|
Angazhim serioz për plotësimin
e detyrimeve dhe përgjegjësive
Ftesa për bisedime për anëtarësim në NATO, që Samiti i Bukureshtit i dha Shqipërisë, u arrit në sajë të përpjekjeve të mëdha për realizimin e reformave në të gjitha fushat dhe demonstrimit të angazhimit për sigurinë e përbashkët dhe ndarjen e vlerave të njëjta me Aleancën. Progresi i suksesshëm i reformës së Mbrojtjes dhe pjesëmarrja aktive në operacionet në mbështetje të paqes jashtë vendit kontribuan në mënyrë thelbësore në marrjen e ftesës. Tashmë, të gjithë aktorët e procesit të integrimit në institucionet tona janë mobilizuar dhe po punojnë në mënyrë intensive, si për të realizuar procedurat e aderimit, ashtu dhe për të përmbushur kërkesat e larta për anëtarësim të plotë në NATO. |
