer në misionet paqeruajtëse jashtë Shqipërisë. Njohja e historisë, gjuhës, traditave, kulturës dhe vendeve ku ata do të shërbejnë do të krijojë mundësinë ushtarakëve tanë për të kryer me sukses detyrën e tyre.

 48. UDHËZIM PËR PROCEDURAT QË DUHET TË NDIQEN NË RASTET E NGJARJEVE TË JASHTËZAKONSHME NË FA, Faqe 35

 Është një Udhëzim i Minstrit të Mbrojtjes, Pandeli Majko, miratuar me Nr. Protokolli 2454, datë 30.12. 2004, ku qëllimi është përmirësimi dhe standardizimi i procedurave të raportimit dhe menaxhimit të ngjarjeve të jashtëzakonshme, në ndihmë të të gjitha hallkave të komandimit, për të bërë vlerësime të sakta dhe për të marrë vendimet e duhura në situata të tilla.

 49. PËRMBLEDHJE E LEGJISLACIONIT MBI DISIPLINËN NË FA të RSH-së, Faqe 95 Është një përmbledhje bazë e Legjislacionit të fokusuar mbi Disiplinën në Forcat e Armatosura gjatë vitit 2004, ku përfshihet edhe Kodi Penal Ushtarak (Ligji Nr.8003, datë 28.09.1995).