Fjala e Ministres së Mbrojtjes me rastin e 105 Vjetorit të Krijimit të Forcave të Armatosura

I nderuar Z. President i Republikës,

Të nderuar Gjeneralë, Oficerë, Nënoficerë dhe Ushtarë,

Të nderuar miq të pranishëm,

Zonja e Zotërinj,

Në emër të Qeverisë Shqiptare dhe në cilësinë e Ministrit të Mbrojtjes, jam e nderuar t'u përcjell urimet më të sinqerta burrave dhe grave të Forcave të Armatosura të Republikës së Shqipërisë, me rastin e 105-Vjetorit të Krijimit.

Bashkë me ditëlindjen e shtetit shqiptar, duke filluar nga data 4 Dhjetor 1912, shteti ynë ka patur si pjesë identitare të tij edhe Forcat e Armatosura. Nuk kishte se si të ndodhte ndryshe. Historia e Forcave tona të Armatosura dëshmon më së miri vetë rrugëtimin e shtetit shqiptar ndër vite. Historia e popullit shqiptar është një histori mbijetese. E tillë është edhe historia e ushtrisë sonë.

Që nga Mehmet Pashë Dëralla e deri më sot, Forcat tona të Armatosura kanë qenë gjithnjë në frontin e parë të përpjekjeve për të normalizuar të gjitha krizat që vendi ynë ka kaluar, janë angazhuar në gjithë spektrin e situatave të vështira për t’u qene pranë qytetarëve të këtij vendi.

Që nga dita e krijimit, Forcat e Armatosura shqiptare kanë përjetuar thuajse gjithçka që ka përjetuar vetë bota dhe ushtritë e saj të vogla, të mesme dhe të mëdha me atribute deri edhe perandorake. Rrugëtimi i forcave tona të armatosura fillon me fundin e luftërave ballkanike, për të vijuar me Luftën e Parë Botërore, me Luftën e Dytë Botërore, por edhe me Luftën e Ftohtë dhe të gjitha pasojat e tyre mbi fatin e një ushtrie të një vendi të vogël, gjithmonë brenda kufijve të vetvetes.

Ushtria Shqiptare u krijua në kohën e pavarësisë, fitoi fizionomi në kohën e mbretërisë, sikurse u konsolidua si ushtri e të gjithë popullit në zjarrin e luftës nacional-çlirimtare kundër pushtuesit nazi-fashist. Pas lufte e në vijim, ajo tanimë ka krijuar përvojën e saj si ushtri gjithë-armësh, me këmbësori, forca të motorizuara, tokësore, ajrore, detare, trupa komando, komunitet inteligjence, mbrojtje civile, e profilizuar sipas standardeve më të larta të kohës. Kjo nuk ka ndodhur në një ditë, por është trashëguar si kontribut i shumë brezave ndër vite.

Dhe flamuri shqiptar nuk ka qenë asnjëherë pjesë e asnjë ushtrie pushtuese, e asnjë force destabilizuese.

Sot, Forcat e Armatosura Shqiptare janë të angazhuara fuqimisht për shtrirjen e tyre lokale, rajonale dhe globale në mbështetje të sigurisë dhe paqes. Pjesë e strukturave të NATO-s, forcat tona japin kontributin e tyre në luftën kundër terrorizmit dhe për vendosjen e paqes në të gjitha frontet e globit, kur kjo u kërkohet, në tokë, ajër dhe det.
Të nderuar motra dhe vëllezër nën uniformë,

Teksa festojmë trashëgiminë e shquar të vetëmohimit tuaj në mbrojtje të integritetit territorial dhe sigurisë së Atdheut, më lejoni t’ju siguroj, se ne jemi krenarë t’ju gjendemi krah për krah në angazhimet tuaja të kudo-ndodhura, në Afganistan, Kosovë, Bosnje-Hercegovinë, Mali, Mesdhe apo Egje. Sepse jemi pjesë e Aleancës ushtarake më të fortë në botë, e bazuar në principet më të mira njerëzore: liri, demokraci, të drejtat e njeriut dhe shtet ligjor.

Në kohë lufte dhe paqeje, pavarësisht zigzageve të politikës, ju keni treguar kurajë, nder dhe përkushtim maksimal ndaj detyrës. Sot që flasim, Forcat tona të Armatosura vazhdojnë ditë-natë t’u gjenden pranë mijëra familjeve shqiptare që përjetojnë përmbytjet e këtyre ditëve dhe pasojat e tyre, kudo që kjo u kërkohet, në fshat dhe në qytet.

Nga lartësia e 105 viteve të ekzistencës, sa kohë që vazhdojmë traditën e bukur të festimit të përvjetorëve, ne u shprehim mirënjohjen të gjithë atyre brezave që kanë kontribuar me përkushtim dhe sakrifica sublime, në shërbim të vendit të tyre si pjesëtarë të FA-së.

Gëzuar Përvjetorin e 105-të të krijimit tuaj!

Historia gjithmonë do t’ju ndjekë pas me lavdi!

Submit to FacebookSubmit to Google PlusSubmit to TwitterSubmit to LinkedIn


Buletini mujor prill 2018Ditari, të rejat kryesore prill 2018...
Ministrja Xhaçka vizitë zyrtare në SHBA 17-18 prill 2018Washington - Shtetet e Bashkuara të Amerikës e vlerësojnë Shqipërinë një aleat të denjë të NATO dhe vend lider në Ballkanin Perëndimor...
FA shpëtojnë nënën e sëmurë në Kukës27 shkurt 2018Pas 3 orë ecjeje në këmbë, Forcat Armatosura kanë arritur të transportojnë për në spitalin rajonal të Kukësit...
Ministeriali i NATO, takimi Stoltenberg - Xhaçka14 - 15 shkurt 2018Ministrja Xhaçka merr pjesë në takimin e ministrave të Mbrojtjes të vendeve anëtare të NATO në Bruksel...
Fotogaleri/FA angazhim maksimal për situatën e përmbytjeveNëntor - Dhjetor 2017Angazhimi i Forcave të Armatosura të Republikës së Shqipërisë për situatën e përmbytjeve.
NATO: Misioni i “Orikut” në Egje, moment i rëndësishëm për Forcat Detare shqiptare24 nëntor 2017Misionit të anijes patrulluese të forcës detare shqiptare “Oriku”, e cila ishte pjesë e operacionit të NATO-s, “Sea Guardian”, i është dedikuar një shkrim në faqen zyrtare të NATO-s...
Ministrja Xhaçka në Ministerialin e NATO në Bruksel8-9 nëntor 2017Ministeriali i NATO në nivelin e ministrave të Mbrojtjes, që u mbajt në datat 8 dhe 9 nëntor në Bruksel konfirmoi vlerësimin që aleatët...
BBC: Shqipëria rehabiliton varrezat e dëshmorëve pas dekadash të lëna në harresë15 nëntor 2017Prestigjiozja britanike BBC, i ka bërë jehonë nismës së Ministrisë së Mbrojtjes për rehabilitimin e varrezave të dëshmorëve...
Mbyllet takimi i shefave të Mbrojtjes të NATO17 shtator 2017Mbylli punimet formale Konferenca e Komitetit Ushtarak të NATO, e cila u zhvillua për herë të parë në vendin tonë...
Zhvillohet në Tiranë Konferenca e Komitetit Ushtarak të NATO16 shtator 2017Në vendin tonë ka nisur punimet Konferenca e Komitetit Ushtarak të NATO, e cila mbledh së bashku shefat e shtabeve të ushtrive të vendeve anëtare të Aleancës...
Intervistë me gjeneral Petr Pavel, kryetar i Komitetit Ushtarak të NATO15 shtator 2017Intervistë me gjeneral Petr Pavel dhënë për revistën "Mbrojtja"...
Zhvillohet stërvitja shqiptaro-britanike “Ushtar Eagle 17”14 shtator 2017Në kuadër të stërvitjes së përbashkët ndërmjet FA të Shqipërisë dhe FA të Mbretërisë së Bashkuar u zhvillua sot “Dita e Vizitorëve të Shquar” të stërvitjes “Ushtar Eagle 17”...
Programi qeverisës 2017-2021 për Sigurinë dhe Mbrojtjen13 shtator 2017Qeveria e re e RSH mori detyrën pas ceremonisë së betimit në Presidencë. Nga programi qeverisës 2017-2021 veçojmë pjesën që ka lidhje me Sigurinë dhe Mbrojtjen...
Kontributi i Forcave të Armatosura në infrastrukturëShtator 2017Ministria e Mbrojtjes dhe Forcat e Armatosura gjithmonë kanë treguar përkushtim dhe angazhim maksimal në ndihmë të popullsisë civile...
Bëhuni pjesë e Forcave të Armatosuraprill 2018Qendra e Personel Rekrutimit ka filluar regjistrimin e kandidatëve për ushtarë/detarë aktivë dhe kërkon të rekrutojë 100...
Strategjia UshtarakeKorrik 2015Në themel të Strategjisë Ushtarake të Republikës së Shqipërisë është aspirata e popullit shqiptar dhe vullneti politik për të realizuar vizionin e përbashkët...
Direktiva e Mbrojtjes 2018Shkurt 2018 Dokumenti bazë mbi planet dhe programet e punës e të veprimtarive të MM, të FA në përmbushje të misionit kushtetues, si dhe detyrimeve si vend anëtar i NATO...
Revista Mbrojtja Nr. 05 (2018) Maj 2018Numri i fundit i revistës "Mbrojtja"...
Gazeta Ushtria04 maj 2018Numri i fundit i të përjavshmes gazeta "Ushtria"...






Arkivi Lajmeve
Maj 2018
Ma En Pr Sh Di
30 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3