Komanda e Mbështetjes, si u përballuan sfidat e këtij viti

Bejdo Malo

Kjo dinamikë në vitin 2009, ka pasur një tjetër ngjyrim dhe një tjetër përkushtim. Njerëzit janë më të motivuar dhe më të qartë. Shqipëria është anëtare e NATO-s dhe ata janë pjestarë të Forcave të Armatosura dhe përgjegjësinë e kanë direkte. Gjeneral brigade Xhemal Gjunkshi e konsideron të mbarë këtë vit. Sipas tij, “Komanda Mbështetese, si një nga strukturat kryesore të Forcave të Armatosura luan rol të rëndësishëm për mbështetjen e njësive dhe reparteve të Forcave të Armatosura, për kompletimin me personel, mbështetjen logjistike, furnizimin me materiale, mbështetjen me transport. Përmbushja e misionit kushtetues është detyrimi kryesor për Komandën Mbështetëse. Përkushtimi dhe profesionalizmi i personelit oficer, nënoficer, ushtarë dhe civilë në njësitë e repartet e Komandës Mbështetëse është faktor me rëndësi në përmbushjen e misionit, arritjen e standardeve dhe ruajtjen e tyre” . Gjeneral brigade Xhemal Gjunkshi thotë për revistën “Mbrojtja” se, tërë arritjet e vitit 2009, janë mund i djersës dhe i përkushtimit të gjithë stafit drejtues të Komandës së Mbështetjes. Stafi ka zbatuar më së miri, detyrat dhe bashkëveprimi ka qenë çelësi i suksesit. Kam kërkuar që të gjithë ata që drejtojnë repartet më të rëndësishme të Komandës së Mbështetjes thotë gjenerali ta kryejnë me autoritet të plotë atë. Listën e bashkëpunëtorëve të tij më të ngushtë ai e fillon me kolonel: Adem Halili dhe më tej vlerëson punën e nënkolonel Përparim Akullit, nënkolonel Gjet Bushit dhe tërë shtabit të Komandës së Mbështetjes. Gjenerali vlerëson punën e kolonel Bedri Mihaj, si drejtues serioz i Spitalit Ushtarak. Zoti Gjunkshi si numri një i Komandës së Mbështetjes vlerëson impenjimin në realizmin e detyrave të: kolonel Selim Spahiu, kolonel Muhamet Buçpapa, nënkolonel Riza Shaqirruka nga Komanda e Logjistikës, punën e kolonel Vait Golikja, nënkolonel Mit’hat Shima, nënkolonel Halim Teqja, nënkolonel Arben Hoxha nga Qendra Operacionale, zj. Zerina Kuka dhe Fatbardh Kuçi, si dhe nga Regjimenti i Infrastrukturës (Xhenio), major Agim Elezi nga Qendra e Personel-Rekrutimit, kolonel Zini Goxhaj. Për Komandën Mbështetëse, përmbushja e detyrimeve që rrjedhin nga qenia anëtar i NATO-s mbetet një kërkesë e vazhdueshme, veçanërisht për mbështetjen e trupave pjesëmarrëse në misionet paqeruajtëse dhe për koordinimin e aktiviteteve të trupave të NATO-s, që zhvillojnë stërvitje ose kalojnë tranzit në vendin tonë nëpërmjet Qendrës së Koordinimit të Mbështetjes së vendit pritës. Komanda Mbështetëse me një ekip EOD nga muaji prill 2008, vijon të jetë prezent në Bosnjë-Hercegovinë në misionin « ALTHEA » të Bashkimit Europian. Komanda e EUFOR-it në Bosnjë-Hercegovinë ka bërë vlerësimet pozitive për profesionalizmin dhe përkushtimin e treguar nga kontigjentet pjesëmarrëse në mision. Synimi është vijimi i misionit në Bosnjë-Hercegovinë dhe pjesëmarrja e personelit shëndetësor në Afganistan. Tendenca do të jetë rritja e kapaciteteve operacionale për shtimin e kontigjenteve pjesëmarrëse në misionet paqeruajtëse edhe nga efektivi i batalionit të Policisë Ushtarake. Pjesëmarrja në misionet paqeruajtëse kërkon rritjen e aftësive profesionale dhe aftësi komunikimi shumë të mirë në gjuhën angleze, nisur nga ky fakt përvetësimi i gjuhës nga personeli oficer, nënoficer dhe ushtar do të jetë përparësi. Forcat e Armatosura në vitin 2010 do të kalojnë plotësisht në forcë profesioniste. Roli i Qendrës së Personel-Rekrutimit në këtë proces do të jetë themelor për kompletimin e të gjitha strukturave me personel cilësor. Në fushën e mbështetjes logjistike prioritet do të jetë hartimi, miratimi dhe zbatimi i koncepteve të reja mbështetëse, në përputhje me strukturën e Forcave të Armatosura sipas standardeve të NATO-s. Konsolidimi dhe modernizimi i strukturave me sisteme e pajisje bashkëkohore do të vijojë të jetë një nga prioritetet për periudhën në vijim. Asgjësimi i municioneve mbetet objektiv kryesor deri në eleminimin e plotë të municioneve të tepërta dhe atyre me parametra të rëna, e lidhur kjo ngushtë me rritjen e shkallës së sigurisë për popullsinë civile. Komanda Mbështetëse në këtë proces do të vijojë të kryejë; transportimin e municioneve nga depot për në rajonet e demontimit; monitorimin e procesit të demontimit të municioneve në uzinat ushtarake, si dhe asgjësimin logjistik të municioneve në poligone nëpërmjet Kompanisë së Asgjësimit të Municioneve dhe Eksplozivëve (AEM). Komanda Mbështetëse synon përmbushjen e objektivit që ka Qeveria shqiptare dhe Forcat e Armatosura, për asgjësimin e municioneve të tepërta dhe atyre me parametra të rëna deri në vitin 2013. Procesi i demontimit të municioneve kryhet në rrugë industriale në uzinat ushtarake dhe nëpërmjet asgjësimit me plasje në poligonet e miratuara për këtë qëllim. Për vitin 2009, linjat e demontimit janë profesionale dhe të sigurta. Ato janë vlerësuar pozitivisht nga NAMSA (Agjensia e Mbështetjes së Shërbimeve e NATO-s). Asgjësimi me plasje në poligone kryhet nga Kompania e Asgjësimit të Eksplozivëve dhe Municioneve (AEM), pjesë e strukturës së Brigadës Logjistike. Kjo strukturë ka një eksperiencë të mirë në këtë proces. Vëmendje të posaçme i kemi kushtuar kompletimit me personel dhe kualifikimit sipas standardeve të NATO-s. Zbatimi i masave të sigurisë gjatë procesit të asgjësimit të municioneve ka qenë dhe mbetet shqetësimi ynë kryesor për këtë qëllim. Në fillim të këtij viti në Komandën Mbështetëse u krijua struktura mbikqyrëse, e cila ka rolin kryesor për zbatimin e rregullave të sigurisë në uzinat ushtarake. Gjithashtu, vëmendje të posaçme i kemi kushtuar zbatimit të masave të sigurisë gjatë transportimit të municioneve me mjetet e transportit, duke bërë shoqërimin me Polici Ushtarake. Brigada Logjistike me batalionin e armatim-municionit, batalionin e Transportit dhe Kompaninë e Asgjësimit të Municioneve dhe Eksplozivëve kanë peshën kryesore në këtë proces, përfshirë këtu batalionin e Policisë Ushtarake, i cili bën shoqërimin e autokolonave me municion në akset rrugore nacionale apo rurale. Brigada Logjistike ëshë sot për sot, njësia me shtrirje gjeografike më të gjerë nga Gjegjani në Pukë deri në Sinanaj, Tepelenë. Brigada Logjistike, përveç të tjerave, përfshin në strukturën e saj, të gjitha rajonet e grup-depove, ku ruhet dhe administrohet armatim-municioni i FA-së. Brigada Logjistike në përputhje me planin që ka bërë Drejtoria Logjistike në Shtabin e Përgjithshëm bën në mënyrë ritimike shpërndarjen dhe dërgimin në destinacion të materialeve për të gjitha klasat e furnizimit në njësitë dhe repartet e FA-së. Me rëndësi të veçantë është procesi i pritjes dhe kolaudimit të mallrave që vijnë nga subjektet private sipas kontratave të lidhura nga seksioni i pritjes dhe kolaudimit të mallrave. Ky seksion bën kontrollin e mallrave nga ana sasiore dhe cilësore, konformë specifikimeve teknike të përshkruara në kontratë duke u bërë kështu “postobllok” për të mos lejuar hyrjen e materialeve jo cilësore për përdorim në Forcat e Armatosura. Një nga detyrat kryesore në procesin e kolaudimit të mallrave është testimi dhe pajisja me raportin e analizës që kryhet në këtë laborator, duke ju përgjigjur në kohë kërkesave të Brigadës Logjistike, ku funksionon seksioni i pritjes dhe kolaudimit të mallrave. Çertifikimi i Laboratorit Qendror për kryerjen e analizave të ushqimeve, veshmbathjes dhe karburanteve ka bërë që vitet e fundit të rritet cilësia e mallrave që futen në përdorim të Forcave të Armatosura. Gjatë vitit 2008, që u futën në përdorim disa pajisje të reja për përcaktimin e metaleve dhe elementëve të rëndë kimikë, për përcaktimin e përmbajtjes së squfurit në karburante, si dhe pajisje për testimin e veshmbathjes. Kjo ka rritur kapacitetet dhe gamën e aktiviteteve të këtij laboratori. Mbështetja e popullsisë civile është një nga aspektet e rëndësishme të veprimtarisë të njësive të Komandës Mbështetëse. Më evidente kjo është për Regjimentin e Infrastrukturës, Spitalin Ushtarak Qendror Universitar dhe Kompaninë e Asgjësimit të Municioneve Eksplozivëve. Regjimenti i Infrastrukturës është angazhuar në rastet e emergjencave civile të shkaktuara nga kushtet e motit dhe rënia e zjarreve gjatë verës, përmirësimin e infrastrukturës rrugore dhe ndërtimin e urave tip “Bailey”. Spitali Ushtarak Qendror Universitar ofron shërbime për publikun në shërbimet e Qendrës Kombëtare të Traumës për aksidentet e urgjencat e ortopedi-traumatologjisë në rang vendi dhe shërbimi i Toksikologjisë për tw gjitha rastet nw rang vendi për intoksikacione nga shkaqe tw ndryshme, si dhe pacientwt toksikodipedente. Kompanina e Asgjësimit të Municioneve ka marrë pjesë për asgjësimin e municioneve të gjetura në rajone të ndryshme nga popullata, kryesisht municione të Luftës së Dytë Botërore. Për zhbllokimin e rrugëve nga dëbora. Në periudhën janar-mars në qarqet Dibër, Elbasan dhe Tiranë u angazhuan 5 mjete. Për shuarjen e zjarreve, në muajin shtator efektivi i Regjimentit të Infrastrukturës, me personel 20 vetë dhe një mjet mori pjesë në shuarjen e zjarrit në rajonin e Rubikut. Për mbështetjen e projekteve për përmirësimin e infrastrukturës rrugore të bashkive dhe komunave të vendit. Nga muaji janar e në vijim, Regjimenti i Infrastrukturës nëpërmjet batalionit xheniero-ndërtues ka mbështetur organet e pushtetit vendor për përmirësimin e rrugëve rurale në komunat: Përparimaj dhe Pajovë (Elbasan), komunën Xibër (Mat), komunën Zall-Bastar dhe në komunën Petrelë (Tiranë). Aktualisht, vijon puna në komunën Margegaj (Tropojë). Në këtë komunë, operacioni ka filluar në muajin gusht 2007. Për periudhën janar-shtator 2009, në ndihmë të komunitetit nga Regjimenti i Infrastrukturës janë montuar 6 ura tip “Bailey”, me gjatësi të përgjithshme 132 ml. Urat janë ndërtuar në bashkinë Këlcyrë (Përmet), komunën Kryevidh (Kavajë), komunat Mollas dhe Përparimaj (Elbasan), komunën Markat (Sarandë) dhe në komunën Derven (Krujë). Në zona të ndryshme të vendit tonë gjatë kryerjes së punimeve të gërmimit nga popullsia janë hasur municione të ndryshme, kryesisht të Luftës së Dytë Botërore ose të shpërndara nga ngjarjet e vitit 1997. Në këto raste, organet e pushtetit lokal i janë drejtuar për ndihmë Shtabit të Përgjithshëm të FA për ndërhyrje. Me urdhër të veçantë për heqjen e këtyre municioneve është angazhuar Kompania e Asgjësimit të Municioneve dhe Eksplozivëve. Në muajin janar, 3 ekspertë EOD asistuan gjatë kryerjes së punimeve, zbuluan dhe asgjësuan një bombë aviacioni të Luftës së Dytë Botërore në Portin e Durrësit. Në periudhën maj-qershor në zonën e Bisht-Pallës, 5 ekspertë EOD të Kompanisë së AEM morën pjesë në zbulimin dhe asgjësimin e municioneve të Luftës së Dytë Botërore.
Synimi ka qenë sigurimi i mbështetjes nga pushteti lokal në rajonet ku ndodhen poligonet e asgjësimit të municioneve. Për problemet që kanë dalë gjatë procesit të asgjësimit të municioneve janë zhvilluar takime me përfaqësuesit e pushtetit lokal. Në kuadër të mbështetjes të operacioneve për asgjësimin e municioneve këtë vit u hartua një udhëzues i posaçëm për strukturën e BCU-së në Brigadën Logjistike. Aktualisht, po punohet për krijimin e bazës të të dhënave për drejtuesit e pushtetit lokal në rajonet e poligoneve të asgjësimit dhe për rajonet ku janë dislokuar grupdepot e municionit. Për herë të parë në faqen e internetit në vijimësi është pasqyruar aktiviteti më i rëndësishëm i strukturave të Komandës së Mbështetjes për periudhën janar-dhjetor 2009 janë publikuar 50 informacione. Në muajin janar u hap një rubrikë e re në faqen e internetit, në të cilën janë pasqyruar paketa ligjore për veprimtarinë e Qendrës së Koordinimit të Mbështetjes së Vendit Pritës. Në rubrikën “Bëhu Pjesë e FA” janë pasqyruar koha e testimit, kriteret dhe dokumentacioni që duhet të plotësojë një kandidat për ushtar profesionist. Kjo i jep mundësinë çdo qytetari që të informohet në rrugë elektronike pa qenë e nevojshme të qëndrojë në radhë për sqarime.
Këtë vit për aktivitetin e strukturave të Komandës së Mbështetjes janë prodhuar 3 filma dokumentarë. Një vit në memorje, kushtuar aktivitetit të KM për vitin 2009, i cili u shfaq me rastin e zhvillimit të analizës të veprimtarisë vjetore. Ky dokumentar ndodhet edhe në faqen e internetit të KM. Pranë komunitetit, kushtuar aktivitetit të Regjimentit të Infrastrukturës në mbështetje të popullsisë civile. Dhe aktiviteti më i rëndësishëm i vitit ishte “80 vjet” histori, kushtuar aktivitetit të Spitalit Ushtarak Qendror Universitar, i cili u shfaq me rastin e 80-vjetorit të krijimit. Mbështetja e popullsisë civile është një nga aspektet e rëndësishme të veprimtarisë të njësive të Komandës Mbështetëse. Më evidente kjo është për Regjimentin e Infrastrukturës, Spitalin Ushtarak Qendror Universitar dhe Kompaninë e Asgjësimit të Municioneve dhe Eksplozivëve. Regjimenti i Infrastrukturës është angazhuar në rastet e emergjencave civile, të shkaktuara nga kushtet e motit dhe rënia e zjarreve gjatë verës, përmirësimin e infrastrukturës rrugore dhe ndërtimin e urave tip “Bailey”. Spitali Ushtarak Qendror Universitar ofron shërbime për publikun në shërbimet e Qendrës Kombëtare te Traumës, për aksidentet e urgjencat e ortopedi-traumatologjisë në rang vendi dhe shërbimi i Toksikologjisë për të gjitha rastet në rang vendi për intoksikacione nga shkaqe të ndryshme, si dhe pacientët toksikodipedente. Kompanina e Asgjësimit të Municioneve ka marrë pjesë për asgjësimin e municioneve të gjetura në rajone të ndryshme nga popullata kryesisht municione të Luftës së Dytë Botërore. Në periudhën janar-mars dhe në dhjetorin e vitit 2009, në qarqet Dibër, Elbasan dhe Tiranë u angazhuan 5 mjete. Në muajin shtator, efektivi i Regjimentit të Infrastrukturës me personel 20 vetë dhe një mjet mori pjesë në shuarjen e zjarrit në rajonin e Rubikut. Nga muaji janar e në vijim, Regjimenti i Infrastrukturës nëpërmjet batalionit xheniero-ndërtues ka mbështetur organet e pushtetit vendor për përmirësimin e rrugëve rurale në komunat Përparimaj dhe Pajovë (Elbasan), komunën Xibër (Mat), komunën Zall-Bastar dhe në komunën Petrelë (Tiranë). Aktualisht vijon punan në Komunën Margegaj (Tropojë). Në këtë komunë operacioni ka filluar në muajin gusht 2007. Për periudhën janar-shtator 2009 në ndihmë të komunitetit nga Regjimenti Infrastrukturës janë montuar 6 ura tip “Bailey” me gjatësi të përgjithshme 132 ml. Urat janë ndërtuar në bashkinë Këlcyrë (Përmet), komunën Kryevidh (Kavajë), komunat Mollas dhe Pëprarimaj (Elbasan), komunën Markat (Sarandë) dhe në komunën Derven (Krujë). Në zona të ndryshme të vendit tonë gjatë kryerjes së punimeve të gërmimit nga popullsia janë hasur municione të ndryshme, kryesisht të Luftës së Dytë Botërore ose të shpërndara nga ngjarjet e vitit 1997. Në këto raste, organet e pushtetit lokal i janë drejtuar për ndihmë Shtabit të Përgjithshëm të FA për ndërhyrje. Me urdhra të veçantë për heqjen e këtyre municioneve është angazhuar Kompania e Asgjësimit të Municioneve dhe Eksplozivëve. Në muajin janar, 3 ekspertë EOD asistuan gjatë gjatë kryerjes së punimeve dhe zbuluan, asgjësuan një bombë aviacioni e Luftës së Dytë Botërore në Portin e Durrësit. Në periudhën maj-qershor në zonën e Bisht-Pallës 5 ekspertë EOD, të Kompanisë së AEM morën pjesë në zbulimin dhe asgjësimin e municioneve të Luftës së Dytë Botërore.