Fjala e mirëseardhjes e ministres së Mbrojtjes, znj. Olta Xhaçka në ceremoninë e hapjes së kurseve në AFA për vitin akademik 2017 - 2018.

Të nderuar pjesëmarrës,
zonja dhe zotërinj,

sot, nis viti i ri akademik për strukturat e Forcave të Armatosura. Ndjehem shumë entuziaste për nisjen e këtij vitit të ri akademik, pasi së bashku me ju kam besim se, do të ngremë akoma dhe më tepër cilësinë e të gjithë atyre që kanë zgjedhur të jenë siguria dhe mbrojtja e vendit.

Jam e ndërgjegjshme, që ky eveniment, për ju të zgjedhurit në kurse, përbën një ditë të veçantë në jetën e karrierën tuaj të mëtejshme dhe në të njëjtën kohë, është një ngjarje e shënuar si për Akademinë në vetvete, ashtu edhe për strukturat e Forcave të Armatosura.

Prania juaj sot, si pjesëmarrës në kurset e të gjitha niveleve, është kontribut i punës dhe performancës tuaj, i vetëzhvillimit dhe i studimit individual, i profesionalizmit të treguar në detyrat përkatëse.

Kursi i Lartë i Sigurisë dhe Mbrojtjes, ju ofron pjesëmarrësve ushtarakë e civilë nga vendi dhe rajoni, mundësinë që të ndani opinionet tuaja për probleme të rëndësishme të sigurisë, të shkëmbeni përvojat dhe kulturat e institucioneve e vendeve nga vini, si dhe të jeni në të ardhmen ata që do i shërbeni strategjive të mbrojtjes. Kjo do të rrisë shkallën tuaj të përgjegjësisë, seriozitetin dhe kohezionin në mësim.

Do t’ju ftoja të gjithëve, t’i jepni rëndësinë e duhur nxitjes së frymës së debatit gjatë kurseve që frekuentoni, me qëllim rritjen e aftësisë në analizat e problematikave që do hasni, përshtatjen për të pranuar mendimin ndryshe, e cila do sjellë si rezultat aftësimin tuaj në vendimmarrje në të ardhmen.

Programi i ri i qeverisë shqiptare për sigurinë e mbrojtjen e vendit, kërkon rritjen e profesionalizmit, ndërveprimit dhe operacionalitetit të Forcave të Armatosura, vijimin e transformimit, modernizimit e përmbushjen e angazhimeve në kuadër të Aleancës, zbatimin e dokumenteve strategjike, zhvillimin e kapaciteteve për garantimin e sigurisë dhe përballimin e të gjithë skenarëve të kërcënimeve. Si rrjedhojë, kërkon një qasje të re në zhvillimin dhe konsolidimin e sistemit arsimor për ta bërë atë sa më cilësor e fleksibël, në funksion të zhvillimit të vetë Forcave të Armatosura dhe të shoqërisë.

Arsimimi, në mënyrë të vazhdueshme duhet t’i paraprijë transformimit të Forcave të Armatosura, duke përditësuar metodologjinë, programet mësimore e doktrinat ushtarake, për të unifikuar proceset dhe për të siguruar ndërveprueshmërinë me aleatët, me qëllim që t’u përgjigjet nevojave kombëtare, në kushtet e një mjedisi të ri të sigurisë, duke qenë i përputhshëm me sistemin e arsimimit kombëtar dhe shkollave të vendeve të NATO.

Objektivi kryesor i sistemi aktual, është mbështetja e Forcave të Armatosura me personel profesionist, për përmbushjen e të gjithë spektrit të detyrave operacionale, ku përparësi mbetet përgatitja e ushtarakëve të trupës, shtabeve dhe civilëve të Forcave të Armatosura për të gjitha nivelet.

Ne synojmë t’i japim një prioritet të veçantë programeve të arsimit, përfshirë dhe nivelin master apo doktoraturë. Rritja dhe përmirësimi i cilësisë së këtyre programeve, jo vetëm do i përgjigjet në nivelet e duhura standardeve të NATO, por do të garantojë edhe një kontribut më të madh në të ardhmen nga vendi ynë në bashkëpunimet dhe sfidat që na presin në këtë aleancë kaq të rëndësishme.

Trajtimi me VKM të veçantë i stafit akademik të AFA-së, duke e barazuar me stafin akademik të institucioneve të tjera të arsimit të lartë në RSH, është një vlerësim që qeveria shqiptare, i bën këtij institucioni dhe vetë Forcave të Armatosura.

Një sfidë e rëndësishme për ju këtë vit, ishte finalizimi i procesit të akreditimit institucional. Jam njohur me faktin se Draft-Raporti i Vlerësimit të Jashtëm Institucional, përmbante vlerësime pozitive dhe rekomandime për zhvillimin e institucionit sipas të gjitha standardeve të ligjit për arsimin e lartë. Kjo është një arritje e akademisë dhe një shans më shumë për të mundësuar integrimin e arsimit ushtarak në sistemin kombëtar të arsimimit të lartë.

Në përmbyllje të kësaj fjale, personalisht, dua të ndaj me ju sot angazhimin maksimal që standardet e ushtrisë shqiptare do fillojnë të mbillen në shkollat tona, e më tej do jenë një aset i çmuar për komunitetin dhe brezat që do të vijnë. Siç thotë dhe një thënie e mençur “Knowledge is Power

Ju uroj suksese në kurs dhe një vit të mbarë akademik!

Ju faleminderit!

Submit to FacebookSubmit to Google PlusSubmit to TwitterSubmit to LinkedIn


Buletini mujor prill 2018Ditari, të rejat kryesore prill 2018...
Ministrja Xhaçka vizitë zyrtare në SHBA 17-18 prill 2018Washington - Shtetet e Bashkuara të Amerikës e vlerësojnë Shqipërinë një aleat të denjë të NATO dhe vend lider në Ballkanin Perëndimor...
FA shpëtojnë nënën e sëmurë në Kukës27 shkurt 2018Pas 3 orë ecjeje në këmbë, Forcat Armatosura kanë arritur të transportojnë për në spitalin rajonal të Kukësit...
Ministeriali i NATO, takimi Stoltenberg - Xhaçka14 - 15 shkurt 2018Ministrja Xhaçka merr pjesë në takimin e ministrave të Mbrojtjes të vendeve anëtare të NATO në Bruksel...
Fotogaleri/FA angazhim maksimal për situatën e përmbytjeveNëntor - Dhjetor 2017Angazhimi i Forcave të Armatosura të Republikës së Shqipërisë për situatën e përmbytjeve.
NATO: Misioni i “Orikut” në Egje, moment i rëndësishëm për Forcat Detare shqiptare24 nëntor 2017Misionit të anijes patrulluese të forcës detare shqiptare “Oriku”, e cila ishte pjesë e operacionit të NATO-s, “Sea Guardian”, i është dedikuar një shkrim në faqen zyrtare të NATO-s...
Ministrja Xhaçka në Ministerialin e NATO në Bruksel8-9 nëntor 2017Ministeriali i NATO në nivelin e ministrave të Mbrojtjes, që u mbajt në datat 8 dhe 9 nëntor në Bruksel konfirmoi vlerësimin që aleatët...
BBC: Shqipëria rehabiliton varrezat e dëshmorëve pas dekadash të lëna në harresë15 nëntor 2017Prestigjiozja britanike BBC, i ka bërë jehonë nismës së Ministrisë së Mbrojtjes për rehabilitimin e varrezave të dëshmorëve...
Mbyllet takimi i shefave të Mbrojtjes të NATO17 shtator 2017Mbylli punimet formale Konferenca e Komitetit Ushtarak të NATO, e cila u zhvillua për herë të parë në vendin tonë...
Zhvillohet në Tiranë Konferenca e Komitetit Ushtarak të NATO16 shtator 2017Në vendin tonë ka nisur punimet Konferenca e Komitetit Ushtarak të NATO, e cila mbledh së bashku shefat e shtabeve të ushtrive të vendeve anëtare të Aleancës...
Intervistë me gjeneral Petr Pavel, kryetar i Komitetit Ushtarak të NATO15 shtator 2017Intervistë me gjeneral Petr Pavel dhënë për revistën "Mbrojtja"...
Zhvillohet stërvitja shqiptaro-britanike “Ushtar Eagle 17”14 shtator 2017Në kuadër të stërvitjes së përbashkët ndërmjet FA të Shqipërisë dhe FA të Mbretërisë së Bashkuar u zhvillua sot “Dita e Vizitorëve të Shquar” të stërvitjes “Ushtar Eagle 17”...
Programi qeverisës 2017-2021 për Sigurinë dhe Mbrojtjen13 shtator 2017Qeveria e re e RSH mori detyrën pas ceremonisë së betimit në Presidencë. Nga programi qeverisës 2017-2021 veçojmë pjesën që ka lidhje me Sigurinë dhe Mbrojtjen...
Kontributi i Forcave të Armatosura në infrastrukturëShtator 2017Ministria e Mbrojtjes dhe Forcat e Armatosura gjithmonë kanë treguar përkushtim dhe angazhim maksimal në ndihmë të popullsisë civile...
Bëhuni pjesë e Forcave të Armatosuraprill 2018Qendra e Personel Rekrutimit ka filluar regjistrimin e kandidatëve për ushtarë/detarë aktivë dhe kërkon të rekrutojë 100...
Strategjia UshtarakeKorrik 2015Në themel të Strategjisë Ushtarake të Republikës së Shqipërisë është aspirata e popullit shqiptar dhe vullneti politik për të realizuar vizionin e përbashkët...
Direktiva e Mbrojtjes 2018Shkurt 2018 Dokumenti bazë mbi planet dhe programet e punës e të veprimtarive të MM, të FA në përmbushje të misionit kushtetues, si dhe detyrimeve si vend anëtar i NATO...
Revista Mbrojtja Nr. 05 (2018) Maj 2018Numri i fundit i revistës "Mbrojtja"...
Gazeta Ushtria04 maj 2018Numri i fundit i të përjavshmes gazeta "Ushtria"...






Arkivi Lajmeve
Maj 2018
Ma En Pr Sh Di
30 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3