Fjala e ministrit të Mbrojtjes me rastin e mbërritjes së ndihmave nga 16 vende antare të BE

Më lejoni ta filloj fjalën time duke ju falënderuar të gjithëve në emër të qeverisë shqiptare, por mbi të gjitha në emër të qytetarëve shqiptarë. Dhe përmes jush patjetër më lejoni të falënderoj, shkëlqesi ambasador, qytetarët dhe taksapaguesit e vendeve që ju përfaqësoni për bujarinë e treguar duke na ndihmuar në momentin tonë të vështirë.

Ndihmat, qofshin në fonde, apo pajisje e të tjera materiale, janë sigurisht shumë të mirëpritura, veçanërisht në momente të vështira si ky që sapo kemi kaluar. Sepse tërmeti i datës 21 shtator shkaktoi dëme të mëdha materiale duke nxjerrë jashtë përdorimit disa qindra banesa dhe objekte të tjera dhe duke lënë, jo tamam në qiell të hapur, sepse ne jemi mundur t’i ndihmojmë dhe asistojmë, por duke nxjerrë nga shtëpitë e tyre shumë e shumë familje.

Ata, ndër ju, që përfaqësojnë vende që kanë kaluar eksperienca të tilla, e dinë sesa e vështirë është për çdo vend, që të përballojë i vetëm pasojat e ngjarjeve të tilla.

Por këto ndihma kanë një vlerë shumë më të madhe sesa vlera monetare dhe materiale e pajisjeve apo fondeve që marrim sot në dorëzim, sepse mbi të gjitha janë prova më e qartë e solidaritetit mes vendeve tona. Dhe është sigurisht një ndjesi shumë e mirë për çdo qytetar shqiptar, kur e di që ne mund të mbështetemi tek ndihma e miqve e partnerëve tanë në rast nevoje.

Prandaj ju falënderoj të gjithëve nga zemra duke i rezervuar sigurisht një falënderim të veçantë ambasadorit Soreca për punën që ai bëri për ta organizuar e vënë në lëvizje këtë ndihmë.

Ne kemi përpara padyshim një sfidë të madhe për të rikuperuar të gjithë dëmet e shkaktuara nga tërmeti i datës 21. Siç e dini të gjitha godinat e shembura do të rindërtohen nga fondi rezervë i buxhetit të shtetit për emergjencat civile, por edhe nga fondi i solidaritetit që tashmë është ngritur dhe ka bërë bashkë dhjetëra biznese, të huaj, por edhe shumë qytetarë që na janë bashkuar për t’iu gjendur më pranë familjeve më në nevojë.

Janë marrë po ashtu një sërë masash të tjera për të ndihmuar qytetarët e prekur nga dëmtimet, duke filluar nga lehtësimi i procedurave të lejes së ndërtimit për ata qytetarë që vendosin t’i rindërtojnë vetë shtëpitë e tyre e duke vazhuar me faljen e borxheve të ujit e energjisë elektrike. Pa harruar sigurisht që janë edhe ata qytetarë, banesat e të cilëve kanë pësuar dëmtime që mund të jenë pak më të lehta, por që gjithsesi i bën ata të pasigurt për të qëndruar në banesat e tyre, ose i bën banesat e tyre të pasigurta dhe për ta nevojitet një vlerësim i detajuar dhe patjetër edhe dëmshpërblim.

Por sigurisht që, ndërsa rindërtimi është sfida afatshkurtër, për t’ua lehtësuar sa më shumë situatën këtyre familjeve, sfida më e madhe që kemi përpara si shtet, si qeveri, është marrja e të gjithë masave për të qenë të përgatitur për situatat e ngjarjet, që mund të vijnë si pasojë e fatkeqësive natyrore apo emergjencave civile, ashtu si edhe në fakt tha amabasadori Soreca.

Vetëm gjatë javës së fundit përveç tërmetit kemi pasur edhe dy stuhi me sasi të jashtëzakonshme reshjeve, ndërkohë që dimri ende nuk ka filluar.

Nga eksperienca e viteve të fundit kemi mësuar se në këto kohë ndryshimesh klimaterike, kur moti është bërë krejtësisht i paparashikueshëm, detyra jonë është që të jemi sa më të përgatitur, qoftë për rrezikun e përmbytjeve, qoftë për rrezikun e ngricave e bllokimeve nga dëbora të cilat gjatë dekadës së fundit kanë shkaktuar goxha situata mjaft dramatike në shumë rajone të vendit.

E megjithatë unë besoj që me ligjin për Mbrojtjen Civile që miratuam në korrik ne kemi hedhur një hap vërtetë të rëndësishëm drejt përgatitjes së një mekanizmi efikas, të ndërtuar sipas modeleve më të mira europiane e amerikane, për përballimin e emergjencave. Mënyra sesi u përballua tërmeti, apo situata e shkaktuar nga tërmeti, nga ky mekanizëm i ri, paçka se ai është ende në hapat e vet të para apo në fazën e vet embrionale, na tregoi se çfarë potenciali të madh ka ky mekanizëm.

Ama, besoj po ashtu, që fakti që patëm fat me tërmetin e datës 21, që nuk patëm asnjë jetë të humbur dhe asnjë të plagosur rëndë dhe që dëmet ishin relativisht më të lehta nga ç’mund të kishin qenë, nuk duhet të na bëjë të ndihemi të lehtësuar. Përkundrazi, duhet të na shtojë sensin e urgjencës, për ta zhvilluar dhe konsoliduar akoma më shumë këtë mekanizëm, çka sigurisht kërkon angazhimin e qeverisë në nivel qendror dhe lokal, për të rritur kapacitetet, për të perfeksionuar koordinimin e organizimin, edhe për të hartuar analizat e strategjitë e riskut, në mënyrë që t’u paraprijmë situatave të emergjencës, frekuenca e shtuar e të cilave fatkeqësisht është një realitet i kohës ku jetojmë.

Besoj që anëtarësimi në Qendrën Europiane për Koordinimin e Përgjigjes ndaj Emergjencave do të jetë vula e suksesit të kësaj pune, që ne e kemi marrë shumë seriozisht, jo sepse është thjesht reforma e radhës, por sepse ka një ndikim të drejtpërdrejtë tek siguria, tek jeta dhe shëndeti i qytetarëve shqiptarë.




Kryesimi i Nismave Rajonale SEDM dhe A5 Shtator 2019 Shqipëria është një ndër vendet e rajonit më aktive në kuadër të Nismave Rajonale, kjo jo vetëm për shkak të anëtarësimit...
“Albanian Effort 19” 19 shtator 2019“Albanian Effort 19” mblodhi në Bizë rreth 800 efektivë nga Shqipëria, SHBA, Mbretëri e Bashkuar, Turqia, Kroacia, Polonia, Italia, Gjermania, Bullgaria, Mali i Zi, Maqedonia e Veriut dhe Kosova...
Angazhimi i FA në shuarjen e zjarreve 09 shtator 2019Muajt korrik edhe gusht edhe pse më të nxehtët e vitit shënuan një numër të pazakontë zjarresh. Ministrja e Mbrojtjes, Olta Xhaçka thekson se gjatë kësaj periudhe në vend ka pasur 324 varta zjarri...
68 vjet Arma e Aviacionit 24 prill 2019Hapi i parë për të krijuar një Aviacion Ushtarak në Shqipëri, u hodh në 1914, kur qeveria shqiptare porositi blerjen e...
Shqipëria 10 vite në NATO Mars 2019Viti 2019 përkon me 10 - Vjetorin e Anëtarësimit të vendit tonë në NATO, më 1 Prill 2009...
Ditari Javor 2019Ditari, të rejat kryesore të javës...
Ministeriali i Mbrojtjes, Bruksel 26 - 27 qershor 26 - 27 qershor 2019Ministrja e Mbrojtjes, Olta Xhaçka mori pjesë në Ministerialin e Zëvendësministri i Mbrojtjes Petro Koçi mori pjesë në punimet e Ministerialit të Mbrojtjes të NATO që u zhvillua në Bruksel,...
Ministeriali i NATO, Xhaçka: 2% e PBB për FA deri në vitin 2024 4-5 tetor 2018Ministrja e Mbrojtjes, Olta Xhaçka mori pjesë në Ministerialin e Mbrojtjes së vendeve anëtare të Aleancës të Atlantikut të Veriut...
Ministrja Xhaçka vizitë zyrtare në SHBA 17-18 prill 2018Washington - Shtetet e Bashkuara të Amerikës e vlerësojnë Shqipërinë një aleat të denjë të NATO dhe vend lider në Ballkanin Perëndimor...
FA shpëtojnë nënën e sëmurë në Kukës27 shkurt 2018Pas 3 orë ecjeje në këmbë, Forcat Armatosura kanë arritur të transportojnë për në spitalin rajonal të Kukësit...
Ministeriali i NATO, takimi Stoltenberg - Xhaçka14 - 15 shkurt 2018Ministrja Xhaçka merr pjesë në takimin e ministrave të Mbrojtjes të vendeve anëtare të NATO në Bruksel...
Fotogaleri/FA angazhim maksimal për situatën e përmbytjeveNëntor - Dhjetor 2017Angazhimi i Forcave të Armatosura të Republikës së Shqipërisë për situatën e përmbytjeve.
NATO: Misioni i “Orikut” në Egje, moment i rëndësishëm për Forcat Detare shqiptare24 nëntor 2017Misionit të anijes patrulluese të forcës detare shqiptare “Oriku”, e cila ishte pjesë e operacionit të NATO-s, “Sea Guardian”, i është dedikuar një shkrim në faqen zyrtare të NATO-s...
BBC: Shqipëria rehabiliton varrezat e dëshmorëve pas dekadash të lëna në harresë15 nëntor 2017Prestigjiozja britanike BBC, i ka bërë jehonë nismës së Ministrisë së Mbrojtjes për rehabilitimin e varrezave të dëshmorëve...
Mbyllet takimi i shefave të Mbrojtjes të NATO17 shtator 2017Mbylli punimet formale Konferenca e Komitetit Ushtarak të NATO, e cila u zhvillua për herë të parë në vendin tonë...
Zhvillohet në Tiranë Konferenca e Komitetit Ushtarak të NATO16 shtator 2017Në vendin tonë ka nisur punimet Konferenca e Komitetit Ushtarak të NATO, e cila mbledh së bashku shefat e shtabeve të ushtrive të vendeve anëtare të Aleancës...
Intervistë me gjeneral Petr Pavel, kryetar i Komitetit Ushtarak të NATO15 shtator 2017Intervistë me gjeneral Petr Pavel dhënë për revistën "Mbrojtja"...
Zhvillohet stërvitja shqiptaro-britanike “Ushtar Eagle 17”14 shtator 2017Në kuadër të stërvitjes së përbashkët ndërmjet FA të Shqipërisë dhe FA të Mbretërisë së Bashkuar u zhvillua sot “Dita e Vizitorëve të Shquar” të stërvitjes “Ushtar Eagle 17”...
Programi qeverisës 2017-2021 për Sigurinë dhe Mbrojtjen13 shtator 2017Qeveria e re e RSH mori detyrën pas ceremonisë së betimit në Presidencë. Nga programi qeverisës 2017-2021 veçojmë pjesën që ka lidhje me Sigurinë dhe Mbrojtjen...
Kontributi i Forcave të Armatosura në infrastrukturëShtator 2017Ministria e Mbrojtjes dhe Forcat e Armatosura gjithmonë kanë treguar përkushtim dhe angazhim maksimal në ndihmë të popullsisë civile...
Bëhuni pjesë e Forcave të Armatosuraprill 2018Qendra e Personel Rekrutimit ka filluar regjistrimin e kandidatëve për ushtarë/detarë aktivë dhe kërkon të rekrutojë 100...
Strategjia UshtarakeKorrik 2015Në themel të Strategjisë Ushtarake të Republikës së Shqipërisë është aspirata e popullit shqiptar dhe vullneti politik për të realizuar vizionin e përbashkët...
Direktiva e Mbrojtjes 2019Janar 2019 Dokumenti bazë mbi planet dhe programet e punës e të veprimtarive të MM, të FA në përmbushje të misionit kushtetues, si dhe detyrimeve si vend anëtar i NATO...
Revista Mbrojtja Nr. 11 (2019) Nëntor 2019Numri i fundit i revistës "Mbrojtja"...
Gazeta Ushtria 08 nëntor 2019Numri i fundit i të përjavshmes gazeta "Ushtria"...






Arkivi Lajmeve
Nëntor 2019
Ma En Pr Sh Di
28 29 30 31 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 1