Kontributi i Shqipërisë për një rajon dhe Europë të sigurt

Kongresin e Mbrojtjes unë e konsideroj si një mundësi të madhe për shprehjen e opinioneve dhe për gjetjen e bazave të përbashkëta të të kuptuarit, në veçanti për sa i përket çështjeve të sigurisë dhe të mbrojtjes, prandaj është një kënaqësi e madhe dhe e ndjej veten të nderuar të marr pjesë në këtë kongres.

Integrimi në strukturat Euro-Atlantike të sigurisë është një objektiv fondamental dhe një zgjidhje strategjike e domosdoshme për sigurinë e vetë Shqipërisë dhe në një kontekst më të gjerë për gjithë rajonin.

Shqipëria e konsideron sigurinë, stabilitetin, zhvillimin, mirëqënien dhe të ardhmen e saj kombëtare ngushtësisht të lidhur me sigurinë rajonale, europiane dhe atë ndërkombëtare dhe si rrjedhojë është e vendosur në angazhimet e saj për përmbushjen e standarteve dhe detyrimeve të kërkuara të anëtarësimit në NATO dhe BE, duke dhënë në këtë mënyrë kontributin e saj në promovimin dhe vendosjen e paqes dhe të sigurisë në rajonin e Ballkanit.

Shqipëria dhe Forcat e saj të Armatosura kanë bërë një progress të madh përpara në zhvillimin e koncepteve doktrinore dhe kuadrit të institucioneve dhe strukturave të sigurisë dhe dokumenteve strategjike.

Reformat e ndërmarra në institucionet dhe strukturat tona të mbrojtjes janë tërësisht të mbështetura nga i gjithë spektri politik dhe nga publiku shqiptar, që synon transformimin e forcave të tyre të armatosura në një forcë më profesionale, të mirëedukuar, të mirëpajisur dhe të mirëtrainuar, duke rritur nivelin e ndërveprueshmërisë dhe të kompatibilitetit, lidhur me dhe, në përmbushje të standarteve të NATO-s.

Momenti më i rëndësishëm, natyrisht dhe arritja më e rëndësishme, që unë do të dëshiroja ta theksoja fuqimisht, për të cilën unë personalisht dhe vendi im ndjehet krenar, është se tashmë Forcat tona të Armatosura e kanë përvijuar atributin dhe funksionin e tyre, në drejtim të zgjerimit të kontributit me trupa speciale në operacionet e mbështetjes së paqes; duke poseduar tashmë një eksperiencë dhe aftësi të konsiderueshme të fituar gjatë pjesëmarrjeve të ngjashme të mëparshme, si dhe nga stërvitjet dhe trainimet speciale rajonale dhe ndërkombëtare, në të cilat ajo është angazhuar; pavarësisht resurseve të limituar të vëna në dispozicion të mbrojtjes.

Shqipëria do të vazhdojë të kontribojë në operacionet në mbështetje të paqes, ( PSO ), në Irak, Afganistan dhe Bosnjë-Herzegovinë, si dhe në operacione dhe stërvitje të drejtuara nga NATO dhe BE. Shqipëria aktualisht ka 70 ushtarakë në Althea, mision i drejtuar nga BE, në Bosnjë- Herzegovinë; 22 ushtarakë në misionin e drejtuar nga NATO,në Afganistan dhe rreth 120 të tjerë në " Liria e Irakut ", në Irak.

Shqipëria dhe rajoni i Ballkanit po përjetojnë shansin dhe oportunitetin historik për të konstruktuar një të ardhme të përbashkët.

Në këtë kontekst, ne besojmë se është i domozdoshëm të kuptuarit dhe mirë informimi gjenerik dhe realist për konceptet e sigurisë dhe të mbrojtjes, si dhe ai përbëhet nga dy dimensione të ndërlidhura të sigurisë: dimensioni i brendshëm i sigurisë dhe ai i jashtëm.

Përsa i përket dimensionit të brendshëm të sigurisë së Shqipërisë: unë me kënaqësi mund të pohoj këtu, se është bërë progres drejt rritjes së nivelit të sigurisë dhe stabilitetit brenda vendit, e parë kjo në termat ekonomike, politike, sociale dhe ushtarake.

Dhe, fokusuar në dimensionin e jashtëm të sigurisë : Shqipëria e konsideron stabilitetin dhe kooperimin rajonal si të një rëndësie kruçiale për krijimin dhe garantimin e klimës së mirëkuptimit, sigurisë dhe stabilitetit; duke shprehur në këtë mënyrë vendosmërinë e saj për të luajtur një rol aktiv në ruajtjen dhe vendosjen e marrëdhënieve të mira me fqinjët tanë. Shqipëria është transformuar nga një vende konsumator në prodhues të sigurisë.

Megjithëse, Ballkani akoma ka çështje kruçiale të pazgjidhura, ngjarjet e fundit politike, ardhur si një rezultante positive e përpjekjeve dhe sipërmarrjeve të përbashkëta rajonale , ndërkombëtare dhe domestike për të definuar interesat tona të përbashkëta dhe për të gjetur rrugët dhe mjetet më të mira për t’u përballur dhe për t’u harmonizuar me këto probleme kritike, duket se përbëjnë zhvillimet më domethënëse të sotme në Ballkan.

Përveç kësaj, vektorët e ndryshëm të shpejtësive integruese drejt NATO dhe BE, të vendeve të rajonit, si dhe çështje të tjera si problemet e zhvillimit ekonomik dhe social, krimi i organizuar, trafikimi i qënieve njerëzore, etj.; janë probleme të tjera kritike që është shumë e nevojshme të adresohen/ të gjejnë zgjidhje nga organizatat ndërkombëtare, politikanët, diplomatët, ushtarakët dhe aktorë të tjerë kyç vendimmarës; në mënyrë realistike dhe nën një këndvështrim pozitiv, për të gjetur zgjidhjet e drejta në interes të një gjendjeje permanente sigurie dhe stabiliteti në rajonin tonë.

Të dy organizmat, si NATO ashtu dhe BE, ndajnë një vision të përbashkët për të ardhmen e rajonit tone; një rajon stabël, demokratik, i qeverisur në mënyrë efiçente dhe i integruar në strukturat Euro-Atlantike. Bashkimi Europian, si në vision ashtu dhe në realitet përfaqësojnë të njëjtat vlera dhe interesa që ka dhe vetë Shqipëria.

Lidhur me fushën ushtarake, pjesëmarrja e Forcave tona të Armatosura në inisiativa të ndryshme rajonale si SEDM, (South East-European Defence Ministerial ), Ministeriali i Europës Juglindore, SEEBRIG-u, Karta e Adriatikut –3, ( Maqedonia, kroacia, Shqipëria ), Adrion, etj., ka përforcuar kooperimin rajonal, duke krijuar besim dhe rritur të kuptuarin reciprok për koordinimin e përpjekjeve tona të përbashkëta, për t’u bërë tërësisht të integruar në strukturat Euro-Atlantike.

Shqipëria, nga korriku i vitit 2005, ka marrë lidershipin e Sekretariatit të SEDM-it, për dy vitet në vijim. Vendimi më i fundit shumë i rëndësishëm i vendeve anëtare të SEDM, dislokimi i shtabit të SEEBRIG-ut në Afganistan, në kuadër të ISAF, është një outcome/ produkt domethënës i kësaj inisiative . Karta e Adriatik –3 ka dëshmuar të jetë një pasuri e rëndësishme rajonale, i cila do të zgjerojë bashkëpunimin dhe benifitet, duke na ndihmuar të përfytyrojmë një të ardhme të përbashkët dhe të krijojmë një ambjent bashkëpunimi, besimi dhe mirëkuptimi reciprok ndërmjet ministrive të mbrojtjes, qeverive dhe vendeve tona.

Shqipëria ka dislokuar një pjesë të togës mjekësore, në kuadër të misionit të ISAF, në Afganistan, në kuadër të A-3.

Shqipëria, gjithashtu, ka bërë një progress të madh në fushën e demilitarizimit, duke shkatëruar një sasi të konsiderueshme të municionit të tepërt, armatimit, tankseve, mjeteve të transportit, si dhe ka ndërtuar një uzinë demilitarizimi.

Shqipëria, si një vend aspirant i NATO-s, ka objektiva të qarta për të progresuar më tej në fushat politike, ekonomike, të mbrojtjes, legjislative dhe të sigurisë së informacionit, për të plotësuar pritjet e NATO-s.

Një kontribut esencial i Shqipërisë, për sigurimin e paqes dhe stabilitetit, padyshim që është forcimi i shtetit ligjor, i institucioneve dhe standarteve demokratike. Zgjedhjet e fundit parlamentare u zhvilluan normalisht, duke u pasuar nga një transferim paqësor i pushtetit, e cila është konsideruar si një shenjë e qartë e maturitetit dhe rritjes politike. Qeveria e re është tërësisht e angazhuar në përmbushjen dhe respektimin e të gjitha standarteve të nevojshme për integrimin e plotë të Shqipërisë në strukturat Euro-Atlantike, sa më shpejt të jetë e mundur.

Unë përfitoj nga një ngjarje kaq e rëndësishme dhe do të dëshiroja të shpreh mirënjohjen për ndihmën dhe mbështetjen e pamasë që i është dhënë vendit tim nga vendet anëtare të NATO-s, aleatët e saj dhe vendet europiane dhe bazuar në eksperiencën, njohuritë dhe informacionin që ne kemi fituar deri më tani, ne jemi plotësisht të bindur se rruga jonë drejt një suksesi real është përmes zgjerimit të transparencës, bashkëpunimit dhe integrimit.

Mbajtur në në Kongresin e 4-të të Mbrojtjes Europiane,