Beteja e përjetshme me misteret e valëve blu

Bejdo Malo

Këtë vit Forcat Detare zhvilluan disa stërvitje shumë të rëndësishme, përsa i përket rritjes profesionale të efektivave qoftë nga ana planëzuese, organizative dhe zhvillimit në det të stërvitjeve, në bashkëpunim me vende të NATO-s, vendet e ADRION-it, por edhe me institucionet që kanë interesa në det. Zoti Kudret Çela vlerëson së tepërmi stervitjen "Albanian Lion 09", e zhvilluar në muajin prill në Pashaliman dhe Gjirin e Vlorës në bashkëpunim me FA hollandeze, ku pjesëmarrëse ishin: Forcat Detare dhe trupat komando të të dy vendeve, shërbimi ynë polumbar dhe Brigada Ajrore. E një rëndësie të veçantë konsiderohet dhe stërvitja "ADRION LIVEX 09", e zhvilluar në ujrat tona territoriale, konkretisht në rajonin e Durrësit dhe të Vlorës, në muajin qershor, me vendet e Adriatikut dhe të Jonit (ADRION): Shqipëri, Kroaci, Greqi, Itali, Mali i Zi dhe Slloveni, ishte e rëndësisë së veçantë, pasi duke qenë Shqipëria vendi pritës, Forcat Detare patën rolin kryesor nga fillimi deri në fund. Organizimi i kësaj stërvitje në vendin tonë kërkonte që në planin taktik të zgjidheshin detyra sipas procedurave standarde të NATO-s dhe ajo që ishte më e rëndësishmja, Shqipëria nuk do të ishte thjesht vendi pritës, por do të organizonte, planëzonte dhe drejtonte zhvillimin e stërvitjes. Anija "Iliria" do të ishte anija flamurtare e "Task Forcës" ndërkombëtare të krijuar. Admirali tërë bilancin pozitiv të arritur në këtë vit, ia atribuon tërë stafit të tij. Ai e konisderon shumë të shenjtë bashkëpunimin, besimin dhe përgjegjësitë që duhet të marrë secili pjestar i stafit. Ai liston pjestarët e stafit, të cilët këtë vit kanë realizuar më së miri detyrat. "Theksi duhet vënë tek modernizimi, thotë zoti Kudret Çela dhe sidomos tek projekti me kompaninë "DAMEN". Drejtori i kantierit detar, kapiten i Rang. II Gjergji Koço, kapiten i Rang. III Adrian Vreshtazi, lejtnant Ardian Sera, ing. Ilir Velaj, civilë: Kleart Petani, Klarit Petani, Shefqet Xhelali, Ervis Media janë ata, të cilët kanë udhëhequr punën. Për stërvitjet e zhvilluara për vitin 2009, ai vlerëson punën e kapiten Rang. II Subi Zenelaj, shef i Degës Operacionale në FD, kapiten I Rang. I-rë Artur Meçollari, komandant i FDJ kapiten i Rang II Tomorr Spaho, komandant i FDV, kapiten i Rang. II Adnand Agastra, shef i Shtabit të FDJ lejtnant Gjovalin Ndoi, oficer shtabi për stërvitjen lejtënant Blerim Hoxha, komandant i anijes "ILIRIA" lejtnant Edison Hoxha zv.komandant i anijes "ILIRIA" k/lejtnant Gentian Prifti, komandant i Grupit të Rojës Bregdetare në FDJ k/lejtnant Gjergji Koço, shef shtabi i FDV k/lejtnant Emrush Bejdo, komandant i Grupit të Rojes Bregdetare në FDV. Për bashkëpunimin ushtarak bie në sy përkushtimi i kapitene Ermira Agalliu, shefe e Degës së Planifikimit në FD, k/lejtnant Dorian Tola oficer për Planifikim-Modernizimin në FD. Këtë vit një punë shumë e mirë është bërë për logjistikën dhe tërë barrën e punëve e kanë mbajtur nënkolonel Arben Koçiu, shef i Degës Logjistike në FD. Infrastruktura: major Edmond Bici, specialist i Infrastruktures në FD Mirëmbajtja: major Agim Bermuça ing. Thoma Gjika toger Vlash Doda. Për menaxhimin e personelit janë dalluar: major Gëzim Gila, shef i Degës së Personelit në FD, k/lejtnant Diodor Muja, specialist për menaxhimin e personelit & arsimim-kualifikimin. Tek Sistemi i Integruar i Vëzhgimit të Hapësirës Detare: komandant i QNOD, kapiten i Rangut I-rë Petrit Baduni, lejtnant Elvis Cenko, lejtnant Aleksandër Shyti kapiten i Rangut I Roland Nasto, shef i Shtabit të Forcës Detare e konsideron punën e tërë shtabit të Forcave Detare shumë më cilësore se një vit më parë. Anëtarësimi në NATO, i dha një tjetër impuls realizmit të detyrave. Një provë e nivelit të përgatitjes së shtabit ishte stërvitja, "Adrion Livex-09". Sipas zotit Roland Nasto, "Qëllimi i stërvitjes "ADRION LIVEX - 09" ishte përmirësimi i standardeve të bashkëveprimit midis Forcave Detare të vendeve pjesëmarëse për realizimin e operacioneve në përgjigje të krizave (Crisis Response Operation). Stërvitja do të praktikonte kapacitetet dhe aftësitë detare në operacione të tilla si: operacione të kapjeve detare (MIO), embargo detare, operacione të evakuimit të personelit (NEO), kërkim-shpëtimi (SAR), qitje reale detare (GUNEX), manovrim taktik (TACEX) dhe ushtrime komunikimi (COMEX). Zhvillimi i kësaj stërvitje për Forcat Detare, qe një sfidë, e cila u kurorëzua me shumë sukses në aspektin planëzues, organizativ dhe të zhvillimit të saj. Një tjetër stërvitje e rëndësishme, përsa i përket bashkëpunimit dhe koordinimit të Forcës Detare me institucionet që kanë interesa në det ishte stërvitja "Shqiponja e Lumtur '09", e zhvilluar në rajonin e Gjirit të Durrësit- Kepi i Palit, ku morën pjesë Flotilja Detare e Veriut, Policia Kufitare, Antikondrabanda Detare, Inspektoriati i Peshkimit dhe Kapiteneria e Portit, Durrës". Këto stërvitje me shtimin e bashkëveprimit mes Forcave Detare shqiptare dhe Forcave Detare të vendeve të tjera dhe institucioneve që kanë interesa në det, sinkronizimin e veprimeve mes tyre gjatë operacioneve për zbatimin e ligjshmërisë, shpëtimin e jetës së njerëzve dhe mjeteve në rrezik, kërkim-shpëtimin e të mbijeturave dhe dhënies së ndihmës për ta etj, janë shumë frytdhënëse, pasi kanë rritur nivelin e përgatitjes operacionale të forcave për të qenë të afta të operojnë në situata të ndryshme e në veçanti përmirësimin e aftësive për të drejtuar operacione të përbashkëta. Një arritje tjetër e këtij viti ishte modernizmi i Forcave Detare. Në kuadrin e modernizimit dhe ristrukturimit të Forcave të Armatosura të RSH edhe Forca Detare është përfshirë tërësisht në këtë proces. Gjatë vitit 2009, Forca Detare është përballur me dy objektiva kryesore atë të realizimit të: investimeve për instalimin e Sistemit të Integruar të Vëzhgimit të Hapësirës Detare, si dhe në projektin për blerjen dhe montimin e tre anijeve në Kantierin e Pashalimanit, Vlorë, në bashkëpunim me kompaninë holandeze "DAMEN". Lidhur me këtë në janar të vitit 2009, ka filluar vënia në punë i SIVHD, me miratim të njësisë së zbatimit dhe Kompanisë Amerikane "Locheed Martin". Sistemi bën të mundur vëzhgimin dhe monitorin e pandërprerë të hapësirës detare. Në sajë të këtij sistemi bëhet i mundur shkëmbimi i informacionit ndërinstitucional, kontrolli i hapësirës detare dhe përpunimi i të dhënave nëpërmjet qendrave operacionale, elementë këta, të cilat janë thelbësore për kontrollin dhe zbatimin e ligjshmërisë në det; parandalimin e trafiqeve e peshkimit të paligjshëm, si dhe të ndotjes detare. Përsa i përket zbatimit të projektit për montimin e tre anijeve në kantierin e Pashalimanit deri tani është realizuar, ndërtimi i kapanonit në të cilin do të kryhet montimi i anijeve. Si çdo vit, në kuadër të bashkëpunimit ushtarak për vitin 2009, Komanda e Forcës Detare dhe repartet vartëse janë vizituar nga përfaqwsues të lartë ushtarakë të vendeve të ndryshme, ku ndër më të rëndësishmet mund të përmendim vizitën e admiralit Mark Fitzgerald dhe ekipi i tij, në muajin janar, të cilët theksuan përkushtimin dhe profesionalizmin e treguar nga ushtarakët tanë në stërvitjet e përbashkëta me struktura të NATO-s, projektet e modernizimit të FD, përgatitjen dhe arsimimin e personelit, përmirësimin e kuadrit ligjor, etj. Në muajin Qershor, gjatë stërvitjes "ADRION LIVEX 09", në ditën e vizitorëve të shquar Komanda e Forcës Detare priti admiral Luigi Binelli Mantelli, komandant i Flotiljes (CINCNAV) italiane, kundëradmiral Georgios Karamalikis, komandant i Forcës Detare greke, kapiten i Rangut të I Predrag Stipanovic, shef i Shtabit të Forcës Detare kroate, kapiten i Rangut të I-rë Rajko Bulatovic, komandant i Forcës Detare të Malit të Zi. Ndërsa në muajin shtator dhe tetor, Komanda e Forcës Detare shqiptare u vizitua përkatësisht nga komandanti i Rojës Bregdetare turke, admiral Izzet Artunc me 3 oficerë të kësaj strukture dhe kryetari i Senatit Kanadez z. Noël Kinsella, i shoqëruar nga zv.ministrja e Mbrojtjes Zana Xhuka dhe nga një grup senatorësh kanadezë. Përveç përfaqësuesve të lartë të sipërpërmendur, për arsye bashkëpunimi me efektiva të Forcës Detare edhe grupe trajnimi siç ishte ekipi trajnues i lëvizshëm i këtij Komponenti Detar të Komandës së NATO-s, në Napoli, i kryesuar nga kapiteni i Rangut të II-të Bjorn H. Jager, delegacioni i Flotës së 6-të të SHBA, në Mesdhe, i kryesuar nga kapiten i Rangut të I Doug Cuthbert, etj. Gjatë këtij viti, zhvillimi i burimeve njerëzore ka pasur si objektiv kryesor mbështetjen e strukturës së Forcës Detare me resurset e nevojshme, bazuar në konceptin e forcës profesioniste; progresin e bërë gjatë kësaj periudhe; përmirësimin e programeve të personelit për të realizuar objektivat e transformimit për përmbushjen e misionit dhe detyrave të ngarkuara; si dhe standardeve sipas përvojës së vendeve të NATO-s. Karriera e personelit oficer dhe nënoficer është zhvilluar në përputhje me kërkesat e gradës dhe funksioneve organike. Ky proces ka mbajtur në konsideratë arsimimin, kualifikimin dhe trajnimin e oficerëve dhe nënoficerëve (brenda dhe jashtë vendit), vlerat morale, qëndrimin dhe përkushtimin në kryerjen e detyrës. Prioritet gjatë këtij viti ka qenë rekrutimi i detarëve profesionistë, duke mbajtur parasysh plotësimin e Tabelës së Organizimit dhe Pajisjeve dhe limitet e dhëna për këtë vit. Gjithashtu është synuar rritja e numrit të nënoficerëve të kualifikuar dhe aftësimi i tyre, në përputhje me nevojat dhe kriteret e vendit të punës. Gjatë tre mujorit të parë të vitit 2009, përparësi ka qenë mbështetja dhe kompletimi me personel në masën 100%, të Komponentit të Rojës Bregdetare dhe Sistemit të Integruar të Vëzhgimit të Hapësirës Detare, si dy nga strukturat me kyçe, përsa i përket kontrollit dhe monitorimit të Hapësirës Detare dhe zbatimit të ligjshmërisë në të. Një rëndësi të veçantë kanë pasur ndryshimet në infrastrukturë, të cilat kanë ndikuar për një përmirësim të ndjeshëm në elementët e gadishmërisë për realizimin e detyrave. Mund të përmendim, hartimin e masterplanit të Bazës Detare Pashaliman, Vlorë sipas kritereve të NATO-s, për përcaktimin e investimeve që do të parashikohen në vijimësi, bazuar në planin e implementimit e studimit të bërë nga grupi drejtues i infrastrukturës; hartimi i detyrave të projektimit për objektet prioritare, që do të kryejnë investime për vitin 2010. Në kuadrin e ristrukturimit dhe modernizimit të Forcave të Armatosura të RSH edhe Forca Detare është e angazhuar tërësisht në këtë proces. Për Forcën Detare, viti 2009 ka qenë angazhim dhe përballje të dy objektivave madhore, atë të realizimit të investimeve për instalimin e SIVHD, si dhe në projektin për blerjen dhe montimin e anijeve në Kantierin e Pashalimanit, Vlorë në bashkëpunim me Kompanine Holandeze "DAMEN". Objektiva këto, sa jetike por edhe të domosdoshme për të krijuar një imazh te ri, për Forcat Detare. Rëndësi i është kushtuar realizimit të investimeve për instalimin e projektit SIVHD, projektit "DAMEN", për ndërtimin e infrastrukturës së kantierit të anijeve, ndërtimi i ambjenteve të brendshëm të kapanonit Pashaliman, rikonstruksion i depos logjistike Pashaliman, si dhe rrjetet inxhinierike Pashaliman. Nga sektori i Mirëmbajtjes së FD, për vitin 2009, është punuar për të hartuar një planëzim, sa më konkret e real në drejtim të mirëmbajtjes e riparimit të teknikës e pajisjeve të FD, duke hartuar planet e mirëmbajtjes e të riparimit për të tre nivelet, sipas udhëzimeve të shtruara, duke filluar nga planet vjetore e deri tek ato mujore, për çdo repart e sektor të mirëmbajtjes. Po ashtu është punuar edhe për ndjekjen hap pas hapi të realizimit në praktikë të këtyre planeve, si nga kantieri detar, ashtu edhe nga togat e mirëmbajtjes e të riparimit në vartësi të Batalionit të Mbështetjes Logjistike e KD. Në drejtim të realizimit të planeve të mirëmbajtjes dhe të riparimit, si për anijet ashtu edhe për mjetet e transportit e pajisjet e tjera, është punuar në vazhdimësi. Në periudhën një vjeçare për anijet janë kryer rreth 20(dokime), riparime të nivelit të III nga kantier detar, Pashaliman, mbi 30 riparime të nivelit të II, nga togat e Mirëmbajtjes në Bisht Pallë e Pashaliman, si dhe 100% e shërbimeve të mirëmbajtjes së nivelit I, nga vetë efektivat e anijeve, në bashkëpunim me specialistët e mirëmbajtjes së ofiçinave. Në kantierin detar gjatë kësaj periudhe, krahas detyrave të mirëmbajtjes e riparimit të anijeve, është punuar edhe për përgatitjen e ambjenteve e kushteve teknike për ndërtimin e anijeve të Rojes Bregdetare, sipas kontratës së lidhur me Kompaninë Holandeze të ndërtimit të anijeve "DAMEN", si dhe ka filluar puna për prodhimin e anijeve të reja të Rojes Bregdetare sipas projektit të miratuar. Nga seksioni i Transportit është punuar në hartimin e një planëzimi sa më konçiz e real në drejtim të mbështetjes me transport personeli apo për mbështetjen me transport të materialeve të ndryshme logjistike. Eshtë punuar në përmirësimin e infrastrukturës së parqeve, ngritjen dhe funksionimin e VKT-ve në të gjitha repartet e nënrepartet e FD, kjo në përputhje me kërkesat e Rregullores së transportit ushtarak. Një punë e mirë është bërë në drejtim të mirëmbajtjes së nivelit të I dhe II nga ana e drejtuesve të automjeteve në Kompaninë Mbështetëse të Shtabit të Forcës Detare.