Qendra e Shtypit, Botimeve dhe Përkthimeve Ushtarake

DREJTOR:

Ded Kola

tel: 226701/3099

Kryeredaktor:

Mina QIRICI

tel: 226701/3099

Kryeredaktor:

Bardhyl Gostnishti

tel: 226701/3099

Kryeredaktor:

Prof.Dr. Elmaz Leci

tel: 226701/3099

BOTIME TE REJA 

 Eveniment: Botohet “Libri i Bardhë”

Eshtë botuar dhe ka dalë në qarkullim “Libri  i Bardhë” i FA të Republikës  së  Shqipërisë. Si një eveniment, ai ka  vlerësimet e veta  dhe përbën një dokument të hapur, një ndihmë më shumë për ndërgjegjësimin e opinionit publik, për  sigurimin e mbështetjes dhe pjesëmarrjes së tij për ristrukturimin dhe modernizimin e FA shqiptare.

Botime të tjera

• Ligje për Forcat e Armatosura

• Përmbledhje të legjislacionit të funksionimit të ndërmarrjeve dhe shoqerive anonime ushtarake.

• Teknikat e procedurat të komandimit të luftimit MP 3-1-1

• Rregullore e vlerësimit të aftësive fizike e shëndetësore të shtetasit dhe ushtarakut të FA

Botime gjatë viti 2005 

Parathënie

Republika e Shqipërisë  ka tashmë një sistem të plotë doktrinor e strukturor të institucionalizuar, që përmbush nevojat e sigurisë e të mbrojtjes së vendit dhe që i përshtatet standardeve të NATO-s. Ky sistem i përgjigjet gjithashtu mjedisit të sotëm të sigurisë rajonale e globale për përballimin me frytshmëri të rreziqeve e kërcënimeve asimetrike të natyrës ushtarake e joushtarake.

Mbi këto baza është përcaktuar, Misioni Kushtetues i Forcave  tona të Armatosura. Për përmbushjen  e këtij misioni është ndërtuar koncepti strategjik i përdorimit të Forcave të Armatosura, të cilit i shërben edhe planifikimi afatgjatë i transformimit, zhvillimit e modernizimit të tyre.

Objektivi kryesor i Strategjisë të Sigurisë Kombëtare të Republikës së Shqipërisë është antarësim i plotë  në strukturat europiane dhe euro-atlantike.

“Libri i Bardhë”, që botohet për herë të parë për publikun e gjerë, e informon atë për Forcat e tij të Armatosura, menaxhimin e burimeve të Mbrojtjes, kontrollin civil demokratik të tyre, si dhe kontributet në operacionet e  mbështetjes së paqes dhe kontributet në të mirë të shoqërisë shqiptare.

Nëpërmjet këtij dokumenti, opinioni publik  njihet  në mënyrë më të hollësishme me strukturat komanduese e drejtuese të FA, misionet, konceptin e arsimimit dhe stërvitjes, burimet njerëzore, infrastrukturat dhe burimet financiare, etj. Në këtë kuadër, ai njihet me Planin e Zhvillimit Afatgjatë 2002-2010 të Forcave të Armatosura, progresin dhe vështirësitë në realizimin e objektivave.

Në këtë Libër pasqyrohen gjerësisht shkalla e bashkëpunimit dhe partneritetit me vendet  fqinje, rajonale dhe më gjerë, me vendet antare të NATO-s e ato partnere në funksion të rritjes së sigurisë.

Duke qenë  një dokument i hapur për të gjithë, “Libri i Bardhë” përbën një ndihmesë më shumë për ndërgjegjësimin e publikut shqiptar, për të siguruar mbështetjen dhe pjesëmarrjen e tij në mbrojtje të lirisë, sovranitetit  dhe paqes.

Pandeli Majko