Redaksia e  LIBRIT

Gazeta USHTRIA

Revista MBROJTJA

SIGURIA KOMBETARE. ANETARESIMI NE NATO. KONTRIBUTI I SHQIPERISE PER PAQEN DHE SIGURINE GLOBALE

Garantimi i sigurise kombetare eshte nje synim madhor i mazhorances se re dhe qeverise se saj duke e konsideruar kete synim, te tille qe bashkon cdo aktor dhe faktor shqiptar e kombetar. Siguria kombetare eshte nje dhe e pandare nga nje ane me reformat e medha institucionale e ligjore, perfshire reformimin e forcave te armatosura e ato te sigurise, ashtu edhe me procesin e forcimit te aleancave strategjike e te bashkepunimit te Shqiperise me te gjitha vendet ne kuadrin e iniciativave globale per sigurine e njerezimit e ne vecanti te anetaresimit te Shqiperise ne NATO.

§    Shqiperia eshte pjese e nje mjedisi gjeo-strategjik ballkanik me tendenca te qarta pozitive ne fushen e permiresimit te strukturave te sigurise. Procesi e europianizimi te rajonit eshte nje proces shume i rendesishem qe lidhet drejtpersedrejti me te gjithe faktoret e sigurise sone kombetare e rajonale.  Ambjenti i ri gjeopolitik ne kuadrin e ketyre proceseve, ndryshimi i natyres se rreziqeve nga ato tradicionale ushtarake ne rreziqe te tjera jo-tradicionale e jo-simetrike do te jene ne fokusin e punes se gjithe strukturave e organizmave qe jane te perfshira ne plotesimin e detyrave ne fushen e rritjes dhe mbrojtjes se sigurise ne Republiken e Shqiperise.

§    Procesi i transformimit te Forcave te Armatosura e reforma ne fushen e sigurise e te mbrojtjes, do te kene ne konsiderate te gjitha ndryshimet qe kane ndodhur e po ndodhin me synim qe t’i pergjigjen sa me drejte te gjitha sfidave ne fushen e ruajtjes se sigurise kombetare rajonale e globale. Ne do t’i permbahemi e do respektojme dokumentet kryesore te miratuara nga Kuvendi i Shqiperise ne fushen e mbrojtjes si: Strategjia e Sigurimit Kombetar e Strategjia Ushtarake e Republikes se Shqiperise duke synuar rishikimin ciklik e permiresimin e tyre ne konsensus me forcat e tjera politike parlamentare.

§    Integrimi ne strukturat e sigurise Euroatlantike eshte nje objektiv strategjik prioritar i politikes se jashtme te Shqiperise. Kjo eshte dhe do te mbetet prioritet i çdo qeverisjeje ne vendin tone. Samitet e fundit te NATO-s ne Prage dhe ne Stamboll kane shtruar qarte para vendeve partnere e aspirante detyra  per t’u realizuar. Si nje vend i tille, Shqiperia eshte e angazhuar te ndertoje nje shtet te konsoliduar demokratik, pasi eshte e bindur qe krijimi i nje mjedisi te sigurte dhe te stabilizuar, konsolidimi i institucioneve demokratike dhe fuqizimi i ekonomise jane te lidhura pazgjidhshmerisht me proçeset integruese.

§    Anetaresimi i Shqiperise ne NATO do te paraqiste nje shtrirje natyrale te Aleances ne krahun juglindor te saj, pasi pozicioni i favorshem gjeografik do te perputhej me efikasitet ne strategjine e re te NATO-s per rajonin.

§    Si qeveri e nje vendi aspirant dhe partner, ne do te synoje qe nepermjet proceseve transformuese politike, ekonomike, sociale e ushtarake, te bejme te mundur marrjen e fteses per anetaresim ne Aleance ne kohen me te shpejte te mundshme.

§    Qeveria do te intensifikojme punen per realizimin e ketij objektivi strategjik duke krijuar kushtet e duhura strukturave perkatese per realizim te Objektivave te Partneritetit  e  duke i pasqyruar sa me mire arritjet tona ne dokument e MAP-it, PARP-it e te IPP-se, si dhe punen tone ne kuadrin e iniciativave te Kartes se Adriatikut, te SEDM-it etj.

§    Kontributi i Shqiperise ne ruajtjen e paqes e sigurise eshte nje nga vlerat me te çmuara, nje nga arritjet me pozitive qe na ben te ndjehemi krenare e dinjitoze ne mes komunitetit te kombeve.

§    Shqiperia, ishte i pari vend ish-komunist qe kerkoi qe ne fillimet e pluralizmit partneritetin dhe anetaresimin ne NATO. Shqiperia iu pergjigj kerkeses se SHBA dhe NATO per "Partneritetin per paqe" dhe qe ne vitin 1996 po kontribuon realisht ne ruajtjen e paqes e sigurise rajonale ne Bosnje Hercegovine duke plotesuar ne menyre profesionale misionin e vet.

§    Pas ngjarjeve tragjike te 11 shtatorit 2001, Shqiperia po kontribon me trupa paqeruajtese ne misionin e “ISAF”-it ne Afganistan, dhe pas çlirimit te Irakut nga regjimi i Sadam Hyseinit ne po marrim pjese ne operacionin e ruajtjes se paqes “Liria e Irakut” ne Mosul.

§    Qeveria vlereson dhe mbeshtet pjesemarrjen e shume oficereve e nenoficereve te tjere te Forcave tona te Armatosura ne misionet paqeruajtese te Kombeve te Bashkuara ne Gjeorgji, apo prezencen aktuale te personelit ushtarak shqiptar ne shtabe te ndryshme ushtarake nderkombetare.

§      Qeveria eshte e vendosur qe misionet paqeruajtese dhe roli i Shqiperise ne paqen dhe sigurine globale te rritet e te shtohet pasi keshtu i sherbejme sigurise sone dhe garantimit te vlerave te perbashketa te njerezimit. Ne cdo rast vendimet perkatese do te merren ne konsultim me opoziten, institucionet kushtetuese dhe me cdo faktor tjeter te rendesishem kombetar.