Anëtarësia në NATO, presidentë dhe kryeministra, do të thotë të pranosh përgjegjesi serioze!
Fillon një kapitull i ri për Ballkanin Perëndimor.
Liderët e NATO-s kanë ftuar sot dy vende të reja të fillojnë bisedimet me Aleancën për anëtarësim. Si të gjithë ju, unë jam sot i kënaqur që të ftoj në këtë takim të veçantë të Këshillit të Atlantikut të Veriut, Presidentin dhe Kryeministrin e Shqipërisë dhe Kroacisë.
Zgjerimi i NATO-s e ka shtrirë sferën e sigurisë dhe stabilitetit në Europë. Ajo ka ndihmuar në ruajtjen dhe forcimin e lirisë, demokracisë dhe shtetit ligjor, vlera ku mbështetet Aleanca jonë.
Vendet që bashkohen me ne, me të drejtë mund të jenë krenare, për atë që ato kanë arritur në plotësimin e kërkesave të kritereve të NATO-s për anëtarësim. Janë dashur vite të tëra pune të vështira, në kuadrin e Planit të Veprimit për Anëtarësim (MAP).
Në sajë të punës tuaj të fortë (palodhur), aleatët mund të kenë besim, se pranimi juaj në Aleancë do ta forcojë NATO-n.
Prania juaj në tavolinën tonë do ta forcojë më tej sigurinë dhe stabilitetin në rajonin e euro-atlantikut dhe veçanërisht në Europën Juglindore.
Ju të gjithë vini nga një rajon, i cili deri para pak vitesh, ka qenë prekur nga një konflikt i tmerrshëm. Kjo është arsyeja që, anëtarësia juaj ka një domethënie të veçantë. Ajo shënon fillimin e një kapitulli të ri për Ballkanin Perëndimor, që tregon rrugën përpara drejt të ardhmes, në të cilën i gjithë rajoni do të jetë plotësisht i integruar në institucionet euro-atlantike.
Anëtarësia në NATO, presidentë dhe kryeministra do të thotë të pranosh përgjegjesi serioze. Çdo anëtar i NATO-s duhet të shtojë vlera (në Aleancë) dhe të japë një kontribut të qartë për sigurinë. Ne e dimë dhe presim që ju do të vazhdoni të punoni fort për të përfunduar reformat dhe të siguroni, që ju jeni në gjendje të jepni një kontribut edhe më të fortë në këtë Aleancë. Duke shikuar kontributin tuaj të rëndësishëm në misionet tona, ne e dimë se mund të vazhdojmë t’ju llogarism dhe ju.
Me lejoni të them edhe njëherë: “Mirëseerdhët, ne jemi të gëzuar t’ju kemi ju mes nesh”!