Çelet ekspozita muzeale “BUNK’ART”

Foto Galeri

Është çelur sot në mjediset e Batalionit të Mbështetjes së Shtabit të Përgjithshëm të FA, në zonën e Shtish-Tufinës në afërsi të Tiranës, ekspozita muzeale ”BUNK’ART”, e cila ngrihet në ish-vëndkomandën për kohë lufte ose bunkerin antibërthamor të kohës së diktaturës komuniste. 
Në ceremoninë e organizuar me këtë rast ishte i pranishëm: kryeministri i Republikës së Shqipërisë, z. Edi Rama, ministrja e Mbrojtjes, znj. Mimi Kodheli, ministrja e Kulturës, znj. Mirela Kumbaro, shefi i Shtabit të Përgjithshëm i FA, gjeneralmajor Jeronim Bazo, ministra të tjerë të kabinetit qeveritarë, deputetë të Kuvendit të Shqipërisë, ambasadorë dhe përfaqësues të tjerë të trupit diplomatik të akredituar në Tiranë, qytetarë, të rinj e të reja të kryeqytetit dhe të ftuar të tjerë.

Në fjalën e saj ministrja e Mbrojtjes Kodheli theksoi se, kur nisëm të bisedonim për herë të parë për aktivitetet me rastin e 70-vjetorit të Çlirimit, ideja që ne të hapnim për publikun këtë hotel të nëndheshëm ushtarak, ose këtë bunker anti-atomik, më entuziazmoi. Më entuziazmoi sepse ne duhet t’i kujtojmë vetes dhe t’u tregojmë fëmijëve tanë se si përpjekja e burrave dhe grave që luftuan e dhanë jetën në LANÇ nisi gradualisht duke u shndërruar në një paranojë, e cila e largoi për 45 vjet Shqipërinë nga aleatët e vetë të natyrshëm perëndimorë.
Pasi nënvizoi rëndësinë e luftës kundër pushtuesit nazifashist dhe çlirimin e vendit, ministrja Kodheli tha se, është tronditëse kur mendon se si idealet e lirisë së nëntorit 1944 u shndërruan gradualisht në një paranojë të strukturuar totalitariste, pjesë e së cilës është edhe kjo ngrehinë. Spiralja në të cilën u futëm për 45 vjet me radhë, ishte larg idealeve të bijve dhe bijave të këtij populli që dolën malit dhe luftuan pushtuesit. U hoq dorë nga aleatët natyralë perëndimorë dhe iu drejtuam të sforcuar stepave të Azisë, për të plotësuar paranojat e një regjimi të ngritur thelbësisht mbi pabarazi klasore. “Por ne nuk duhet asnjëherë të harrojmë ato kohë, dhe ngrehina si kjo e shumë të tjera të ngjashme do të na shërbejnë për t’i kujtuar vetes se respektimi i të drejtave të njeriut, demokracia dhe zbatimi i ligjit do ta çojë Shqipërinë përpara”, - u shpreh znj. Kodheli.

Kryeministri Rama, duke marrë fjalën në këtë aktivitet, ndër të tjera, u shpreh se më krijoi një ndjesi të jashtëzakonshme vizita në këtë pallat nëntokësor, ku regjimi komunist synonte të mbijetonte duke i rezistuar një sulmi imagjinar atomik. Është godina e një regjimi të vjetër që i jep mundësinë qytetarëve të botës së lirë të krijojnë një perceptim për botën e shkuar, për kohën e diktaturës. Këtu ka edhe shumë djem e vajza të reja gjimnazistë që se kanë jetuar atë kohë dhe nuk mund ta imagjinojnë se si Shqipëria e vogël mund të ishte një botë e tretë, e izoluar nga dy botët e tjera, nga Perëndimi dhe Lindja, që lufton në mënyrë imagjinare me imperializmin amerikan dhe socialimperializmin sovjetik. Duke folur për historinë, z. Rama tha se unë besoj se shkrimi i historisë duhet t’i mbetet historianëve. Përpjekjet që politika të përcaktojë shkrimin e historisë ka rezultuar sa tragjike në të shkuarën e largët, aq edhe qesharake në të shkuarën e afërt. Ky 70- vjetor i Çlirimit të Shqipërisë nuk është momenti për të nxituar se kush del më shumë partizan apo kolaboracionist nga ne të gjallët, por koha e një reflektimi dhe bashkimi për një të ardhme më të mirë për të gjithë ne, - ka theksuar kryeministri Rama.

Në këtë veprimtari foli edhe ministrja e Kulturës, znj. Mirela Kumbaro.

Kryeministri Rama, ministrja e Mbrojtjes Kodheli dhe personalitetet e tjerë të pranishëm në këtë aktivitet vizituan mjediset e shumta të këtij bunkeri të nëndhshëm antiatomik, duke parë nga afër hapësirat e tij, zyrat, dhomat, sallat, impiantet, sistemin e ndërlidhjes dhe të ajrimit dhe detaje të tjera që ruajnë vlera historike. Në shumë nga këto ambiente janë ekspozuar armatime, uniforma, dokumente, harta të ndryshme dhe detaje të tjera që shërbenin në atë kohë. Objekti është në pesë nivele (kate), ka mbi 106 dhoma, një sallë të madhe mbledhjesh që ishte parashikuar edhe si sallë për Kuvendin e Popullor të asaj kohe etj. Bunkeri antiatomik i kohës së diktataurës do të jetë i hapur për publikun deri në fund të muajit dhjetor të këtij viti.

Fjala e plotë e ministres Kodheli në këtë aktivitet

Submit to FacebookSubmit to Google PlusSubmit to TwitterSubmit to LinkedIn


Ministeriali i NATO, Xhaçka: 2% e PBB për FA deri në vitin 2024 4-5 tetor 2018Ministrja e Mbrojtjes, Olta Xhaçka mori pjesë në Ministerialin e Mbrojtjes së vendeve anëtare të Aleancës të Atlantikut të Veriut...
Buletini mujor dhjetor 2018Ditari, të rejat kryesore dhjetor 2018...
Ministrja Xhaçka vizitë zyrtare në SHBA 17-18 prill 2018Washington - Shtetet e Bashkuara të Amerikës e vlerësojnë Shqipërinë një aleat të denjë të NATO dhe vend lider në Ballkanin Perëndimor...
FA shpëtojnë nënën e sëmurë në Kukës27 shkurt 2018Pas 3 orë ecjeje në këmbë, Forcat Armatosura kanë arritur të transportojnë për në spitalin rajonal të Kukësit...
Ministeriali i NATO, takimi Stoltenberg - Xhaçka14 - 15 shkurt 2018Ministrja Xhaçka merr pjesë në takimin e ministrave të Mbrojtjes të vendeve anëtare të NATO në Bruksel...
Fotogaleri/FA angazhim maksimal për situatën e përmbytjeveNëntor - Dhjetor 2017Angazhimi i Forcave të Armatosura të Republikës së Shqipërisë për situatën e përmbytjeve.
NATO: Misioni i “Orikut” në Egje, moment i rëndësishëm për Forcat Detare shqiptare24 nëntor 2017Misionit të anijes patrulluese të forcës detare shqiptare “Oriku”, e cila ishte pjesë e operacionit të NATO-s, “Sea Guardian”, i është dedikuar një shkrim në faqen zyrtare të NATO-s...
BBC: Shqipëria rehabiliton varrezat e dëshmorëve pas dekadash të lëna në harresë15 nëntor 2017Prestigjiozja britanike BBC, i ka bërë jehonë nismës së Ministrisë së Mbrojtjes për rehabilitimin e varrezave të dëshmorëve...
Mbyllet takimi i shefave të Mbrojtjes të NATO17 shtator 2017Mbylli punimet formale Konferenca e Komitetit Ushtarak të NATO, e cila u zhvillua për herë të parë në vendin tonë...
Zhvillohet në Tiranë Konferenca e Komitetit Ushtarak të NATO16 shtator 2017Në vendin tonë ka nisur punimet Konferenca e Komitetit Ushtarak të NATO, e cila mbledh së bashku shefat e shtabeve të ushtrive të vendeve anëtare të Aleancës...
Intervistë me gjeneral Petr Pavel, kryetar i Komitetit Ushtarak të NATO15 shtator 2017Intervistë me gjeneral Petr Pavel dhënë për revistën "Mbrojtja"...
Zhvillohet stërvitja shqiptaro-britanike “Ushtar Eagle 17”14 shtator 2017Në kuadër të stërvitjes së përbashkët ndërmjet FA të Shqipërisë dhe FA të Mbretërisë së Bashkuar u zhvillua sot “Dita e Vizitorëve të Shquar” të stërvitjes “Ushtar Eagle 17”...
Programi qeverisës 2017-2021 për Sigurinë dhe Mbrojtjen13 shtator 2017Qeveria e re e RSH mori detyrën pas ceremonisë së betimit në Presidencë. Nga programi qeverisës 2017-2021 veçojmë pjesën që ka lidhje me Sigurinë dhe Mbrojtjen...
Kontributi i Forcave të Armatosura në infrastrukturëShtator 2017Ministria e Mbrojtjes dhe Forcat e Armatosura gjithmonë kanë treguar përkushtim dhe angazhim maksimal në ndihmë të popullsisë civile...
Bëhuni pjesë e Forcave të Armatosuraprill 2018Qendra e Personel Rekrutimit ka filluar regjistrimin e kandidatëve për ushtarë/detarë aktivë dhe kërkon të rekrutojë 100...
Strategjia UshtarakeKorrik 2015Në themel të Strategjisë Ushtarake të Republikës së Shqipërisë është aspirata e popullit shqiptar dhe vullneti politik për të realizuar vizionin e përbashkët...
Direktiva e Mbrojtjes 2018Shkurt 2018 Dokumenti bazë mbi planet dhe programet e punës e të veprimtarive të MM, të FA në përmbushje të misionit kushtetues, si dhe detyrimeve si vend anëtar i NATO...
Revista Mbrojtja Nr. 01 (2019) Janar 2019Numri i fundit i revistës "Mbrojtja"...
Gazeta Ushtria 11 janar 2019Numri i fundit i të përjavshmes gazeta "Ushtria"...






Arkivi Lajmeve
Janar 2019
Ma En Pr Sh Di
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3