Intervistë e ministres së Mbrojtjes Xhaçka për televizionin “News 24”

 

Zonja Ministre, ushtria ka zbritur në terren pas orës 13:00, sa kohë do të qëndrojë dhe sa është numri i forcave ushtarake të zbritura në terren dhe numri i autoblindave?

Duke qenë se jemi në situatë të jashtëzakonshme, unë në këtë detyrë nuk do ta shoh luftën më reale nga çfarë është kjo situatë sot dhe jemi të mobilizuar me të gjithë forcat tona. Jemi në terren në disa fronte, edhe duke asistuar Policinë e Shtetit për patrullimin e rrugëve për të mos lejuar qarkullimin e mjeteve përtej orareve të përcaktuara edhe për të bërë patrullim nëpër lagje për të siguruar që të gjithë banorët të respektojnë masat e marra nga qeveria, që janë në fakt masat e marra nga në gjitha vendet e tjera ku situata e emergjencës është shumë reale dhe ku humbje tyre kanë qenë shumë të mëdha. Ne nuk duam që të kemi skenarë si ato që po shohim te Italia mike, te Italia fqinje, me një bilanc aq të dhimbshëm të humbjes. 

Është shumë e rëndësishme që të gjithë qytetarët të kuptojnë që në qoftë se nuk e prishim atë zinxhirin e infektimit, që prishet vetëm duke ndenjur në shtëpi, vetëm duke u distancuar socialisht, vetëm duke mos pasur kontakt me njerëzit, ne nuk do mund ta mundim këtë armik të padukshëm.

Prandaj të gjitha forcat e ushtrisë dhe policisë janë sot të mobilizuara për t’u siguruar që masat që janë për hir të së vërtetës shumë restriktive po respektohen, sepse kjo është gjëja e duhur në çdo luftë. Në çdo luftë luftohet për të garantuar të drejtën e jetës dhe gjithë të drejtat e tjera që duhet të gëzojmë për të shijuar jetën. Për të shijuar vendin tonë, për të rritur fëmijët tanë dhe këtë po duam të garantojmë sot. 

Është pa diskutim një situatë e paprecedentë. Ushtria është e angazhuar në gjithë Shqipërinë, duke u përfshirë në një operacion humanitar të shpërndarjes së ndihmave për ato familje që janë në pamundësi apo me ato familje që janë me ndihmë ekonomike. Sot kemi qenë pranë familjeve që vuajnë ende pasojat e pastërmetit duke jetuar nëpër çadra. Do të jemi pranë të gjitha familjeve në nevojë. Qytetarët duhet të na mirëkuptojnë, duhet të respektojnë masat e marra, të qëndrojnë në shtëpi, të distancohen socialisht, të mos kenë kontakt me qytetarët e tjerë, të respektojnë distancën, të marrin të gjitha masat mbrojtëse, sepse vetëm kështu mund të kujdesen për shëndetin e tyre, të familjes së tyre, por edhe të gjithë të tjerëve, që nuk i kanë asnjë taksirat askujt, që sot papërgjegjshmërish, nuk i respekton këto masa, por do të bëjë jetën sikur asgjë s’ka ndodhur. 

 home intervista 01

Ditën e sotme tregjet dhe supermarketet kanë qenë plot, qytetarët nuk ruajnë asnjë lloj distance, nga ana tjetër edhe kryeministri Rama ka ashpërsuar tonet me qytetarët duke thënë se nga e hëna, pas orës 5.00 nëse do të ketë grumbullime të tilla, do të godasë "forca e ligjit". A ka leje ushtria që të reagojë kundër qytetarëve, ka një urdhër, nëse do përsëritet situata si e këtyre ditëve?

Sigurisht që do reagojë, këtu nuk bëhet fjalë vetëm për sigurinë apo për shëndetin e një personi, këtu bëhet fjalë për sigurinë, për jetën e shumë qytetarëve të këtij vendi. Ju besoj e keni parë, sepse tani më nuk flitet për gjë tjetër përveçse për pandeminë, që ka marrë gjithë globin dhe gjithë botën në këtë pikë, cilat janë pasojat dhe sa të dhimbshme janë pasojat dhe se ky është një armik i padukshëm, që ne nuk e shohim, nuk e dimë që mund ta transmetojmë. Një pjesë e madhe e të infektuarve janë a-simptomatik, nuk e dinë fare që e kanë virusin dhe mund ta transmetojnë në mënyrë shumë të kollajtë nëqoftëse nuk merren të gjitha masat restriktive që jemi duke marrë. Nuk jemi të vetmit, të gjithë vendet e tjera janë duke i ndërmarrë këto masa, madje kemi parë nga policia edhe nga ushtria, akte force apo autoriteti, shumë më të shprehura nga ç’i kemi parë këtu. Por nga tani e tutje, pa diskutim, do të marrim të gjitha masat për t’u siguruar që të gjithë t’i respektojnë masat restriktive të marra, që janë edhe këshillat e mjekëve, që janë edhe masat e marra nga qeveria dhe policia. Ushtria, sa i takon, do bëjë gjithçka në autoritetin e vet për t’u siguruar që masat të zbatohen. Sepse kjo është gjëja kryesore për të siguruar jetën e qytetarëve tanë në këtë moment kaq kritik për përballimin e kësaj situate. 

 home intervista

Ju thatë pak më parë që janë dërguar paketa ushqimore tek ato familje me ndihmë ekonomike. Po ato familje të tjera, të cilat nuk janë me ndihmë ekonomike, por kanë qenë më përpara rrogëtare, punët e tyre i kanë humbur dhe tashmë ndodhen përpara sfidës së mungesës së ushqimeve? 

Ju e keni ndjekur, kryeministri sapo ka prezantuar një plan financiar goxha ambicioz, për të bërë një paket lehtësimi ndihme edhe për ata që kanë humbur punën edhe për ato biznese që nuk paguajnë pagat sot, edhe një fond të qenësishëm edhe për ata që e quajmë operacioni humanitar shpërndarjen e ndihmave në terren. 

E drejtuar nga Ministria e Mbrojtjes dhe Emergjencat Civile është ngritur një strukturë e posaçme, ndërinstitucionale me shumë aktorë edhe në qendër edhe në nivel prefekture, edhe në nivel bashkie, edhe në nivel njësie bashkiake, deri në njësitë e zbatimit në terren. Çdo familje me ndihmë ekonomike, apo në vështirësi do të asistohet dhe çdo pensionist, i cili nuk i ka familjarët afër, apo fëmijët afër dhe është le të themi kryefamiljar, apo i vetmuar, ne do ta asistojmë në shtëpi për të mos dalë. Kjo pasi, pensionistët, apo mosha e tretë janë kategoria më e rrezikuar nga ky virus. Do bëjmë çmos që ata të kenë përkujdesje edhe të jenë të trajtuar në shtëpitë e tyre pa dalë fare nga shtëpia, qoftë për shpenzimet e tyre, qoftë për barnat që u nevojiten. Për ta arritur gjithë këtë kemi bërë një organizim shumë ambicioz, një sistem patronazhi që nuk do lërë askënd jashtë vëmendjes. 

Kjo ka nisur. Dje është zbardhur në Fletoren Zyrtare i gjithë mekanizmi i patronazhit në nivel qendror deri në njësitë e zbatimit në terren. Jemi duke evidentuar të gjitha nevojat, ka filluar shpërndarja në terren. Çështje dy, tre ditësh bëhet funksional plotësisht. 

Në cilat raste do të përdoret uji me presion dhe gazi lotsjellës, siç është përmendur nga kryeministri?

Kemi disa masa restriktive; kemi thënë që pas orës 13:00 asnjë qytetar që nuk ka autorizim nuk duhet të jetë në rrugë. Është parashikuar që do të ketë gjoba, sanksione, pra, ka disa masa administrative dhe patjetër për të gjitha ata që do të evidentohet se nuk i respektojnë rregullat, do të tregohet gjithë autoriteti i Forcave të Armatosura dhe Policisë së Shtetit, sepse kjo është e vetmja mënyrë për të ruajtur shëndetin edhe të drejtën e jetës së gjithsecilit, jo vetëm të atyre që refuzojnë të respektojnë dhe papërgjegjshmërish rrezikojnë të tjerë. 

Sigurojmë të drejtën për të jetuar të të gjithë qytetarëve të Shqipërisë!




Si të mbrohemi nga COVID -19? Mars 2020 Ministria e Mbrojtjes dhe Forcat e Armatosura të Republikës së Shqipërisë, si pjesë e strukturave shtetërore, po ndjekin nga afër dhe kanë marrë masat për parandalimin e përhapjes së COVID-19...
Kryesimi i Nismave Rajonale SEDM dhe A5 Shtator 2019 Shqipëria është një ndër vendet e rajonit më aktive në kuadër të Nismave Rajonale, kjo jo vetëm për shkak të anëtarësimit...
“Albanian Effort 19” 19 shtator 2019“Albanian Effort 19” mblodhi në Bizë rreth 800 efektivë nga Shqipëria, SHBA, Mbretëri e Bashkuar, Turqia, Kroacia, Polonia, Italia, Gjermania, Bullgaria, Mali i Zi, Maqedonia e Veriut dhe Kosova...
Angazhimi i FA në shuarjen e zjarreve 09 shtator 2019Muajt korrik edhe gusht edhe pse më të nxehtët e vitit shënuan një numër të pazakontë zjarresh. Ministrja e Mbrojtjes, Olta Xhaçka thekson se gjatë kësaj periudhe në vend ka pasur 324 varta zjarri...
68 vjet Arma e Aviacionit 24 prill 2019Hapi i parë për të krijuar një Aviacion Ushtarak në Shqipëri, u hodh në 1914, kur qeveria shqiptare porositi blerjen e...
Shqipëria 10 vite në NATO Mars 2019Viti 2019 përkon me 10 - Vjetorin e Anëtarësimit të vendit tonë në NATO, më 1 Prill 2009...
Ditari Javor 2019Ditari, të rejat kryesore të javës...
Ministeriali i Mbrojtjes, Bruksel 26 - 27 qershor 26 - 27 qershor 2019Ministrja e Mbrojtjes, Olta Xhaçka mori pjesë në Ministerialin e Zëvendësministri i Mbrojtjes Petro Koçi mori pjesë në punimet e Ministerialit të Mbrojtjes të NATO që u zhvillua në Bruksel,...
Ministeriali i NATO, Xhaçka: 2% e PBB për FA deri në vitin 2024 4-5 tetor 2018Ministrja e Mbrojtjes, Olta Xhaçka mori pjesë në Ministerialin e Mbrojtjes së vendeve anëtare të Aleancës të Atlantikut të Veriut...
Ministrja Xhaçka vizitë zyrtare në SHBA 17-18 prill 2018Washington - Shtetet e Bashkuara të Amerikës e vlerësojnë Shqipërinë një aleat të denjë të NATO dhe vend lider në Ballkanin Perëndimor...
FA shpëtojnë nënën e sëmurë në Kukës27 shkurt 2018Pas 3 orë ecjeje në këmbë, Forcat Armatosura kanë arritur të transportojnë për në spitalin rajonal të Kukësit...
Ministeriali i NATO, takimi Stoltenberg - Xhaçka14 - 15 shkurt 2018Ministrja Xhaçka merr pjesë në takimin e ministrave të Mbrojtjes të vendeve anëtare të NATO në Bruksel...
Fotogaleri/FA angazhim maksimal për situatën e përmbytjeveNëntor - Dhjetor 2017Angazhimi i Forcave të Armatosura të Republikës së Shqipërisë për situatën e përmbytjeve.
NATO: Misioni i “Orikut” në Egje, moment i rëndësishëm për Forcat Detare shqiptare24 nëntor 2017Misionit të anijes patrulluese të forcës detare shqiptare “Oriku”, e cila ishte pjesë e operacionit të NATO-s, “Sea Guardian”, i është dedikuar një shkrim në faqen zyrtare të NATO-s...
BBC: Shqipëria rehabiliton varrezat e dëshmorëve pas dekadash të lëna në harresë15 nëntor 2017Prestigjiozja britanike BBC, i ka bërë jehonë nismës së Ministrisë së Mbrojtjes për rehabilitimin e varrezave të dëshmorëve...
Mbyllet takimi i shefave të Mbrojtjes të NATO17 shtator 2017Mbylli punimet formale Konferenca e Komitetit Ushtarak të NATO, e cila u zhvillua për herë të parë në vendin tonë...
Zhvillohet në Tiranë Konferenca e Komitetit Ushtarak të NATO16 shtator 2017Në vendin tonë ka nisur punimet Konferenca e Komitetit Ushtarak të NATO, e cila mbledh së bashku shefat e shtabeve të ushtrive të vendeve anëtare të Aleancës...
Intervistë me gjeneral Petr Pavel, kryetar i Komitetit Ushtarak të NATO15 shtator 2017Intervistë me gjeneral Petr Pavel dhënë për revistën "Mbrojtja"...
Zhvillohet stërvitja shqiptaro-britanike “Ushtar Eagle 17”14 shtator 2017Në kuadër të stërvitjes së përbashkët ndërmjet FA të Shqipërisë dhe FA të Mbretërisë së Bashkuar u zhvillua sot “Dita e Vizitorëve të Shquar” të stërvitjes “Ushtar Eagle 17”...
Programi qeverisës 2017-2021 për Sigurinë dhe Mbrojtjen13 shtator 2017Qeveria e re e RSH mori detyrën pas ceremonisë së betimit në Presidencë. Nga programi qeverisës 2017-2021 veçojmë pjesën që ka lidhje me Sigurinë dhe Mbrojtjen...
Kontributi i Forcave të Armatosura në infrastrukturëShtator 2017Ministria e Mbrojtjes dhe Forcat e Armatosura gjithmonë kanë treguar përkushtim dhe angazhim maksimal në ndihmë të popullsisë civile...
Bëhuni pjesë e Forcave të Armatosuraprill 2018Qendra e Personel Rekrutimit ka filluar regjistrimin e kandidatëve për ushtarë/detarë aktivë dhe kërkon të rekrutojë 100...
Strategjia UshtarakeKorrik 2015Në themel të Strategjisë Ushtarake të Republikës së Shqipërisë është aspirata e popullit shqiptar dhe vullneti politik për të realizuar vizionin e përbashkët...
Direktiva e Mbrojtjes 2020Janar 2020 Dokumenti bazë mbi planet dhe programet e punës e të veprimtarive të MM, të FA në përmbushje të misionit kushtetues, si dhe detyrimeve si vend anëtar i NATO...
Revista Mbrojtja Nr. 03 (2020) Mars 2020Numri i fundit i revistës "Mbrojtja"...
Gazeta Ushtria 27 mars 2020Numri i fundit i të përjavshmes gazeta "Ushtria"...






Arkivi Lajmeve
Prill 2020
Ma En Pr Sh Di
30 31 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 1 2 3