Qendra e Shtypit, Botimeve dhe Përkthimeve Ushtarake

Faqe e Redaksisë së Revistës "Mbrojtja". Kryeredaktor Prof.Dr. Elmaz LECI

DREJTOR:

Ded Kola

tel: 226701/3099

Redaksia e LIBRIT

Kryeredaktor:

Mina QIRICI

tel: 226701/3099

Gazeta USHTRIA

Kryeredaktor:

Bardhyl Gostnishti

tel: 226701/3099

Revista MBROJTJA

Kryeredaktor:

Prof.Dr. Elmaz Leci

tel: 226701/3099

Marinsja shqiptare në Flotën Detare amerikane

Sonila Shala është rasti i rrallë i një femre shqiptare, që bën pjesë në një nga flotat më të fuqishme të botës, në flotën detare amerikane. Marinsja shqiptare një vajzë plotë energji ose siç e quajnë të gjithë evropiania me buzëqeshjen e madhe, mban gradën e nënoficerit të klasit të parë, në flotën e ëndërruar nga çdo amerikan. Që e vogël, ajo jo rastësisht, e përsëriste shpeshhere se, kur të rritej do të bëhej police e magjepsur nga uniforma e xhaxhait tQ vet polic dhe të ishte një nga heroinat e filmave të fëmijërisë së saj . Fillon Akademinë e Rendit Publik, por detyrohet t’i ndërpresë studimet, pasi në vitin 1997, familja e saj fiton llotarinë amerikane dhe i duhet të shpërngulet për në Amerikë. Sonila 19 vjeçare do të prekë 'kontinentin e ëndrrave ', vendi që do t’i hapë portat e një karriere ushtarake, aspak të vështirë, për një vajzë të vendosur dhe të guximshme si ajo. Pasi shpërngulet në Amerikë, rastësisht dëgjon për testet që zhvilloheshin për pranimet në Army Force. Fillimisht do t’ju nënshtrohet dy testeve të vështira që i fiton dhe ajo zgjedh Flotën Detare, si më të përshtatshme për femrat, dhe sepse gjithmonë e ka dashuruar detin dhe do t’i jepej mundësia që t’i binte botës rreth e përqark. Më në fund do të besonte tek aftësitë e veta pa mbështetjen e askujt. Edhe pse karriera e saj ushtarake është e vështirë, ajo do t’i kapërcejë me vendosmërinë e një vajze të sigurt për rrugën që ka zgjedhur. Për Sonilën fillon një jetë e re, që nga urdhrat e parë ushtarakë, stërvitjet e vështira e fizike, privimet nga liritë më të vogla të jetës së përditshme e deri tek udhëtimet dhe misionet e saj paraushtarake. Anija luftarake U.S.S. Kinkaid [DD 965] për katër vjet, do të jetë për të shtëpia dhe familja e saj dhe aty do të ndjejë për herë të parë emocionet e një marinseje të vërtetë, pas shumë trajnimesh të lodhshme, përgatitjeve për situata të jashtëzakonshme, atje në det të hapur, duke i kapërcyer të gjitha vështirësitë e eksperiencave të reja. Ka qenë në Australi, Tajlandë, Kinë, Kore, Singapor, Havai …. aq sa asnjë moshatar i saj nuk mund të ketë shëtitur në kaq shumë vende. Nuk janë udhëtime turistike por janë misione të një marinseje që është vetëm 27 vjeç. Një nga misionet e saj më të vështira dhe që ajo gjithmonë e kujton me nostalgji është misioni në Gjirin Persik. Misionet e saj përbëheshin nga përgatitjet për të shkuar në dislokime çdo 18 muaj, që zgjaste 6 muaj secili me detyrën për të patrulluar ujrat, kryesisht nga ndonjë kontrabandë nafte prej shteteve fqinje. Në këtë mision, ajo ka kaluar edhe momente të vështira, duke e kuptuar se ditët e paqta të stërvitjeve ushtarake kishin kaluar. Jo më pak i vështirë ka qenë edhe misioni në Kuvajt, si pjesë e një operacioni për çlirimin e Irakut me detyrën për të mbështetur nga deti trupat amerikane në tokë me raketa, me bomba apo municione të ndryshme. Tani punon në Qendrën e Rezervave, ku merret me arranxhimet administrative për funeralet e veteranëve të Flotës apo të atyre që dalin në pension. Nga puna e tanishme, ajo ka më shumë kohë që të qëndrojë më shumë me familjen e saj, e cila i ka munguar shumë gjatQ misioneve të saj. Gjithashtu merret edhe me trajnimet e rekrutëve të rinj të Flotës dhe në të njëjtën kohë studion për administrim-biznes. Ka dëshirë të vazhdojë Akademinë e Policisë për të realizuar ëndrrën e jetës së saj. Nuk është film, por është historia e vërtetë e një vajze shqiptare, e marinses së guximshme, që gjithkush nga ne kur dëgjon për Sonila Shalën, ndjehet krenar për emrin shqiptar. Sot, Sonila Shala mund të ishte një Miss i kurorëzuar dhe do ta kishte përfaqësuar Shqipërinë në pasarelat e bukurisë botërore, por ajo ka ditur ta përfaqësojë denjësisht vendin e vet me guximin dhe forcën që jo çdo vajzë mund ta ketë, ndaj me emrin e Sonila Shalës ia vlen të krenohet çdo femër dhe çdo shqiptar, në çdo cep të botës, sepse edhe ne dimë të shfaqim vlerat tona më të mira.