Fjala e ministrit të Mbrojtjes, z. Arben Imami në konferencën e 5-të të integrimit

Gjeneralë, Admiralë,
Të nderuar të ftuar
Zonja dhe Zotërinj,

Mirë se vini në konferencën e pestë të integrimit në Shqipëri. Është kënaqësia ime t’ju uroj të gjithëve mirëseardhjen në Tiranë! Një mirëseardhje e veçantë shkon për të ftuarit tanë nga NATO, nga Komanda e Aleancës për Transformim, Komanda e Aleancës për Operacionet, Komanda e Forcës së Bashkuar Napoli, duke ju falenderuar për praninë tuaj në këtë konferencë, si edhe për mbështetjen tuaj të vazhdueshme. Të gjithë ne bëhemi më të vetëdijshëm që procesi i integrimit kalon në procesin e vështirë të vendimmarrjes, duke mbrujtur mentalitet, mënyra të ndryshme planifikimi dhe ritëm të ndryshëm reagimi. Si rrjedhojë, ne e vlerësojmë vërtet asistencën që po u jepet Forcave tona të Armatosura në të gjitha fushat e integrimit, qoftë kjo në themelet bazë të doktrinës, kapacitetet ushtarake ose inkuadrimin strukturor të gjithë organizimit tonë.
Integrimi ka qenë dhe mbetet një proces kompleks, i cili ka kërkuar shumë kohë dhe një sasi të madhe të burimeve.
Megjithatë, ne jemi shumë krenar për progresin që ato kanë arritur në këto tre vitet e fundit të reformave gjithëpërfshirëse. Përfitoj nga rasti të falënderoj të gjithë personelin ushtarak dhe civil për durimin, këmbënguljen dhe vullnetin e tyre të palëkundur për të kryer të gjitha reformat e nevojshme. Falë tyre, Forcat e Armatosura shqiptare janë të krahasueshme me Forcat e tjera të Armatosura të Aleancës, në lidhje me prioritetet, vizionin dhe përfshirjen. Ato janë duke shkuar drejt interoperabilitetit dhe zhdërvjelltësisë.
Rezultati i çdo force të armatosur matet vetëm nga përgjegjësia e ushtarakëve të saj. Dhe ushtarakët tanë janë duke punuar shumë mirë, siç na kanë informuar komandantët e NATO. Ata janë të aftë, të motivuar dhe të gatshëm për më shumë.

Qysh nga konferenca e fundit e integrimit të ACT në Tiranë, ne besojmë se kemi ndërmarrë disa hapa mjaft të mirë progresiv, unë madje ndonjëherë i quaj “kërcime” në lidhje me ndryshimin e rëndësishëm që ato sjellin në lidhje me efikasitetin dhe rezultatet. Prej tyre, do të doja të përmendja punën për Rishikimin e Strategjisë së Mbrojtjes, Planifikimin e Mbrojtjes, Menaxhimin e Burimeve Njerëzore, Standardizimin, Logjistikën, Mësimeve të Nxjerra, Arsimimin dhe Trajnimin, Legjislacionin, demilitarizimin e mocioneve dhe materialeve të tepërta, etj. Rishikimi i disa dokumenteve të rëndësishëm strategjik, si Strategjia Kombëtare e Sigurisë dhe Strategjia Kombëtare Ushtarake, që po vijon, do të vazhdojë paralelisht me rekomandimet e procesit SDR.
Ne i kemi kushtuar një kujdes të veçantë në çështjet që shqetësojnë menaxhimin e personelit dhe kemi adresuar disa çështje kritike duke marrë masat konkrete.

Unë mund të përmend disa prej tyre:

• Strategjia e Integruar e Burimeve Njerëzore
• Baza e të dhënave të personelit (procesi po vijon dhe është duke përfunduar)
• Rregullorja e Rekrutimit
• Rregullorja e Trajnimit
• Procedurat e Rekrutimit
• Procedurat në rast fatkeqësie (SOP, Standard Operation Procedure – Procedura Standarde për Operacionet, humbja e jetës së Kapiten Feti Vogli, rrjedhja e informacionit, ceremonitë)
• Procedura për përzgjedhjen e personelit që shkon për studime dhe kualifikime jashtë vendit.
• Procedura për përzgjedhjen e personelit që shkon në mision
• Rregullorja e gradimit të personelit
• Rregullorja e avancimit në gradë (në vijim) bazuar në dy parime, transparenca dhe objektiviteti

Gjithashtu, ne kemi kushtuar interesin tonë në çështje që lidhen me orientimin në të ardhmen të çdo force të armatosur dhe kemi hartuar politika në lidhje me to:

• Barazia Gjinore
• Mbështetja psikologjike dhe sociale
• Zhvillimin e ambientit (në vijim)
• Institutin për studime strategjike
• Libra për mendimin strategjik
• Ristrukturimin e bibliotekave
• Struktura e Marrëdhënieve me Publikun; Qendra e Kulturës, Media dhe Botimeve të Mbrojtjes; ristrukturimi i Bandës së Ushtrisë, aktivitet publike kulturore, aktivitete kulturore dhe sportive për familjet e personelit ushtarak.

Përveç tyre, dua t’ju sigurojë të gjithëve që shqetësimet që kanë dalë nga konferenca e fundit janë adresuar seriozisht nga strukturat e FASH. Lidhja e vazhdueshme që kemi pasur me ACT dhe KFB Napoli, nëpërmjet telekonferencave mujore dhe takimeve të tjera, kanë qenë gjithashtu shumë të rëndësishme për procesin.
Ne mendojmë se tani jemi të gatshëm të përmbushim kërkesat në një mënyrë të menduar shumë mirë dhe realiste, që e bën atë akoma më të lehtë për ne për të zhvilluar një program pune dhe përcaktimin e afateve të qarta kohore për implementimin e paketës së re të mbrojtjes, në përputhje me kushtet paraprake të Samitin e Çikagos, si dhe duke pasur parasysh parimet e përbashkëta të Shpërndarjes së Drejtë të Detyrimeve dhe Sfidës së Arsyeshme.   

Gjithashtu, ne jemi përfshirë në procesin e zbatimit të strukturës së re të komandimit të NATO dhe kemi përcaktuar nivelet tona të ambicies për pjesëmarrjen në këtë strukturë, ndërsa përmirësimet ligjore po vihen në zbatim për të përmbushur kërkesat e dislokimit. Vitin e kaluar kemi punuar seriozisht me projektet që do të vihen në zbatim në kuadër të “Smart Defence”, me qëllim identifikimin e projekteve reale domethënëse për FASH dhe për bashkëpunim rajonal, ide të cilat janë diskutuar gjithashtu me Gjeneralin Abrial gjatë vizitës së tij në Tiranë. Shqipëria dhe vendet e saj fqinje në rajon duket se ndajnë interesa të përbashkëta në fusha si vëzhgimi bregdetar në Detin Adriatik, vëzhgimi i hapësirës ajrore dhe projekte rajonale për emergjencat civile, në të cilat ne jemi për përqendruar.

Koncepti ku mbështetet “Smart Defence” dhe koncepti i rishpërndarjes së burimeve për tu arritur në kohët kur ka më pak misione ndërkombëtare dhe në rastin tonë specifik, në fund të vitit 2013, viti i mbylljes së procesit të demontimit të municioneve të tepërta, ka bërë që të mendojmë seriozisht si të arrijmë më të mirën e kapaciteteve tona me më pak burime, në kohën e kufizimeve financiare, por edhe si të ndërhyjmë në shkurtimet buxhetore me projekte të rëndësishme modernizimi. Kjo do të na bëj të mendojmë rreth rëndësisë së zhvillimit të planifikuesve të mirë të së ardhmes brenda Forcat tona të Armatosura.

Siç pata mundësi të shikoj, axhenda e kësaj konference është shumë e pasur dhe trajton shumicën e çështjeve të rëndësishme me të cilat FASH përballet dhe unë besoj se ajo do të japë një vizion real se si duket të vazhdojmë t’i trajtojmë ato në të ardhmen e afërt. Unë pres që sindikatat të diskutojnë me realizëm çështjet përkatëse, që në përfundim kjo konferencë të japë rekomandimet e duhura në rrugën përpara nesh.
Jam i bindur se kjo konferencë do të arrijë pritjet e saj në hartimin e planit të veprimi dy vjeçar të konsoliduar dhe të përcaktuar mirë.  
Veç punës së madhe, ju nxis që të gjeni kohën për të eksploruar dhe shijuar shumëllojshmërinë e argëtimeve që ofron Tirana.

Në përfundim, më lejoni t’ju falënderoj përsëri për prezencën tuaj këtu dhe teksa i uroj sukses konferencës, pres me padurim të dëgjoj rezultatet e diskutimeve tuaja.

Faleminderit!