Të nderuar ushtarë, nënoficerë, oficerë të Forcave të Armatosura të Republikës së Shqipërisë!
Dëshiroj t'ju uroj ju dhe familjeve tuaja, shëndet, mbarësi, lumturi, suksese dhe një vit të ri të gëzuar. Urimet më të mira, veçanërisht për të gjithë ushtarakët tanë që do të duhet që vitin e ri ta festojnë atje ku ndodhen, në mbrojtje të lirisë dhe paqes në Afganistan, Çad, Bosnjë-Hercegovinë, etj. Uroj për ta suksese në detyrë dhe kthim të mbarë në atdhe.
Falë edhe kontributit të ushtarakëve tanë, Shqipëria pranverën e këtij viti u bë vend anëtar me të drejta të plota në NATO. Kjo është një arritje e madhe për sigurinë dhe prosperitetin e vendin dhe veçanërisht për Forcat tona të Armatosura, me të cilat ne të gjithë ndihemi krenarë. Viti 2010 do të jetë sërish vit i zhvillimeve të mëdha, standardizimit dhe modernizimit të Forcave të Armatosura, rritjes së kualiteteve dhe personalitetit të ushtarakëve tanë.
Gëzuar Krishtlindjet dhe Vitin e Ri! Qoftë një vit i mbarë për ju dhe familjet tuaja!

Përzemërsisht,
Gëzuar Vitin e Ri 2010!
Ministri i Mbrojtjes
Arben Imami