REVISTA MBROJTJA - NR.8/2005 

Bashkëmisionarë për paqen...

Çfarë ka të përbashket, një kryekapter gjerman dhe një nëntoger shqiptar ? Në pamje të parë, jo dhe aq shumë, megjithëse njëri është në fund të karrierës së tij ushtarake, ndërsa tjetri në fillim të karrierës së tij. Megjithatë ata arrijnë së bashku të sinkronizohen mirë në rrugën e përmbushjes së detyrës dhe për këtë ata të dy nuk i pengon origjina, mosha, grada dhe nacionaliteti. Miqësia ndërmjet tyre është e hapur dhe e pastër. Kryekapteri Hermann Multerer erdhi në Sarajevë për të zbatuar një detyrë krejtësisht tjetër nga ajo që po kryen këtu në bazë. Ai ishte caktuar të shërbente në Sarajevë, pranë komandantit të kazermës, mirëpo këtu ku shërben tani, në bazën ku është kontigjenti shqiptar, kishte nevojë për një ushtarak me eksperiencë, për sigurinë e bazës, të cilën e pranoi. Me përgjegjësi të lartë dhe me angazhim të madh, arriti të koordinojë me përpikmëri kërkesat e detyrës për ruajtjen e sigurinë e bazës me aftesinë e përkushtimin e ushtarakëve shqiptarë. >>>

Interviste me kolonel Flamur Skraparlliu, Drejtor i Drejtorië së Planifikimit Ushtarak, SHP Z. Kolonel, mundet të na jepni një panoramë përmbledhëse të arritjeve të proçesit të modernizimit në FA … Procesi i modernizimit të FA shqiptare është përcaktuar si një element esencial i tërë Procesit të Përgjithshëm të Reformës së Mbrojtjes. Plani i Modernizimit, si pjesë përbërëse e Planit afatgjatë të Zhvillimit të FA për vitet 2002-2010, hodhi idetë dhe vendosi piketat për pajisjen dhe modernizimin e FA, në përputhje me kriteret për përmbushjen e kërkesave operacionale të FA.>>>

Marinsja shqiptare në Flotën Detare amerikane

Sonila Shala është rasti i rrallë i një femre shqiptare, që bën pjesë në një nga flotat më të fuqishme të botës, në flotën detare amerikane. Marinsja shqiptare një vajzë plotë energji ose siç e quajnë të gjithë evropiania me buzëqeshjen e madhe, mban gradën e nënoficerit të klasit të parë, në flotën e ëndërruar nga çdo amerikan. Që e vogël, ajo jo rastësisht, e përsëriste shpeshhere se, kur të rritej do të bëhej police e magjepsur nga uniforma e xhaxhait tQ vet polic dhe të ishte një nga heroinat e filmave të fëmijërisë së saj . Fillon Akademinë e Rendit Publik, por detyrohet t’i ndërpresë studimet, pasi në vitin 1997, familja e saj fiton llotarinë amerikane dhe i duhet të shpërngulet për në Amerikë.>>>