Ministri i Mbrojtjes, Z. Arben Imami, merr pjesë në aktivitetet e organizuara me rastin e 90 vjetorit të Luftës së Vlorës
E premte, 03 Shtator 2010 20:04
Ministri i Mbrojtjes, z. Arben Imami, ishte i pranishëm sot në qytetin e Vlorës ku mori pjesë në ceremoninë jubilare të zhvilluar me rastin e 90 vjetorit të Luftës së Vlorës. Aktiviteti përkujtimor në nder të të rënëve gjatë luftës për çlirimin e atdheut nga pushtuesit, u realizua në saj të iniciativës së deputetëve të këtij qyteti dhe me mbështetjen e Prefekturës dhe të Bashkisë së qytetit bregdetar.
CEREMONIA E MARRJES NË DORËZIM TË ANIJEVE TË TIPIT “ARCH ANGEL” NGA PALA AMERIKANE
E enjte, 02 Shtator 2010 19:26
Më datë 02 Shtator 2010, në Portin e Durrësit, u zhvillua ceremonia e marrjes në dorëzim të 3 Anijeve të tipit “Arch Angel”. Anijet janë dhuratë e Qeverisë Amerikane për Forcën Detare. Në ceremoni që u zhvillua me këtë rast morën pjesë Ministri i Mbrojtjes, z. Arben Imami, zv.ministri Ekrem Spahia, përfaqësues të ambasadës amerikane, në Tiranë (zv. ambasadorja Znj. Deborah Jones), Atashetë Ushtarakë të akredituar në vendin tonë si dhe titullarë e drejtues të Ministrisë së Mbrojtjes dhe Shtabit të Përgjithshëm të FA-së.
Ministri i Mbrojtjes, z. Arben Imami viziton kampingun rinor në Qeparo, Himarë
E premte, 20 Gusht 2010 13:23
Ministria e Mbrojtjes i është përgjigjur menjëherë iniciativës së Qeverisë dhe porosisë së veçantë të Kryeministrit Sali Berisha për të zbatuar projektin: “Politikat për Zhvillimin e Turizmit”, i mbështetur edhe nga Ministria e Kulturës, Rinisë dhe Sporteve dhe Njësia Bashkiake Nr. 10, në kryeqytet, i cili do të zgjasë në muajt gusht - shtator. Ministria e Mbrojtjes ka vënë në dispozicion të të rinjve shqiptarë që kanë përzgjedhur kampingun në natyrë për të kaluar pushimet në komunën Qeparo, 10 çadra me një kapacitet prej 80 vendesh.
Ministrit të Mbrojtjes, z. Arben Imami, i jepet titulli “Qytetar Nderi” i komunës Margegaj, Tropojë
E martë, 03 Gusht 2010 08:25
Valbona dhe Thethi së shpejti do të bashkohen në një pikë të vetme
3 Gusht 2010. Ministri i Mbrojtjes z. Arben Imami është nderuar me titullin “Qytetar Nderi” i komunës Margegaj Tropojë, me motivacionin: “Për kontribut të spikatur si nismëtar për vendosjen e pluralizmit politik në Shqipëri. Si ministër Mbrojtjeje për bashkëpunim, dashamirësi me strukturat e pushtetit vendor në fushën e infrastrukturës dhe ruajtjes së vlerave të traditës, duke ruajtur vlerat turistike të parkut kombëtar, si rrjedhojë ngritjen e mirëqënies së banorëve në komunën Margegaj e më gjerë”.
Për të marrë këtë titull, ministri Imami ishte dje në komunën Margegaj, Tropojë i shoqëruar nga bashkëshortja e tij, gjeneral brigade Abaz Lleshi, gjeneral brigade Xhemal Gjunkshi, drejtorë dhe ushtarakë të lartë të Ministrisë së Mbrojtjes dhe Shtabit të Përgjithshëm etj.
