Ministrja e Mbrojtjes intervistë për emisionin "Open": Pranë çdo familje në vështirësi

xhacka vasili 03

Rezultojnë të pabindur qytetarët, në këndvështrimin tuaj nga informacionet e përditësuara që keni, nga puna e FA në terren?

Për hir të së vërtetës do doja që ta nisja me një falënderim, mirënjohje për të gjithë ata qytetarë të cilët i janë përgjigjur thirrjeve të vazhdueshme të kryeministrit, të qeverisë, por edhe të specialistëve të mjekësisë të cilët në këtë situatë kaq të vështirë bëjnë thirrje për izolim social, brenda familjes, për mos kontakt me njerëz të tjerë dhe për të kufizuar sa më shumë të jetë e mundur të gjitha lëvizjet.

Patjetër që ka edhe panik, frikë dhe njerëz që vërshojnë drejt marketeve, apo qendrave ku mund të blejnë ushqim se tremben nga ideja që kjo gjendje mund të zgjasë shumë dhe eventualisht mallrat për të përditshmen e tyre do të jenë të limituara. Por nuk ka absolutisht asnjë arsye që ta shohin kështu!

Kryesore është që zbatimi i këtyre masave, që janë kufizuese por të domosdoshme, të bëjë që kjo situatë të përmbyllet sa më shpejt dhe në mënyrën më të mirë të mundshme. Nëse do kemi mundur të shpëtojmë qoftë edhe një jetë do kemi bërë shumë. 

I rikthehemi edhe njëherë pyetjes. Si ju rezulton? E kanë kuptuar tashmë, janë sensibilizuar mjaftueshëm qytetarët? 

Siç ju thashë, rezulton çdo ditë më mirë. Pavarësisht kësaj, FA në mbështetje të Policisë së Shtetit do të jenë përditë në territor për tu siguruar që askush me papërgjegjshmërinë e tij nuk do të verë në rrezik të tjerë, qoftë veten e tij, familjen, komunitetin apo bluzat e bardha që na shërbejnë të gjithëve në këtë situatë kaq të vështirë.

Znj. Xhaçka, pas krahëve tuaj shikoj një grup njerëzish që janë duke punuar. Mund të na shpjegoni cilët janë?

Jo pa qëllim i bëra lidhjen nga kjo zyrë. Është Qendra jonë Operacionale. Është 24 orë operative. Puna jonë është spostuar në këtë qendër, edhe imja dhe e shefit të Shtabit, pasi 5200 efektivë të FA sot janë të angazhuar në terren, 4500 të angazhuar në mbështetje të Policisë së Shtetit në patrullimin e rrugëve, me disiplinimin e qytetarëve për zbatimin e masave të marra dhe thuajse 700 të tjerë janë sot në terren dhe bëjnë të mundur operacionin humanitar, në grupe dhe shtabe ndërinstitucionale me shumë të tjerë, të cilët u ofrojnë familjeve në nevojë pako ushqimore, u ofrojnë ndihmë pensionistëve kryefamiljarë pranë njësive të tyre administrative, ju bëjnë shpenzimet, ju çojnë pensionin, ju çojnë barnat e rimbursueshme dhe çdo nevojë tjetër për t'u siguruar që ata nuk dalin nga shtëpia duke qenë edhe fasha me e rrezikuar nga ky virus.

Ka një interes shumë të madh për të folur edhe për skemën e asistencës sesi këto 600.000 familje, sipas Vendimit të Këshillit të Ministrave që ka hyrë dje në fuqi, do të asistohen. Unë kam në rrjetet sociale mesazhe të shumë njerëzve që ndoshta ndihma nuk ju shkon dot pensioni, nuk u shkon dot për arsye nga më të veçantat dhe më të ndryshmet. Kam një pensionist që më shkruan në këto momente: "Unë jetoj në Burrel, por e marr pensionin diku tjetër." A janë menduar të gjitha këto raste sesi mund të zgjidhen?

Patjetër. Në fakt kemi shumë pak ditë sepse e gjitha është bërë në gjendje emergjence dhe kur them që puna jonë është spostuar në një zyrë operacionale që punon 24 orë, pra kemi njerëz që merren 24 orë me këtë punë. Kemi ngritur një skemë që është shumë ambicioze, ka në terren sot më shumë sesa 12 mijë persona, me shtabe funksionale që koordinohen nga ministri i Mbrojtjes në një grup ku përfshihet edhe Ministria e Brendshme edhe Ministria e Shëndetësisë përmes shërbimeve të veta sociale, por edhe drejtorëve të tjerë, mjekëve të familjes dhe shumë e shumë aktorëve të tjerë, drejtori i Përgjithshëm i Postës, drejtori i Gjendjes Civile etj, të cilët koordinojnë më pas në një piramidë patronazhi shtabe të tjera në prefektura drejtuar nga prefektët në bashki, drejtuar nga kryetari i Bashkisë në njësi bashkiake, deri në grupet e zbatimit në terren që përbëhen nga FA, por edhe nga punonjës socialë, administratorët socialë, nga mjekët e familjes dhe nga shumë vullnetarë që bëjnë të mundur që ky rrjet të shkoj deri tek ai që ka nevojë, tek familja në nevojë apo tek pensionisti që duhet kujdesur.

Ky mekanizëm është kolauduar tanimë dhe përveç grupeve të identifikuara dhe kësaj liste të identifikuar, të kryqëzuar përmes shërbimeve civile, mbrojtjes sociale, administratorëve socialë në terren kemi vënë në dispozicion përmes Portalit të Bashkëqeverisjes edhe shumë numra kontakti. Të gjithë ata të cilët nuk mund të përfitojnë nga kjo skemë, apo nuk kemi arritur t'i ndihmojnë përmes kësaj skeme mund të na kontaktojnë dhe ne jemi 24 orë, jo vetëm këtu në FA, por çdo institucion tjetër ka grupe të gatshme operative 24 orë për të marrë këto kërkesa dhe për t’i reflektuar ato në përditshmërinë e punës tonë.

Le të flasim për numrat. Janë 600.000 familje, janë shumë. Sa mundësi ka gjithë kjo strukturë që keni organizuar të shpërndajë ndihmat në 600.000 familje? Është e përballueshme kjo gjë? 

Është krejt e përballueshme, janë 600 mijë familje dhe individë. Janë 60 mijë familje që i përkasin skemës së ndihmës ekonomike, të cilat ne i kemi të zbërthyera dhe të kategorizuara sipas nevojave, edhe brenda skemës ekonomike ka familje që janë më nevojtare se të tjerat, sepse mund mos kenë të ardhura të tjera, jetojnë vetëm përmes ndihmës ekonomike që mesatarisht është 5.000 Lek në muaj. Mund mos kenë asnjë të ardhur tjetër, jetojnë vetëm me ndihmën ekonomike, por kanë një familje me mbi 5 pjesëtarë dhe zakonisht edhe 12 pjesëtarë ku 3 ndër të cilët mund të jenë nën moshën 13 vjeç. Pra, po mundohem të them që brenda kësaj skeme ka kategori të cilat ne do t'u shërbejmë me një shpeshtësi të madhe dhe ka kategori të tjera të cilave do t’u shërbejmë çdo 2 javë. Ka që do t'u shërbejmë çdo javë, ka pensionistë, të cilëve nuk do t’u çojmë pakon ushqimore por do ti ndihmojmë t’u çojmë pensionin në familje, t’u çojmë të gjitha pagesat në familje, t’u çojmë barnat e rimbursueshme në familje.

xhacka vasili 02

Si do t'i gjeni, sistemi i adresave në Shqipëri është ai që është. Unë kam shumë njerëz, për shembull në Damian të Tiranës dy të paralizuar kanë zënë krevatin, shtëpia gati po shembet nga tërmeti. Bëni diçka ju lutem shumë, i thoni zonjës ministre. Po lexoj disa nga mesazhet që kam znj. Xhaçka, në FB Eni Vasili Open të emisionit. Kemi nevojë për ndihmë, jemi 13 ditë të mbyllur në shtëpi vet i pestë, i papunë, lista në dyqan është e gjatë, nuk na japin më borxh dua të komunikoj me zyrat e postës që të na vijë pensioni, nuk vjen. Pra ka një shqetësim dhe ndoshta një konfuzion te qytetarët në lidhje me këtë.

Patjetër dhe ka shumë të drejtë. Ne po bëjmë gjithçka që t’u rivendosim besimin se kjo skemë do të funksionojë. Shpresojmë që kjo nuk do të jetë një periudhë që do të zgjasë shumë, por sado të zgjasë ne do t’i gjendemi në çdo moment. Këtë listë, që po ju them sot, të cilën më në fund e kemi të kolauduar e kemi të kryqëzuar përmes shërbimeve sociale, përmes gjendjes civile, përmes postës me adresarin dhe administratorëve socialë në terren që i kanë të identifikuara.

Nëse ka përtej kësaj liste njerëz të tjerë, të cilët ne nuk i prekim dot përmes këtyre që kemi identifikuar, pra ne kemi identifikuar të gjithë kategorinë e ndihmës ekonomike dhe atyre që përfitojnë nga ndihma ekonomike, si dhe të gjithë kategorinë e pensionistëve, të cilët nuk kanë fëmijë apo familjarë në njësinë e tyre administrative. Të gjithë ata të cilët janë të vetmuar dhe nuk kanë familjarë, nuk kanë fëmijë që mund t’u shërbejnë gjatë këtyre ditëve, pra për t’i mundësuar që ata mos të dalin nga shtëpia, se ky është qëllimi, atë do ta bëjmë ne, i kemi të identifikuar .

Në qoftë se jashtë kësaj skeme mbeten të tjerë familjarë apo pensionistë të vetmuar, të cilët kanë nevojë dhe na kontaktojnë, tani më dhe ky mekanizëm është vënë në dispozicion dhe po funksionon.

Nga dje jemi 24 orë duke marrë ankesa, kërkesa, nevojat e qytetarëve për t’i futur në ketë filtër dhe për t'u shërbyer të gjithëve. Ajo që po bëjmë nëse mund t’ua tregoj se i kam këtu në tavolinën e punës, prodhojmë çdo ditë skema të tilla, ku thuhet në detaj se kush është shërbyer dhe ku, në një hartë shumë të qartë në të gjitha bashkitë dhe njësitë bashkiake.

Dua t’ iu them në pesë ditë që ka nisur ky operacion kemi shërbyer rreth 76 mijë familje nga të cilat, 40 mijë pak a shumë janë ndihmë përmes pakove ushqimore, 30 mijë janë pensionistët që u kemi shërbyer në forma të ndryshme, dikë duke e ndihmuar me pako ushqimore, dikë duke e ndihmuar e duke i bërë shpenzimet, dikujt duke i çuar recetat e barnave të rimbursueshme dhe janë 7.063 receta të barnave të rimbursueshme që u kanë shkuar në shtëpi gjithë pensionistëve sot.

Po kolaudohet bashkë me punonjësit e Postës të asistuar dhe të ndihmuar për infrastrukturën dhe logjistikën nga Forcat e Armatosura që pensioni, pagesat e invaliditetit dhe çdo gjë tjetër tu shkojë shtëpi këtyre familjeve dhe këtyre pensionistëve. 

Problematikat janë nga më të ndryshmet dhe ndoshta më pas ashtu siç bëjmë zakonisht stafet tona do shkëmbejnë edhe shqetësimet që drejtpërdrejt qytetarët shqiptarë na sjellin me anë të komunikimit të rrjeteve sociale. Mund të themi dhe njëherë nëse ka pamundësi specifike ose shqetësime të veçanta, çfarë duhet të bëjë një qytetar, të cilit nuk i vjen pensioni në shtëpi, nuk i troket njeri te dera, nuk i dërgohet një ndihmë. Kam shumë mesazhe të tilla. Nuk do doja të ndalesha t’i lexoja një e nga një. Një pensioniste thotë, jam mbyllur që më 8 mars, jam e vetmuar, nuk më ka trokitur askush, as për të më sjellë ushqim, asgjë, aq më pak pensionin. Këto raste si mund të kërkojnë atë që ju takon?

Shumë e drejtë. U thashë, është një sistem që e kemi vendosur në funksion në kushte emergjence ama jam krenare të them që e kemi të kolauduar dhe do të mundemi t'i shërbejmë kujtdo që ka nevojë. Për ata të cilët nuk i kemi kontaktuar, apo nuk u kemi vajtur në familje dhe gjykoj që janë nevojtarë, të gjithë administratorët pranë njësive të tyre bashkiake kanë vënë në dispozicion të të gjithë banorëve numra kontakti që të kemi mundësi të kontaktojmë më ta, të na thonë problemet dhe nevojat që kanë.

Nëse këto nuk janë mjaftueshëm, përmes Platformës së Bashkëqeverisjes, sërish po kontaktojnë me të gjithë ata. Të gjithë shtabet tona, të të gjitha institucioneve, jo vetëm të FA, janë 24 orë në dispozicion për të bërë ekzaktësish këtë, për të kontaktuar të gjithë ata që kanë nevojë dhe për të adresuar problematikën e atyre drejt zgjidhjes. Nëse nuk e zgjidhim dot përmes këtij mekanizmi që po ju shpjegoj patjetër që do ta zgjidhim në një formë tjetër. Kujtdo që ka nevojë do ti gjendemi.

Nuk dua ta bëj një çështje politike gjithsesi opozita ka reaguar sot pasdite në lidhje me çështje të tilla. Ka publikuar dhe një video. Mund ta shohim bashkë dhe nëse keni një përgjigje znj. Xhaçka. Kjo është video e shpërndarë nga Partia Demokratike, nga sekretari i Përgjithshëm, z. Bardhi.

Është vërtetë e trishtë t’i dëgjosh shumë nga problemet që njerëzit kanë në të përditshmet e tyre, në familjet e tyre, por nuk mund të pretendojmë as ne as opozita se ne gjendje të jashtëzakonshme dhe në gjendje lufte, siç jemi sot, të mund të zgjidhim disa probleme që janë probleme që kane shoqëruar tranzicionin e vështirë shqiptar, përfshi ato të varfërisë apo të pamundësisë apo të përballjes me këto gjëra.

Ajo që ne po bëjmë dhe këtu nuk ka as propagandë, as politikë, asgjë: jemi 24 orë në këmbë për t'iu gjendur qytetarëve që të përballojnë këtë situatë të vështirë që po kalojnë të gjithë bashkë. Nuk është një situatë që e shkaktoi politika, nuk është situatë që e shkaktoi njeriu, është situatë me të cilën po përballet e gjithë bota, situatë pandemie ku po bëjmë çmos të shpëtojmë sa më shumë jetë njerëzish jo të zgjidhim probleme ekonomike të njërit ose tjetrit. Pa diskutim që në kushtet e këtyre masave kufizuese për të gjithë do të bëjmë çmos që atyre që janë më të pamundurit e shoqërisë tonë, në vështirësi më të mëdha t'iu gjendemi sa më shumë për të mos ua thelluar problemin.

Cila është vështirësia më e madhe me të cilën jeni përballur këto ditë, Ju, Forcat e Armatosura?

Edhe ne si të gjithë jemi njerëz, kemi familje dhe frika na shoqëron në punën dhe kontaktet e përditshme. Të mbash në këmbë një mekanizëm kaq të madh kur të gjithë janë në shtëpi pranë familjeve të tyre, dhe ne jemi të detyruar, dhe nuk po flas për vete, po flas për çdo efektiv të FA që sot është me vetëmohim në punë, kjo është një detyrë me shumë përgjegjësi dhe unë nuk kam veçse mirënjohje për këta njerëz dhe për të gjithë ata, forca të Policisë dhe buzat e bardha, por për të gjithë që sot janë në këmbë për të ndihmuar dhe për të bërë më të mirën e tyre për të ndihmuar dhe për t’iu ndodhur pranë gjithë njerëzve të cilët janë në nevojë dhe të izoluar në shtëpitë e tyre.

xhacka vasili 01

 




Si të mbrohemi nga COVID -19? Mars 2020 Ministria e Mbrojtjes dhe Forcat e Armatosura të Republikës së Shqipërisë, si pjesë e strukturave shtetërore, po ndjekin nga afër dhe kanë marrë masat për parandalimin e përhapjes së COVID-19...
Kryesimi i Nismave Rajonale SEDM dhe A5 Shtator 2019 Shqipëria është një ndër vendet e rajonit më aktive në kuadër të Nismave Rajonale, kjo jo vetëm për shkak të anëtarësimit...
“Albanian Effort 19” 19 shtator 2019“Albanian Effort 19” mblodhi në Bizë rreth 800 efektivë nga Shqipëria, SHBA, Mbretëri e Bashkuar, Turqia, Kroacia, Polonia, Italia, Gjermania, Bullgaria, Mali i Zi, Maqedonia e Veriut dhe Kosova...
Angazhimi i FA në shuarjen e zjarreve 09 shtator 2019Muajt korrik edhe gusht edhe pse më të nxehtët e vitit shënuan një numër të pazakontë zjarresh. Ministrja e Mbrojtjes, Olta Xhaçka thekson se gjatë kësaj periudhe në vend ka pasur 324 varta zjarri...
68 vjet Arma e Aviacionit 24 prill 2019Hapi i parë për të krijuar një Aviacion Ushtarak në Shqipëri, u hodh në 1914, kur qeveria shqiptare porositi blerjen e...
Shqipëria 10 vite në NATO Mars 2019Viti 2019 përkon me 10 - Vjetorin e Anëtarësimit të vendit tonë në NATO, më 1 Prill 2009...
Ditari Javor 2019Ditari, të rejat kryesore të javës...
Ministeriali i Mbrojtjes, Bruksel 26 - 27 qershor 26 - 27 qershor 2019Ministrja e Mbrojtjes, Olta Xhaçka mori pjesë në Ministerialin e Zëvendësministri i Mbrojtjes Petro Koçi mori pjesë në punimet e Ministerialit të Mbrojtjes të NATO që u zhvillua në Bruksel,...
Ministeriali i NATO, Xhaçka: 2% e PBB për FA deri në vitin 2024 4-5 tetor 2018Ministrja e Mbrojtjes, Olta Xhaçka mori pjesë në Ministerialin e Mbrojtjes së vendeve anëtare të Aleancës të Atlantikut të Veriut...
Ministrja Xhaçka vizitë zyrtare në SHBA 17-18 prill 2018Washington - Shtetet e Bashkuara të Amerikës e vlerësojnë Shqipërinë një aleat të denjë të NATO dhe vend lider në Ballkanin Perëndimor...
FA shpëtojnë nënën e sëmurë në Kukës27 shkurt 2018Pas 3 orë ecjeje në këmbë, Forcat Armatosura kanë arritur të transportojnë për në spitalin rajonal të Kukësit...
Ministeriali i NATO, takimi Stoltenberg - Xhaçka14 - 15 shkurt 2018Ministrja Xhaçka merr pjesë në takimin e ministrave të Mbrojtjes të vendeve anëtare të NATO në Bruksel...
Fotogaleri/FA angazhim maksimal për situatën e përmbytjeveNëntor - Dhjetor 2017Angazhimi i Forcave të Armatosura të Republikës së Shqipërisë për situatën e përmbytjeve.
NATO: Misioni i “Orikut” në Egje, moment i rëndësishëm për Forcat Detare shqiptare24 nëntor 2017Misionit të anijes patrulluese të forcës detare shqiptare “Oriku”, e cila ishte pjesë e operacionit të NATO-s, “Sea Guardian”, i është dedikuar një shkrim në faqen zyrtare të NATO-s...
BBC: Shqipëria rehabiliton varrezat e dëshmorëve pas dekadash të lëna në harresë15 nëntor 2017Prestigjiozja britanike BBC, i ka bërë jehonë nismës së Ministrisë së Mbrojtjes për rehabilitimin e varrezave të dëshmorëve...
Mbyllet takimi i shefave të Mbrojtjes të NATO17 shtator 2017Mbylli punimet formale Konferenca e Komitetit Ushtarak të NATO, e cila u zhvillua për herë të parë në vendin tonë...
Zhvillohet në Tiranë Konferenca e Komitetit Ushtarak të NATO16 shtator 2017Në vendin tonë ka nisur punimet Konferenca e Komitetit Ushtarak të NATO, e cila mbledh së bashku shefat e shtabeve të ushtrive të vendeve anëtare të Aleancës...
Intervistë me gjeneral Petr Pavel, kryetar i Komitetit Ushtarak të NATO15 shtator 2017Intervistë me gjeneral Petr Pavel dhënë për revistën "Mbrojtja"...
Zhvillohet stërvitja shqiptaro-britanike “Ushtar Eagle 17”14 shtator 2017Në kuadër të stërvitjes së përbashkët ndërmjet FA të Shqipërisë dhe FA të Mbretërisë së Bashkuar u zhvillua sot “Dita e Vizitorëve të Shquar” të stërvitjes “Ushtar Eagle 17”...
Programi qeverisës 2017-2021 për Sigurinë dhe Mbrojtjen13 shtator 2017Qeveria e re e RSH mori detyrën pas ceremonisë së betimit në Presidencë. Nga programi qeverisës 2017-2021 veçojmë pjesën që ka lidhje me Sigurinë dhe Mbrojtjen...
Kontributi i Forcave të Armatosura në infrastrukturëShtator 2017Ministria e Mbrojtjes dhe Forcat e Armatosura gjithmonë kanë treguar përkushtim dhe angazhim maksimal në ndihmë të popullsisë civile...
Bëhuni pjesë e Forcave të Armatosuraprill 2018Qendra e Personel Rekrutimit ka filluar regjistrimin e kandidatëve për ushtarë/detarë aktivë dhe kërkon të rekrutojë 100...
Strategjia UshtarakeKorrik 2015Në themel të Strategjisë Ushtarake të Republikës së Shqipërisë është aspirata e popullit shqiptar dhe vullneti politik për të realizuar vizionin e përbashkët...
Direktiva e Mbrojtjes 2020Janar 2020 Dokumenti bazë mbi planet dhe programet e punës e të veprimtarive të MM, të FA në përmbushje të misionit kushtetues, si dhe detyrimeve si vend anëtar i NATO...
Revista Mbrojtja Nr. 05 (2020) Maj 2020Numri i fundit i revistës "Mbrojtja"...
Gazeta Ushtria 15 maj 2020Numri i fundit i të përjavshmes gazeta "Ushtria"...






Arkivi Lajmeve
Maj 2020
Ma En Pr Sh Di
27 28 29 30 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31