Fjala e ministres së Mbrojtjes, Mimi Kodheli mbajtur në Bazën Ajrore në Farkë

Të nderuar ambasadorë,
I nderuar gjeneral Bazo,
Të nderuar gjeneralë, ushtarakë,
Të nderuar pjesëmarrës,

Kam kënaqësinë e veçantë të jem sot e pranishme në këtë ceremoni që përkon me ardhjen e dy helikopterëve të gjeneratës së fundit model EC 145 në konfigurimin SAR (kërkim shpëtim), por dhe me kompletimin e Policisë Ushtarake më mjete të blinduara. Me ardhjen e këtyre dy helikopterëve Flota Ajrore e Forcave të Armatosura pasurohet dhe modernizohet duke rritur ndjeshëmm kapacitetet operacionale. Që sot Komanda e Forcës Ajrore ka në përdorim 4 helikopterë Cougar AS532AL, në konfigurimet SAR (Search dhe Rescue), MEDEVAC (Medical Evacuation) dhe TTH (Transport Trupash); si dhe 2 helikopterë EC145, në konfigurimin SAR.

Modernizimi i Forcës Ajrore shqiptare me këta helikopterë i jep mundësi Forcës tonë Ajrore të kryejë operacione të ndryshme dhe misione të vështira, pavarësisht kushteve metereologjike, ditën apo natën, në operacione luftarake, si dhe në mbështetje të Forcave Tokësore dhe atyre Detare. Me modernizimin e Forcës Ajrore me këta helikopterë synohet të rritet shkalla e operacionalitetit, pasi kjo teknikë është e paisur me paketë modern, e cila përfshin sistemet e navigimit satelitor, instrumente tërësisht dixhitalë dhe në të njënjtën kohë garanton siguri maksimale për pilotët dhe pasagjerët edhe për shkak të pasijes së tyre me dy motorrë.

Përveç përkujdesjes për paisjen me helikopterë nga më modernët dhe më të sigurtët, Ministria e Mbrojtjes, Shtabi i Përgjithshëm dhe Forcat Ajrore janë kujdesur për trajnimin sipas standardeve më bashkëkohore të NATO-s për personelin që do të operojë më këta helikopterë.

Të nderuar pjesmarrës,
Përfundimi i programit të modernizimit të FA me gjashtë helikopterët, të cilët operojnë me të njëjtat standarde si në ushtritë e Aleancës, si dhe me përgatitjen e pilotëve dhe teknikëve pranë kompanive me prestigj në fushën e fluturimit, do të bëjë që Forca jonë Ajrore të jetë një vlerë e shtuar, jo vetëm për garantimin dhe rritjen e sigurisë dhe cilësisë së shërbimeve ajrore brenda vendit, por në të njënjtën kohë ne do të kemi mundësi që të kryejmë operacione të përbashkëta në bashkëpunim me komandat e NATO-s  për t’i dhënë zgjidhje situatave të ndryshme.

Ndërkaq, sië e thashë dhe më lart, Policisë Ushtarake tashmë i vihen në dispozicion katër mjete të blinduara të klasës “Lince”. Këto mjete do të shërbejnë për të rritur kapacitetet teknike dhe operacionale të misionit dhe detyrave të Policisë Ushtarake, si dhe për të zhvilluar, kompletuar dhe rritur nivelin operacional të kësaj strukture për kryerjen e operacioneve të vështira në zona me rrezikshmëri të lartë e më gjerë. Toga NRF deri më sot është ishte e pajisur me mjetet e blinduara IVECO PROTEDO, zëvendësimi i tyre me një gjeneratë të re rrit operacionalitetin e veprimeve ushtarake me aleatët. Të lehta në përdorim me një fuqi të madhe motorrike, “Lince”-t. e reja garantojnë lehtësira dhe siguri për drejtuesin dhe personelin gjatë kryerjes së detyrave operacionale.

Në këtë ceremoni  dëshiroj të falënderoj mbështetjen e aleatëve dhe miqve tanë të Francës, Gjermanisë dhe Italisë, por edhe të gjithë përfaqësuesit dhe trajnuesit e vendeve mike, të cilët kontribuan në përmbushjen e kontratës së paisjes së Forcës tonë Ajrore dhe Policisë Ushtarake me këtë teknikë moderne. I uroj gjithashtu gjithë pilotëve dhe ushtarakëve shqiptarë që do të shërbejnë dhe pilotojne me këto mjete moderne punë të mbarë në përbushjen e detyrimeve tona, sa kushtetuese, aq edhe si anëtar i NATO-s.

Sot po kalojme kohë të vështira, kërcënime që vijnë si nga kufijte juguor dhe lindor të NATO-s, ndaj dëshiroj dhe një herë t’ju inkurajoj dhe të kërkoj nga të gjithe ju të mos ndaleni asnjëherë së punuari në kerkim të rezultateve maksimale në pergatitjen tuaj, si dhe në rezultatet e të gjithëve ne së bashku. Kam besim te palekundur se efektivat e Forces Ajrore dhe i Policisë Ushtarake do të vijojnë të mbajnë lart emrin dhe punen e tyre në çdo kohë dhe situatë me profesionalizmin që i ka karakterizuar gjithmonë, me përkushtimin që i ka karaterizuar në përmbushjen e misionit tonë fisnik

Ju faleminderit dhe suksese!

Submit to FacebookSubmit to Google PlusSubmit to TwitterSubmit to LinkedIn


Ministeriali i NATO, Xhaçka: 2% e PBB për FA deri në vitin 2024 4-5 tetor 2018Ministrja e Mbrojtjes, Olta Xhaçka mori pjesë në Ministerialin e Mbrojtjes së vendeve anëtare të Aleancës të Atlantikut të Veriut...
Buletini mujor shtator 2018Ditari, të rejat kryesore shtator 2018...
Ministrja Xhaçka vizitë zyrtare në SHBA 17-18 prill 2018Washington - Shtetet e Bashkuara të Amerikës e vlerësojnë Shqipërinë një aleat të denjë të NATO dhe vend lider në Ballkanin Perëndimor...
FA shpëtojnë nënën e sëmurë në Kukës27 shkurt 2018Pas 3 orë ecjeje në këmbë, Forcat Armatosura kanë arritur të transportojnë për në spitalin rajonal të Kukësit...
Ministeriali i NATO, takimi Stoltenberg - Xhaçka14 - 15 shkurt 2018Ministrja Xhaçka merr pjesë në takimin e ministrave të Mbrojtjes të vendeve anëtare të NATO në Bruksel...
Fotogaleri/FA angazhim maksimal për situatën e përmbytjeveNëntor - Dhjetor 2017Angazhimi i Forcave të Armatosura të Republikës së Shqipërisë për situatën e përmbytjeve.
NATO: Misioni i “Orikut” në Egje, moment i rëndësishëm për Forcat Detare shqiptare24 nëntor 2017Misionit të anijes patrulluese të forcës detare shqiptare “Oriku”, e cila ishte pjesë e operacionit të NATO-s, “Sea Guardian”, i është dedikuar një shkrim në faqen zyrtare të NATO-s...
BBC: Shqipëria rehabiliton varrezat e dëshmorëve pas dekadash të lëna në harresë15 nëntor 2017Prestigjiozja britanike BBC, i ka bërë jehonë nismës së Ministrisë së Mbrojtjes për rehabilitimin e varrezave të dëshmorëve...
Mbyllet takimi i shefave të Mbrojtjes të NATO17 shtator 2017Mbylli punimet formale Konferenca e Komitetit Ushtarak të NATO, e cila u zhvillua për herë të parë në vendin tonë...
Zhvillohet në Tiranë Konferenca e Komitetit Ushtarak të NATO16 shtator 2017Në vendin tonë ka nisur punimet Konferenca e Komitetit Ushtarak të NATO, e cila mbledh së bashku shefat e shtabeve të ushtrive të vendeve anëtare të Aleancës...
Intervistë me gjeneral Petr Pavel, kryetar i Komitetit Ushtarak të NATO15 shtator 2017Intervistë me gjeneral Petr Pavel dhënë për revistën "Mbrojtja"...
Zhvillohet stërvitja shqiptaro-britanike “Ushtar Eagle 17”14 shtator 2017Në kuadër të stërvitjes së përbashkët ndërmjet FA të Shqipërisë dhe FA të Mbretërisë së Bashkuar u zhvillua sot “Dita e Vizitorëve të Shquar” të stërvitjes “Ushtar Eagle 17”...
Programi qeverisës 2017-2021 për Sigurinë dhe Mbrojtjen13 shtator 2017Qeveria e re e RSH mori detyrën pas ceremonisë së betimit në Presidencë. Nga programi qeverisës 2017-2021 veçojmë pjesën që ka lidhje me Sigurinë dhe Mbrojtjen...
Kontributi i Forcave të Armatosura në infrastrukturëShtator 2017Ministria e Mbrojtjes dhe Forcat e Armatosura gjithmonë kanë treguar përkushtim dhe angazhim maksimal në ndihmë të popullsisë civile...
Bëhuni pjesë e Forcave të Armatosuraprill 2018Qendra e Personel Rekrutimit ka filluar regjistrimin e kandidatëve për ushtarë/detarë aktivë dhe kërkon të rekrutojë 100...
Strategjia UshtarakeKorrik 2015Në themel të Strategjisë Ushtarake të Republikës së Shqipërisë është aspirata e popullit shqiptar dhe vullneti politik për të realizuar vizionin e përbashkët...
Direktiva e Mbrojtjes 2018Shkurt 2018 Dokumenti bazë mbi planet dhe programet e punës e të veprimtarive të MM, të FA në përmbushje të misionit kushtetues, si dhe detyrimeve si vend anëtar i NATO...
Revista Mbrojtja Nr. 10 (2018) Tetor 2018Numri i fundit i revistës "Mbrojtja"...
Gazeta Ushtria05 tetor 2018Numri i fundit i të përjavshmes gazeta "Ushtria"...






Arkivi Lajmeve
Tetor 2018
Ma En Pr Sh Di
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31 1 2 3 4