|
Më datën 14 dhjetor 2007, në mjediset e
ministrisë së Mbrojtjes u zhvillua ceremonia
e hapjes së zyrave të reja pranë Ministrisë
së Mbrojtjes për Shtabin e NATO-s në Tiranë.
Në këtë veprimtari mori pjesë ministri
i Mbrojtjes Fatmir Mediu, zv.ministrja e Mbrojtjes Zana
Xhuka, shefi i Shtabit të Përgjithshëm
i FA-së gjeneral lejtnant Luan Hoxha, zv.shefi i
Shtabit të Përgjithshëm gjeneral bigade
Agim Lala, komandanti i Shtabit të NATO-s në
Tiranë gjeneral brigade Anastasios Rintis dhe ushtarakë
të tjerë të NATO-s dhe të Forcave
tona të Armatosura.
Në ceremoni ishin të pranishëm edhe ambasadorë
dhe atashe ushtarakë të vendeve anëtare
të NATO-s dhe PfP-së, si dhe përfaqësues
të tjerë të trupit diplomatik të akredituar
në Tiranë.
Ministri i Mbrojtjes Fatmir Mediu, duke përshë-ndetur
vendosjen në zyrat e reja të Shtabit të
NATO-s, që shërben në Shqipëri prej
disa vitesh, shprehu konsideratat e tij të larta
për asistencën dhe mbështetjen e vazhdueshme
që ka dhënë kjo strukturë e veçantë
e NATO-s në vendin tonë për reformimin
dhe transforimin e Forcave të Armatosura Shqiptare
në standardet që kërkohen për integrimin
e tyre në këtë Aleancë. Ministri Mediu
theksoi gjithashtu se, vendosja e Shtabit të NATO-s
në zyrat e reja pranë Ministrisë së
Mbrojtjes do të ndihmojë akoma më shumë
për rritjen e bashkëpunimit dhe të komunikimit
me autoritetet shqiptare dhe sidomos me personelin e Ministrisë
së Mbrojtjes dhe të Shtabit të Përgjithsëm
të FA-së, sidomos tani që jemi në
prag të marrjes së ftesës për anëtarësim
në NATO.
Nga ana e tij, komandanti i Shtabit të NATO-s në
Tiranë, gjeneral brigade Anastasios Rintis falenderoi
drejtuesit e Ministrisë së Mbrojtjes dhe të
Shtabit të Përgjithshëm për përkrahjen
dhe mbështetjen që kanë dhënë
për të siguruar kushte gjithnjë e më
të mira pune për personelin e strukturës
që ai drejton. Ai shprehu bindjen e tij se fryma
e bashkëpunimit midis Shtabit të NATO-s në
Tiranë dhe Ministrisë së Mbrojtjes, Shtabit
të Përgjithshëm dhe FA Shqiptare do të
forcohet gjithnjë e më shumë në të
ardhmen.
NATO do të vazhdojë të asistojë dhe
të mbështesë përpjekjet e Shqipërisë
dhe Forcave të saj të Armatosura për të
arritur standardet në lartësinë e vlerave
të NATO-s, si dhe për të kontribuar në
sigurinë dhe stabilitetin në rajon.
Ministri
i Mbrojtjes Fatmir Mediu, vizitë zyrtare në
Budapest
Hungaria
do të mbështesë ftesën për anëtarësim
të Shqipërisë në Aleancën e Atlantikut
të Veriut
Hungaria mbështet anëtarësimin
e shpejtë të Shqipërisë në NATO.
Mesa-zhi është dhënë gjatë vizitës
zyrtare të Ministrit të Mbrojtjes së Shqipërisë
z.Fatmir Mediu në Budapest, në takimet që
pati me homologun e tij hungarez, z.Imre Szekeres si dhe
ministren e Jashtme znj.Kinga Gonz. Takimin e parë
zyrtar pas pritjes ceremoniale, Ministri Mediu e zhvilloi
me homologun e tij, ministrin e Mbrojtjes të Hungarisë
z. Imre Szekeres.
Ministri i Mbrojtjes i Republikës së Hungarisë,
z.Szekeres, që në nisje të takimit zyrtar
deklaroi hapur se vendi i tij vlerëson reformat e
ndërmarra në Shqipëri dhe veçanërisht
në Forcat e Armatosura duke deklaruar se në
Samitin e ardhshëm të NATO-s, në Bukuresht,
Hungaria do të mbështesë ftesën për
anëtarësim në Aleancën e Atlantikut
të Veriut të vendit tonë. Ministri hungarez
i Mbrojtjes, u shpreh i kënaqur me standardet e arritura
gjatë viteve te fundit në Forcat e Armatosura
të Shqipërisë, si dhe rolin e tyre në
ruajtje të paqes dhe sigurisë edhe në pikat
më të nxehta të globit.
“Vlerësojmë rolin e Shqipërisë në
zhvillimet politike në rajonin e Ballkanit, - tha
ministri i Mbrojtjes e Hungarisë z.Szekeres, - duke
marrë rolin e një faktori kyç për
stabilitet dhe dialog të vazhdueshëm”.
Ministri Mediu pasi ka bërë një përmbledhje
të reformave brenda Forcave të Armatosura të
Shqipërisë, tha se atualisht anëtarësimi
në NATO është qëllimi kryesor i Qeverisë
Shqiptare, që ka dhe mbështetjen e të gjithë
spektrit politik dhe qytetarëve shqiptarë.”Po
punojmë fort, - tha ministri Mediu, - që të
përmbushim të gjitha standardet e duhura jo
vetëm ato ushtarake, në mënyrë që
ftesa për anëtarësim për Shqipërinë
gjatë Samitit të ardhshëm të NATO-s,
të jetë e merituar”.Ai falenderoi homologun
hungarez, për qendrimin e Hungarisë në
mbështetje të anëtarësimit të
Shqipërisë në NATO.
Më pas, dy ministrat, patën një konferencë
të përbashkët shtypi para medias vendase,
ku shprehën qendrimet që mbajtën gjatë
takimit, rreth anëtarësimit të shpejtë
të Shqipërisë në NATO.
Një takim të veçantë kortezie në
Budapest, ministri i Mbrojtjes z.Fatmir Mediu pati edhe
me ministren e Jashtme të Hungarisë znj.Kinga
Gonz. Edhe ministrja e Jashtme e Hungarisë u shpreh
në mbështetje të anëtarësimit
sa më të shpejtë të Shqipërisë
në NATO, në vijim të politikës së
dyerve të hapura që ka Aleanca, siç u
shpreh vetë znj.Gonz. Ministri i Mbrojtjes z.Fatmir
Mediu,- informoi znj.Gonz,- se Shqipëria do të
vazhdojë të kontribuojë si një faktor
në ruajtjen e stabilitetit të Ballkanit, ku
sigurisht një rol të madh në këtë
drejtim do të ketë dhe një anëtarësim
i mundshëm i Shqipërisë dhe vendeve të
tjera të Kartës së Adriatikut. Ministri
i Mbrojtjes, z.Fatmir Mediu dhe delegacioni që e
shoqëronte vizitoi edhe Qendrën Operacionale
të Forcave të Armatosura të Hungarisë,
ku u rakordua për rritjen e bashkëpunimit mes
Forcave të Armatosura të dy vendeve tona, në
stërvitje të përbashkëta si dhe fusha
të tjera bashkëpunimi.
Të
pranishëm zv/ministria Zana Xhuka dhe Gjeneral Hoxha
Takim
me familjet e ushtarakëve në QKFA
Takim festiv në prag
të festave të fundvitit. Ushtarakë të
Forcave të Armatosura, të shoqëruar nga
fëmijët dhe bashkëshortet e tyre janë
mbledhur të mërkurën pasdite për të
festuar mbylljen e një viti me jo pak angazhime e
punë me ngarkesë të plotë në
të gjithë njësitë e strukturat, si
dhe sektorët dhe drejtoritë e Ministrisë
së Mbrojtjes dhe të Shtabit të Përgjithshëm.
Që prej një jave mjediset e QKFA janë stolisur
për t’i paraprirë aktiviteteve të shumta
me rastin e festave të fundvitit. Në ceremoninë
e së mërkurës ishin të ftuar Zëvendësministrja
e Mbrojtjes Zana Xhuka , Shefi i Shtabit të Përgjithshëm
të FA, gjeneral lejtnant Luan Hoxha, komandanti i
Shtabit të NATO-s në Tiranë, gjeneral Rintis,
komandanti i FB gjeneral major Shpëtim Spahiu, zëvendësshefi
i ShP, gjeneral brigade Agim Lala, atashe ushtarakë
të akredituar në Shqipëri, komandantë
të Komandave Kryesore, komandantë njësish,
familje të ushtarakëve dhe punonjësve civilë
në dikasterin e Mbrojtjes dhe të Shtabit të
Përgjithshëm. Në fillim, nën tingujt
e Bandës Frymore të FA u ekzekutua Himni Kombëtar,
ndërsa nxënësit e Shkollës Muzikore
9 vjeçare “Servet Maçi”, dhanë një
program artistik. Ndërkaq, fjalën e mori shefi
i Shtabit të Përgjithshëm të FA gjeneral
lejtnant Hoxha. “Arritjet e këtij viti kanë
në bazë punën dhe përpjekjte tuaja,
zotërinj ushtarakë, kudo ku shërbeni. Pikërisht
kjo punë juaja, ky angazhim, meriton të respektohet
maksimalisht”, u shpreh ndër të tjera ai. Duke
vënë theksin tek detyrat e mëdha që
shtron viti 2008 për FASh, gjeneral Hoxha u ndal
veçanërisht tek vazhdimi i përpjekjeve
për të realizuar detyrat në kuadër
të synimit për marrjen e ftesës për
anëtarësim në samitin e afërt të
NATO-s. Duke përfituar nga rasti ai falenderoi në
mënyrë të veçantë Presidentin
e Republikës, Kryeministrin Berisha, Ministrin e
Mbrojtjes, zotin Mediu, si dhe aleatët tanë
të NATOs e vendet Partnere për mbështetjen
e dhënë në kuadër të transformimit
e modernizimit të njësive e strukturave të
Forcave të Armatosura shqiptare. Më pas programi
vazhdoi me koncertin e nëxënësve të
shkollës së Muzikës “Servet Maçi”,
dhe Bandës Frymore, i cili përmbante pjesë
të tilla si: “Vals triste”, “I adove you”, “You are
the one”, “Peachering Ray”, “Nabuko”, “Silent night”,
“Vallja e xhuxhave”, “Dua shumë Shqipërinë”,
“Tumparista”(tango), “Gladiatorit”, dhe mbyllja me “Single
bell”.
Xh, Çelmeta
|
