| Bardhyl Gosnishti
Reshjet e dendura të ditëve të fundit të vitit të kaluar dhe ditëve të para të këtij viti, sollën shqetësueshëm një situatë të vërtetë emergjence. E lokalizuar kryesisht në zonë e Shkodrës e të Lezhës, situata e njohur ka pasur një shtrirje mjaft të gjerë në pikëpamje të angazhimit për zgjidhje të saj. Pjesë mjaft e rëndësishme e këtij angazhimi kanë qenë edhe forcat e mjetet e Forcave të Armatosura. Brenda këtyre të fundit, si një mekanizëm i shpejtë, i saktë dhe profesional, ka qenë edhe struktura e Qendrës Operacionale të Mbrojtjes në Shtabin e Përgjithshëm. Angazhimi i strukturave ushtarake në terren, për njohjen, vlerësimin dhe përballimin e situatës, ka gjetuar vlerësim të shpejtë, programim po të tillë dhe reagim efikas për mbajtjen nën kontroll të saj. Periudha afro një mujore e angazhimit të strukturave ushtarake në operacionin e përballimit të situatës emergjente në qarqet e Shkodrës e të Lezhës, minimalisht ka regjistruar një përvojë shumë të madhe. Ajo që duhet nënvizuar që në krye, është se, drejtimi u njësive e reparteve në operacion u bë nga komandantët e tyre, nën komandën e kontrollin e Qendrës Operacionale të emergjencës të ngritur në qytetin e Shkodrës. Ndërkohë, koordinimi i operacionit u realizua nëpërmjet Qendrës Operacionale të Mbrojtjes në Shtabin e Përgjithshëm të Forcave të Armatosura.
Ndonëse përvoja për përballim emergjencash nuk ka munguar, për Qendrën Opera-cionale të Mbrojtjes, situata e dhjetor-janarit 2009-2010 ishte një përvojë në përmasa shumë më të zgjeruara
Pas daljes së urdhrit të ministrit për kalimin në situatë emergjence të strukturave të FA-ve, edhe Qendra Operaci-onale e Mbrojtjes kaloi në një shkallë gatishmërie më të lartë, jo thjesht në pikëpamje të dokumentave shkresore. Ndërkohë, pranë kësaj qendre u vendos edhe një ekip permanent i Shtabit të Përgjithshëm, i cili ndiqte situatën përmes informacioneve të marra e përpunuara nga ekipi 24 orësh i QOM-it. Aktiviteti i kësaj qendre ka qenë mjaft i ngjeshur gjatë gjithë kohës së shërbimit, çdo 24 orë. Në bazë të urdhrit të ministrit, specialistët e Qendrës Operacionale të Mbrojtjes, specifikisht ata të sektorit të emergjencave civile, kanë pritur një numër të madh faksesh nga zona e emergjencës. Çdo tre orë, në drejtim të Qendrës Operacionale të Mbrojtjes vinin fakse nga shtabi i emergjencave në Shkodër, si dhe nga shërbimet e njësive e reparteve që kishin angazhuar forca e mjete në operacion. Moria e këtyre fakseve, rreth 50 të tillë gjatë gjithë 24 orëshit, kalonte në një proces jo të lehtë sqarimi, verifikimi e përpunimi. Dhe ky përbënte vetëm hapin e parë të punës. Më pas gjithçka kalonte në përgatitjen e informacioneve zyrtare, të cilat duheshin dërguar në adresën e Komitetit Ndërministror për Emergjencat. Këto informacione ishin një detyrim që Qendra Operaci-onale kishte në bazë të urdhrit të ministrit të Mbrojtjes. Me këto informacione njiheshin të gjitha hallkat e interesuara të angazhuara në operacionin e emergjencës në qarqet e Shkodrës e Lezhës. Në këtë rast bëhej fjalë për fiksimin e shpejtë e të saktë të aktivitetit të FA-ve në operacion për një periudhë kohore prej tre orësh. Mbajtja nën kontroll e dinamikës, duke shmangur edhe përplasjet e mundshme të shifrave që aksidentalisht përcilleshin në këtë qendër, ka qënë një punë jo fort e lehtë. Dhe kjo për faktin se, Komiteti Ndërministror do të duhej të operonte për më pas mbi bazën e shifrave të raportuara nën autoritetin zyrtar të Shtabit të Përgjithshëm. Ky moment ishte ndërkohë edhe pjesë mjaft e rëndësishme e seriozitetit të specialistëve të Qendrës Operacionale të Mbrojtjes. Volumi i madh i dokume-ntacionit të pritur, përpunuar e dërguar në drejtimet e përcaktuara ka kërkuar ndërkohë që në përmbajtje të aktivitetit 24 orësh të funksionojë “puna në grup”. Gjatë ditëve të emergjencës akute, por edhe më pas, puna e ekipit të shërbimit 24 orësh ka njohur një seriozitet për t’u nënvizuar. Mbështetur në këtë aktivitet, specialistët dhe drejtimi i Qendrës Operacionale të Mbrojtjes kanë arritur që të shmangin, pa ndonjë problem të ndjeshëm, edhe ndonjë mangësi e ardhur si pasojë e “fluksit” të madh dhe jo fort të specifikuar të informacioneve të ardhura.
Ndonëse aktiviteti 24 orësh i koordinimit të operacionit të emergjencës në zonat e përmbytura, ka qenë mjaft i ngjeshur në kohë, specialistët e Qendrës Operacionale të Mbrojtjes kanë realizuar edhe një tjetër element të rëndësishëm informacioni. Bëhet fjalë për situatën sinoptike të çdo 24 orëshi dhe parashikimin deri në 5 ditët e ardhshme. Përgatitja e këtij buletini, dy herë në ditë, dhe dërgimi po kaq herë i këtij buletini në disa drejtime të interesuar, ishte një tjetër element i aktivitetit profesional të Qendrës Operacionale të Mbrojtjes. Përgatitja e këtij buletini nuk është konsideruar nga specialistët e kësaj qendre si qëllim në vetvete apo thjesht si një detyrim shkresor. Përveçse përvojë, përgatitja e buletinit ka kaluar përmes kontaktesh e verifikimesh të njëpasnjëshme të elementëve dhe shifrave që mundësonin një parashikim sa më të saktë. Dhe kjo për shkak se, mbi bazën e tij do të mundësohej edhe një vendimmarrje në strukturat eprore që menaxhonin situatën e emergjencës. Buletinet ditore të parashikimit të motit u janë vënë po çdo ditë në dispozicion (në orën 08.00 dhe 20.00), përveç Komitetit dërministror për emergjencat, edhe shtabit të emergjencave në Shkodër dhe Koorporatës Elektroenergjitike Shqiptare. Këtyre strukturave u është vënë në dispozicion, me të njëjtin rregull kohor, edhe orët e baticave e zbaticave, si dhe ngritjen e detit në momentin e baticave.Situata e emergjencave në fjalë, ka krijuar hapësirën e nevojshme për një specifikim të bashkëpunumit të Qendrës Operacionale të Mbrojtjes me Qendrën e Emergjencave Civile në Ministrinë e Brendshme. Edhe më parë bashkëpunimi mes këtyre strukturave, specifikisht mes sektorit të emergjencave civile në QOM dhe Qendrës Kombëtare të Emergjencave Civile në MB, ndërkohë që situata e fundit në qarkun e Shkodrës ofroi elementë të tjerë bashkëpunimi. Strukturat e interesuara për përballimin e emergjencave civile, jashtë sistemit të mbrojtjes, kanë pohuar që, specialistët e Qendrës Opera-cionale të Mbrojtjes kanë qenë dhe vazhdojnë të jenë seriozë në marrjen përsipër dhe realizimin e detyrës funksionale. Çdo kërkesë e ardhur në drejtim të Qendrës Operacionale të Mbrojtjes, është trajtuar me seriozitet dhe është ofruar zgjidhje profesionale e ligjore brenda një kohe sa më të shkurtër të mundshme. Për të kuptuar më mirë intensitetin e punës në Qëndrën Operacionale të Mbrojtjes, përmes marrjes, përpunimit dhe dërgimit në destinacionin e duhur të të dhënave ditore (saktësisht çdo tre orë), mjafton të rikujtohet se, mesatarisht në zonën e operacionit kanë marrë pjesë 465 forca dhe 149 mjete. Ndërkohë, në pikun e emergjencës kanë marrë pjesë 983 forca dhe 265 mjete. Gjatë gjithë operacionit Forcat e Armatosura kanë qenë të angazhuara në një mori procesesh për përballimin e plotë e me sukses të situatës. Në dokumentacionin që ruhet në Qendrën Operacionale të Mbrojtjes, nënvizohet se janë evakuuar 3025 njerëz, janë transportuar në rikthim në banesat e tyre 5000 persona, janë transportuar me helikopterë 10 persona të sëmurë, janë evakuuar 1238 krerë kafshë, janë transportuar rreth 1000 ton ushqime etj. etj. Situata e emergjencës së fundvitit të kaluar dhe fillimvitit 2010, administruar dhe zgjidhur me sukses në pjesën ushtarake, është realisht një përvojë e mirë. Çdo element ka pasur e ka rëndësinë e vet në të gjithë këtë situatë. Ndonëse ende nuk është bërë një analizë e gjerë e përballimit të kësaj situate nga ana e strukturave ushtarake, realiteti tregoi se, uniformat kanë qenë të angazhuara në kufijtë maksimalë të përgjegjësisë së tyre. Si pjesë e këtij realiteti duhen konsideruar edhe specialistët e Qendrës Operaci-onale të Mbrojtjes. Këta të fundit kanë arritur të vendosin një tjetër standard profesional në administrimin e situatave komplekse që ofrojnë periudhat dimërore dhe verore, periudha kur edhe problemet bëhen shqetësuese e të rrezikshme. Një administrim i shpejtë, i mirë, profesional dhe efikas, ka si rezultat ofrimin e kushteve për një përballim me sa më pak dëme të situatave problematike. Dhe kjo duhet thënë se është bërë jo keq nga specialistët e Qendrës Operacionale të Mbrojtjes në Shtabin e Përgjithshëm të FA-ve.
|
