REVISTA MBROJTJA - NR. 01.2009 

Ne ishim në Irak

Ne ishim në Irak! Tashmë, misioni i vështirë i 1338 komandove shqiptarë, që shërbyen në zonën më të nxehtë të globit, mbetet për t’iu destinuar kujtesës. Tërheqja e trupave nga koalicioni “Liria e Irakut” është celebruar pak ditë më parë në një ceremoni ushtarake në bazën amerikane të Mosulit, ku ishte i pranishëm kreu i Mbrojtjes Gazmend Oketa dhe shefi i Shtabit të Përgjithshëm gjeneral brigade Maksim Malaj. Me rastin e përfundimit me sukses të misionit paqeruajtës “Liria e Irakut” është zhvilluar dje, në sheshin “Skënderbej” një demonstrim festiv. Për pesë vjet me radhë, 12 kontingjente shqiptare kanë marrë pjesë në operacionin “Lira e Irakut”, duke iu bashkangjitur koalicionit ndërkombëtar të luftës kundër terrorizmit. Rikthimi këto ditë i 218 komandove të kontingjentit të fundit, shënon epilogun e misionit të ushtarakëve shqiptarë në Irak.

Masa konkrete të përshpejtuara për efektivitet pas anëtarësimit

Vetëm 3 muaj na ndajnë nga Samiti i ardhshëm i NATO-s, kur Aleanca pritet t'i japë Shqipërisë statusin e anëtarit të saj, në Samitin që do të mbajë në muajin prill 2009, pikërisht në jubileun e 60-të të krijimit të saj. Vendimi që do të marrë Aleanca vjen pikërisht një vit pas Samitit të Bukureshtit, kur më 3 prill 2008, Samiti i dha Shqipërisë ftesën për bisedime për anëtarësim.

Dr. Astrit GJUNKSHI
Shefi i sektorit të Integrimit
Euro-atlantik

Përshëndetja e ministrit të Mbrojtjes Gazmend Oketa për Vitin e Ri 2009

Të nderuar ushtarake e ushtarakë, pjestarë të Forcave të Armatosura!

Në mbyllje të vitit 2008, dëshiroj t’ju uroj juve dhe familjeve tuaja shëndet, mbarësi, suksese, paqe, lumturi dhe një vit të ri të gëzuar. Në këtë fundviti, përshëndes veçanërisht trupat tona paqeruajtëse në misionet në Afganistan, Çad, Bosnjë-Hercegovinë, Gjeorgji. Ju uroj atyre të vazhdojnë të jenë faqebardhë në detyrë dhe kthim shëndoshë pranë familjeve të tyre. Në pranverën e vitit që po lemë pas, falë dhe kontributit tuaj, Shqipëria mori ftesën për t’iu bashkuar Aleancës së Atlantikut të Veriut, një arritje e madhe për Shqipërinë dhe Forcat e saj të Armatosura. Jam i kënaqur që m’u dha mundësia të njihem e të punoj me ju. Kam besimin se, së bashku dhe gjatë vitit të ri do të vazhdojmë të kontribuojmë për arritjen e objektivit më të rëndësishëm për interesat, lirinë dhe sigurinë e atdheut: pranimin me të drejta të plota të Shqipërisë në NATO.
Përzemërsisht
Gëzuar Vitin e Ri 2009!

	Trupat paqeruajtëse shqiptare përfunduan me sukses misionin në Irak
	Poliçan, asgjësohen mbi 113 kg lëndë të rrezikshme
	Oketa takon fëmijët e ushtarakëve që shërbejnë në misione jashtë atdheut
	Përfundoi Kursi i Lartë i Sigurisë
	Takimi i 3-të rajonal i SEDM-it për arsimin ushtarak
ENGLISH
	The Albanian peacekeeping troops successfully completed their mission in Iraq

   Arkiva