Fjala e ministres së Mbrojtjes, znj. Olta Xhaçka me rastin e nisjes së Kontingjentit VI me mision në detin Egje

Oficerë, nënoficerë dhe ushtarë,
zonja dhe zotërinj,
familjarë të pranishëm,

sot për mua është një moment i veçantë. Po e nis angazhimin tim si ministre e Mbrojtjes me nisjen e Kontingjentit VI detar në mision vëzhgimi, monitorimi dhe raportimi të trafikut të emigrantëve në detin Egje. Ndihem e emocionuar po aq sa edhe ju, pjesëtarë të këtij misioni, pasi edhe për mua personalisht është nisja e një angazhimi shumë të rëndësishëm.

Që nga nëntori i vitit të kaluar, ju dhe kolegët tuaj detarë, jeni angazhuar në operacionin “Sea Guardian” përkrah shumë anijeve ushtarake të NATO, në një prej sfidave më të mëdha që po përjeton sot Europa; kriza e refugjatëve e vitit 2016 me përmasat e mëdha të eksodit njerëzor, për pak cenoi edhe vetë themelet e Europës së lirë dhe demokratike. Kolona njerëzore që i largohej konflikteve të dhunshme në Siri e Irak kërkonte shpresë dhe siguri. E rrugëtimi i atyre fatkeqëve drejt shpresës europiane, nisi pikërisht në detin Egje, ku u bënë edhe pre e trafiqeve dhe viktima të krimit të organizuar. Kjo situatë e detyroi Aleancën e Atlantikut të Veriut të ndërhyjë seriozisht në Mesdheun Lindor. Dhe pikërisht 10 muaj më parë, qeveria shqiptare iu përgjigj kërkesave të NATO duke dislokuar anijen “Oriku” në ujërat mes aleatëve tanë turq dhe grekë, si dëshminë më të mirë të gatishmërisë dhe unitetit mes vendeve që ndajnë të njëjtat vlera dhe të njëjtat aspirata.

Të nderuar të pranishëm,

Ushtarakët e Forcës Detare të Republikës së Shqipërisë kanë marrë pjesë në dhjetëra operacione në detin Egje si pjesë e përpjekjes ndërkombëtare për të ndaluar trafikimin ilegal dhe migrimin në këtë rajon të trazuar. Janë mbi 540 persona të moshave, gjinive dhe shtetësive të ndryshme që ju u keni shpëtuar jetën. Sirianë, irakenë por edhe nigerianë, kongolezë, somalezë e jemenas, sot jetojnë falë sakrificës së ushtarakëve shqiptarë. Vetëm në dy muajt e fundit, kontingjenti që ju do zëvendësoni, ka shpëtuar 151 jetë njerëzore, prej të cilëve 33 gra dhe 56 fëmijë. Na keni bërë të gjithëve krenarë, jeni shembulli më i mirë i sakrificës dhe i vetëmohimit.

Qeveria e Republikës së Shqipërisë do të vazhdojë t'i kushtojë një rëndësi të veçantë sigurisë kombëtare dhe kontributit në sigurinë globale. Programi ynë do të vijojë me angazhimin ushtarako - operacional në nivele maksimale si në operacionet e mbrojtjes kolektive ashtu edhe në misionet paqeruajtëse të drejtuara nga NATO. Program ynë qeverisës do të ketë edhe një dimension të ri, mbrojtja dhe siguria do të konsiderohen gjithashtu edhe projekte shoqërore, për të angazhuar sa më shumë të rinj dhe të reja në funksion të formimit të tyre profesional dhe formësimit të vetëdijes kombëtare.

Për asnjë moment nuk duhet të harrojmë se rritja e kapaciteteve duhet të gjenerojë shpenzime më të arsyeshme, që do t’ju mundësojë specializimin në të gjitha fushat ku mund të krijoni avantazh krahasues. Për këtë, unë kërkoj nga të gjitha strukturat drejtuese të FA, duke nisur nga Ministria e Mbrojtjes dhe Shtabi i Përgjithshëm, të nisim së bashku një proces të detajuar edhe rigoroz për t’ju përgjigjur sa më mirë sfidave të së ardhmes. Pres hartimin e një kalendari ambicioz me afate edhe objektiva të qarta, pasi vazhdojmë të jetojmë në një mjedis vulnerabël, të paparashikueshëm, kompleks dhe të paqartë. Ne të gjithë këtu duhet të jemi të vendosur të vazhdojmë punën e mirë të deritanishme, me më shumë motivim dhe përpjekje të përbashkëta.

Kur mora detyrën e ministrit të Mbrojtjes e dija që sfidat që më prisnin ishin të shumta dhe të ndërlikuara. Përfitoj nga rasti t’ju them të gjitha grave dhe burrave në uniformë se do të jem në krye të çdo përpjekje për të forcuar ambientin tonë të sigurisë. Do të jem krah jush në çdo sfidë edhe përpjekje në të mirën e vendit dhe për të mirën e shoqërisë. Do të më keni pranë kurdoherë, për të vazhduar ëndrrën tonë të përbashkët, që Shqipëria të jetë një vend më i mirë dhe më i begatë për ne dhe për fëmijët tanë.

Zonja dhe zotërinj,

dy gra po nisen sot drejt detit Egje, si pjesë e Kontingjentit VI, togere Aurela Bala dhe rreshtere Esmeralda Murati janë përzgjedhur që të jenë pjesë e këtij angazhimi. Rreshterja po largohet nga djemtë edhe bashkëshorti, gjithashtu ushtarak për t'u kujdesur për shëndetin e kolegëve. Ju ushtarake jeni shembulli më i mirë i të gjithë asaj që po përpiqemi të bëjmë të gjithë sëbashku. Për këtë ju falënderoj në mënyrë të posaçme. Gratë përbëjnë gati 15% të Forcave tona të Armatosura dhe tani ka nisur edhe angazhimi femëror në misione dhe në operacione. Ju falënderoj të dyjave, ju admiroj për vetëmohimin dhe presim nga ju veçse buletine të mira shëndetësore. Si nënë dhe bashkëshorte i kuptoj emocionet e ndarjes, ankthin e largimit dhe pasigurinë e distancës. Por të nderuar familjarë të ushtarakëve të jeni të sigurt se qeveria e Republikës së Shqipërisë është pranë çdo ushtaraku dhe është pranë gjithësecilit prej jush. Ju falënderoj të gjithëve për punën dhe përgatitjet drejt misionit.

Erëra të mbara dhe ju vaftë mbarë!

Submit to FacebookSubmit to Google PlusSubmit to TwitterSubmit to LinkedIn


Ministeriali i NATO, Xhaçka: 2% e PBB për FA deri në vitin 2024 4-5 tetor 2018Ministrja e Mbrojtjes, Olta Xhaçka mori pjesë në Ministerialin e Mbrojtjes së vendeve anëtare të Aleancës të Atlantikut të Veriut...
Buletini mujor shtator 2018Ditari, të rejat kryesore shtator 2018...
Ministrja Xhaçka vizitë zyrtare në SHBA 17-18 prill 2018Washington - Shtetet e Bashkuara të Amerikës e vlerësojnë Shqipërinë një aleat të denjë të NATO dhe vend lider në Ballkanin Perëndimor...
FA shpëtojnë nënën e sëmurë në Kukës27 shkurt 2018Pas 3 orë ecjeje në këmbë, Forcat Armatosura kanë arritur të transportojnë për në spitalin rajonal të Kukësit...
Ministeriali i NATO, takimi Stoltenberg - Xhaçka14 - 15 shkurt 2018Ministrja Xhaçka merr pjesë në takimin e ministrave të Mbrojtjes të vendeve anëtare të NATO në Bruksel...
Fotogaleri/FA angazhim maksimal për situatën e përmbytjeveNëntor - Dhjetor 2017Angazhimi i Forcave të Armatosura të Republikës së Shqipërisë për situatën e përmbytjeve.
NATO: Misioni i “Orikut” në Egje, moment i rëndësishëm për Forcat Detare shqiptare24 nëntor 2017Misionit të anijes patrulluese të forcës detare shqiptare “Oriku”, e cila ishte pjesë e operacionit të NATO-s, “Sea Guardian”, i është dedikuar një shkrim në faqen zyrtare të NATO-s...
BBC: Shqipëria rehabiliton varrezat e dëshmorëve pas dekadash të lëna në harresë15 nëntor 2017Prestigjiozja britanike BBC, i ka bërë jehonë nismës së Ministrisë së Mbrojtjes për rehabilitimin e varrezave të dëshmorëve...
Mbyllet takimi i shefave të Mbrojtjes të NATO17 shtator 2017Mbylli punimet formale Konferenca e Komitetit Ushtarak të NATO, e cila u zhvillua për herë të parë në vendin tonë...
Zhvillohet në Tiranë Konferenca e Komitetit Ushtarak të NATO16 shtator 2017Në vendin tonë ka nisur punimet Konferenca e Komitetit Ushtarak të NATO, e cila mbledh së bashku shefat e shtabeve të ushtrive të vendeve anëtare të Aleancës...
Intervistë me gjeneral Petr Pavel, kryetar i Komitetit Ushtarak të NATO15 shtator 2017Intervistë me gjeneral Petr Pavel dhënë për revistën "Mbrojtja"...
Zhvillohet stërvitja shqiptaro-britanike “Ushtar Eagle 17”14 shtator 2017Në kuadër të stërvitjes së përbashkët ndërmjet FA të Shqipërisë dhe FA të Mbretërisë së Bashkuar u zhvillua sot “Dita e Vizitorëve të Shquar” të stërvitjes “Ushtar Eagle 17”...
Programi qeverisës 2017-2021 për Sigurinë dhe Mbrojtjen13 shtator 2017Qeveria e re e RSH mori detyrën pas ceremonisë së betimit në Presidencë. Nga programi qeverisës 2017-2021 veçojmë pjesën që ka lidhje me Sigurinë dhe Mbrojtjen...
Kontributi i Forcave të Armatosura në infrastrukturëShtator 2017Ministria e Mbrojtjes dhe Forcat e Armatosura gjithmonë kanë treguar përkushtim dhe angazhim maksimal në ndihmë të popullsisë civile...
Bëhuni pjesë e Forcave të Armatosuraprill 2018Qendra e Personel Rekrutimit ka filluar regjistrimin e kandidatëve për ushtarë/detarë aktivë dhe kërkon të rekrutojë 100...
Strategjia UshtarakeKorrik 2015Në themel të Strategjisë Ushtarake të Republikës së Shqipërisë është aspirata e popullit shqiptar dhe vullneti politik për të realizuar vizionin e përbashkët...
Direktiva e Mbrojtjes 2018Shkurt 2018 Dokumenti bazë mbi planet dhe programet e punës e të veprimtarive të MM, të FA në përmbushje të misionit kushtetues, si dhe detyrimeve si vend anëtar i NATO...
Revista Mbrojtja Nr. 10 (2018) Tetor 2018Numri i fundit i revistës "Mbrojtja"...
Gazeta Ushtria05 tetor 2018Numri i fundit i të përjavshmes gazeta "Ushtria"...






Arkivi Lajmeve
Tetor 2018
Ma En Pr Sh Di
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31 1 2 3 4