|
Në zbatim të planit të Veprimit për Asgjësimin e Municioneve të Tepërta në Forcat e Armatosura u mblodh në Ministrinë e Mbrojtjes bordi drejtues i këtij projekti.
Qëllimi i takimit ishte ecuria e procesit të asgjësimit të municioneve në muajin maj.
Kryetari i këtij bordi, zv.ministri i Mbrojtjes z.Ekrem Spahiu, në fjalën e hapjes vuri në dukje punën e madhe që është bërë dhe që po vazhdon të bëhet lidhur me asgjësimin e municioneve të tepërta të mbledhura ndër vite, që nga koha e sistemit komunist. “Ky projekt është një ndër prioritetet më të mëdha të Ministrisë së Mbrojtjes, u shpreh z. Spahiu, dhe për këtë ne kemi edhe mbështetjen e pakushtëzuar të qeverisë dhe të Kryeministrit z.Sali Berisha, si dhe të aleatëve tanë ndërkombëtarë, në veçanti të SHBA-ve. Për përmbushjen me sukses të këtij qëllimi, me urdhër të ministrit të Mbrojtjes z. Arben Imami, është miratuar ngritja e Bordit Drejtues për asgjësimin e municioneve të tepërta, si dhe Plani i Veprimit mbi të cilin do të punojë ky bord”.
Në analizën e bërë nga anëtarët e bordit për ecurinë e këtij projekti, u theksua se vetëm në muajin maj janë asgjësuar në total 1747 ton municione, nga të cilat: 957 ton në poligone dhe 790 ton janë demtonuar në uzina, me një mesatare 87- 90 ton në ditë. Gjithsej gjatë 5 mujorit të parë janar-maj, janë asgjësuar 5215 ton.
Në krahasim me sasinë e municioneve të asgjësuar në vitin 2009, rezulton se, në muajt janar-korrik 2009 janë asgjësuar 1862 ton; në janar-maj 2010 janë asgjësuar 5215 ton, gati 3 fishi i vitit 2009. Aktualisht, asgjësohen dhe demontohen municione në 5 linja industriale dhe 6 poligone. Përkatësisht në Mjekës 2 linja, në Gramsh 1 linjë dhe në Poliçan 2 linja.
Në muajin qershor do të ngrihen dhe fillojnë nga puna dy linja industriale në uzinën e Mjekësit. Gjithashtu është në proces shqyrtimi, nënshkrimi i marrëveshjes me NAMSA-n dhe fillimin e projektit për asgjësimin e mëtejshëm të municioneve. Në Kombinatin e Poliçanit po përshpejtohet puna për ngritjen e linjës së dytë, ndërsa në Uzinën e Gramshit po merren masa për asgjësimin e djegoreve të akumuluara.
Ndërkaq, nga ana e Ministrisë së Mbrojtjes, po bëhen të gjitha përpjekjet për nxitjen e procedurave në Kuvendin e Shqipërisë për miratimin e poligoneve shtesë.
Bashkepunimi ushtarak me Forcat e Armatosura shqiptare
Kursi “Moduli i Policisë Ushtarake për angazhimin me mision jashtë vendit”
Më 28 maj 2010, pas katër javësh pune intensive, përfundoi kursi “Moduli i Policisë Ushtarake për angazhimin me mision jashtë Vendit”, që filloi më datë 3 maj 2010, në Komandën e Policisë Ushtarake shqiptare në Tiranë.
Një kurs, i organizuar nga Delegacioni Italian i Ekspertëve në Shqiperi, i zhvilluar nga Tog. i Karabinierëve Davide Montinaro dhe nga N/Of. i Karabiniereve Eugenio Perri, që të dy personel i Qendrës së Stërvitjes së Brigadës së 2-te të Lëvizshme të Karabinierëve në Livorno, mori pjesë një togë e përbërë nga 26 policë ushtarakë, nënoficerë dhe ushtarakë, duke përfshirë dhe komandantin e tyre.
Stërvitja e veçantë që përfshihet në kuadër të aktiviteteve të shumta të projektit, të ndjekura nga nënkolonel i Karabinierëve Jean Lucas Scimone, ekspert i Policise Ushtarake i D.I.E.-s, që zhvillohen në mbështetje të Policisë Ushtarake shqiptare, ndahet sipas një programi stërvitor intensiv të aprovuar nga Komanda e Përgjithshme e Armës se Karabiniereve, qe ka alternuar periudhat e aktiviteteve teorike me ato te aktiviteteve praktike.
Aktivitetet teorike, zhvillohen me leksione mbi detyrat e Policisë Ushtarake si në Atdhe, ashtu edhe në zona operacionale jashtë vendit ne misionet për ruajtjen/mbështetjen e paqes, mbi teknikat e eskortës, mbi check point-et (pikë kontrolli), mbi topografinë, mbi reagimet automatike të menjëhershme (RAI); mbi teknikat e shfrytëzimit të terrenit dhe teknikave të patrullimit në një qendër të banuar, mbi te drejten humanitare nderkom-betare, mbi sinjalizimin dhe identifikimin, mbi sinjalizimin lidhur me aksidentet rrugore.
Aktivitetet praktike, duke iu kushtuar vëmendje të veçantë teknikave të shfrytëzimit taktik të terrenit me lëvizjen individuale, dyshe dhe në skuader, teknikave të patrullimit në qendrat e banuara në kembe dhe në automjet; në ngritjen e nje check point-i në zonën e operacioneve jashtë vendit; në shoqërimin e konvojeve ushtarake apo humanitare, në shërbimet e mbrojtjes së personaliteteve si në këmbë, ashtu edhe në bordin e automjeteve dhe në stërvitjen intensive të qitjes së Policisë, janë përballur me të gjitha aspektet e punës komplekse dhe të ndryshme që zhvillon Policia Ushtarake, duke çuar më tej rritjen profesionale të pjesëmarrësve në sektorë të ndryshem.
Instruktorët, veçanërisht të specializuar, kane instruktuar më parë reparte të Policisë kosovare, afgane, irakene dhe të vendeve të ndryshme të Afrikës. Kënaqësi e veçantë për rezultatet e shkëlqyera të arritura në përfundim të kursit që, është mirë të theksohet, duke ndjekur mënyrat stërvitore të parashikuara për karabinierët e caktuar në Kompanitë e Policisë Ushtarake në repartet e Forcave të Armatosura të angazhuara në të gjitha Zonat Operacionale, është evidentuar potencialiteti i Policisë Ushtarake shqiptare, për të bashkëpunuar me njësi analoge të vendeve të tjera që aderojnë ne NATO, në operacionet ndërkom-betare për menaxhimin e krizës.
|
