Forcat e Armatosura shqiptare festojnë 105 – vjetorin e krijimit

Fotogaleria

105-vjetorin e krijimit të tyre, Forcat e Armatosura të Shqipërisë zgjodhën ta festojnë pranë komunitetit, në sheshin “Nënë Tereza” në Tiranë.
Në aktivitetin ku çdo forcë apo strukturë e Forcave të Armatosura kishte ekspozuar mjetet dhe pajisjet e saj, veç qytetarëve të shumtë, morën pjesë presidenti i Republikës z. Ilir Meta, ministrja e Mbrojtjes znj. Olta Xhaçka, zëvendësministër i Mbrojtjes z. Petro Koçi, shefi i Shtabit të Përgjithshëm gjeneral brigade, Bardhyl Kollçaku, ambasadorë të vendeve aleate, atashetë ushtarakë të akredituar në vendin tonë, ish ushtarakë e mjaft të ftuar.

Në fjalën e saj, ministrja Xhaçka përcolli në emër të qeverisë shqiptare urimet më të sinqerta për burrat dhe gratë në uniformë, duke vlerësuar angazhimin dhe sakrificën e tyre, që nga krijimi i Forcave të Armatosura 105 vjet më parë, te pjesëmarrja në Luftën Antifashiste Nacional Çlirimtare, te misionet ndërkombëtare paqeruajtëse në kuadër të anëtarësimit në NATO, e deri te angazhimi gjatë emergjencave civile, ku roli i FA-ve shqiptare është thelbësor. “Në emër të Qeverisë Shqiptare dhe në cilësinë e Ministrit të Mbrojtjes, jam e nderuar t'u përcjell urimet më të sinqerta burrave dhe grave të Forcave të Armatosura të Republikës së Shqipërisë, me rastin e 105-Vjetorit të Krijimit. Bashkë me ditëlindjen e shtetit shqiptar, duke filluar nga data 4 Dhjetor 1912, shteti ynë ka patur si pjesë identitare të tij edhe Forcat e Armatosura. Ushtria Shqiptare u krijua në kohën e pavarësisë, fitoi fizionomi në kohën e mbretërisë, sikurse u konsolidua si ushtri e të gjithë popullit në zjarrin e luftës nacional-çlirimtare kundër pushtuesit nazi-fashist. Pas lufte e në vijim, ajo tanimë ka krijuar përvojën e saj si ushtri gjithë-armëshe, me këmbësori, forca të motorizuara, tokësore, ajrore, detare, trupa komando, komunitet inteligjence, mbrojtje civile, e profilizuar sipas standardeve më të larta të kohës. Kjo nuk ka ndodhur në një ditë, por është thadruar si kontribut i shumë brezave ndër vite. Sot, Forcat e Armatosura Shqiptare janë të angazhuara fuqimisht për shtrirjen e tyre lokale, rajonale dhe globale në mbështetje të sigurisë dhe paqes. Pjesë e strukturave të NATO-s, forcat tona japin kontributin e tyre në luftën kundër terrorizmit dhe për vendosjen e paqes në të gjitha frontet e globit, kur kjo u kërkohet, në tokë, ajër dhe det. Në kohë lufte dhe paqeje, pavarësisht zig-zageve të politikës, ju keni treguar kurajë, nder dhe përkushtim maksimal ndaj detyrës. Sot që flasim, Forcat tona të Armatosura vazhdojnë ditë-natë t’u gjenden pranë mijëra familjeve shqiptare që përjetojnë përmbytjet e këtyre ditëve dhe pasojat e tyre, kudo që kjo u kërkohet, në fshat dhe në qytet.”- u shpreh ministrja Xhaçka.

Presidenti i Republikës z. Meta shprehu konsideratat për ushtarakët shqiptarë gjatë 105 viteve dhe e vlerësoi si të pazëvendësueshëm rolin e Forcave të Armatosura shqiptare gjatë përmbytjeve të fundit. “Forcat tona të Armatosura treguan edhe një herë, gjatë situatës së fundit të përmbytjeve në vend, se roli i tyre pranë dhe në shërbim të komuniteteve e qytetarëve, duke garantuar jetën e tyre dhe pronën privatë e publike, është jo vetëm i pazëvendësueshëm por që kërkon respekt, konsideratë, mirënjohje të veçantë dhe kujdes në rritje.”- u shpreh presidenti Meta, i cili nuk la pa përmendur edhe ushtarakët shqiptarë pjesëmarrës në misionet jashtë vendit. ”Një mirënjohje të veçantë dëshiroj t’ju përcjell ushtarakëve tanë që aktualisht kontribuojnë krah për krah vendeve aleate, në misionet ndërkombëtare në Afganistan, Detin Egje, Letoni, në Mali, Kosove, Bosnje Hercegovinë e kudo”.

Më pas, pjesëmarrësit në aktivitet panë nga afër mjetet, pajisjet, armatimet dhe takuan ushtarakët pjesëmarrëse në misionet ndërkombëtare në Afganistan, Letoni, detin Egje etj.



Fotogaleri/FA angazhim maksimal për situatën e përmbytjeve Nëntor - Dhjetor 2017Angazhimi i Forcave të Armatosura të Republikës së Shqipërisë për situatën e përmbytjeve.
NATO: Misioni i “Orikut” në Egje, moment i rëndësishëm për Forcat Detare shqiptare 24 nëntor 2017Misionit të anijes patrulluese të forcës detare shqiptare “Oriku”, e cila ishte pjesë e operacionit të NATO-s, “Sea Guardian”, i është dedikuar një shkrim në faqen zyrtare të NATO-s...
BBC: Shqipëria rehabiliton varrezat e dëshmorëve pas dekadash të lëna në harresë 15 nëntor 2017Prestigjiozja britanike BBC, i ka bërë jehonë nismës së Ministrisë së Mbrojtjes për rehabilitimin e varrezave të dëshmorëve...
Mbyllet takimi i shefave të Mbrojtjes të NATO 17 shtator 2017Mbylli punimet formale Konferenca e Komitetit Ushtarak të NATO, e cila u zhvillua për herë të parë në vendin tonë...
Zhvillohet në Tiranë Konferenca e Komitetit Ushtarak të NATO 16 shtator 2017Në vendin tonë ka nisur punimet Konferenca e Komitetit Ushtarak të NATO, e cila mbledh së bashku shefat e shtabeve të ushtrive të vendeve anëtare të Aleancës...
Intervistë me gjeneral Petr Pavel, kryetar i Komitetit Ushtarak të NATO 15 shtator 2017Intervistë me gjeneral Petr Pavel dhënë për revistën "Mbrojtja"...
Zhvillohet stërvitja shqiptaro-britanike “Ushtar Eagle 17” 14 shtator 2017Në kuadër të stërvitjes së përbashkët ndërmjet FA të Shqipërisë dhe FA të Mbretërisë së Bashkuar u zhvillua sot “Dita e Vizitorëve të Shquar” të stërvitjes “Ushtar Eagle 17”...
Programi qeverisës 2017-2021 për Sigurinë dhe Mbrojtjen 13 shtator 2017Qeveria e re e RSH mori detyrën pas ceremonisë së betimit në Presidencë. Nga programi qeverisës 2017-2021 veçojmë pjesën që ka lidhje me Sigurinë dhe Mbrojtjen...
Ministrja Kodheli në Ministerialin e Mbrojtjes në Bruksel 29 qershor 2017Ministrja e Mbrojtjes znj. Mimi Kodheli në Bruksel ku mori pjesë në takimin e ministrave të Mbrojtjes të vendeve anëtare të NATO...
Angazhimi i FA gjatë përmbytjeve, nëntor 2016 8 - 13 tetor 2016FA u angazhuan me forca dhe mjete në ndihmë të banorëve të prekur nga përmbytjet që përfshinë pothuajse gjithë vendin...
Forcat e Armatosura të Shqipërisë 2015-2016 2016Misionet, Modernizimi, Stërvitjet e Përbashkëta, Bashkëpunimi në fushën e mbrojtjes, ai civil-ushtarak dhe rekrutimet....
Kontributi i Forcave të Armatosura në infrastrukturë Shtator 2017Ministria e Mbrojtjes dhe Forcat e Armatosura gjithmonë kanë treguar përkushtim dhe angazhim maksimal në ndihmë të popullsisë civile...
Bëhuni pjesë e Forcave të Armatosura janar 2015Ministria e Mbrojtjes për vitin 2015 do të pranojë 500 ushtarë/detarë aktivë në radhët e FA. Prej këtij kontingjenti, 250 ushtarë/detarë aktivë do të pranohen në fazën e parë ndërsa pjesa tjetër në gjashtëmujorin e dytë...
Bashoku edhe ti! Bëhu pjesë e nismës, #shqiperiajoduhanit
Strategjia e Sigurisë Kombëtare Korrik 2015Në themel të Strategjisë së Sigurisë Kombëtare të Republikës së Shqipërisë është aspirata e popullit shqiptar dhe vullneti politik për të realizuar vizionin e përbashkët...
Direktiva e Mbrojtjes 2017 Janar 2017 Dokumenti bazë mbi planet dhe programet e punës e të veprimtarive të MM, të FA në përmbushje të misionit kushtetues, si dhe detyrimeve si vend anëtar i NATO...
Revista Mbrojtja Nr. 11 (2017) Nëntor 2017Numri i fundit i revistës "Mbrojtja"...
Gazeta Ushtria 08 dhjetor 2017Numri i fundit i të përjavshmes gazeta "Ushtria"...






Arkivi Lajmeve
Dhjetor 2017
Ma En Pr Sh Di
27 28 29 30 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31