Ministrja e Mbrojtjes Kodheli: Tragjedia e Gërdecit nuk do të përsëritet më!

Foto Galeri

Ministrja e Mbrojtjes, znj. Mimi Kodheli e shoqëruar nga shefi i Shtabit të Përgjithshëm i FA, gjeneralmajor Jeronim Bazo me rastin 6-vjetorit të tragjedisë së Gërdecit ka zhvilluar një inspektim në vendin ku ndodhi shpërthimi nga i cili humbën jetën 26 persona dhe qindra të tjerë u plagosën. Ministrja Kodheli ka parë nga afër punimet që po kryhen për pastrimin e zonës nga mbetjet e municioneve dhe premtoi rehabilitimin e saj në një kohë sa më të shpejtë. Në përkujtim të viktimave që humbën jetën nga shpërdhimi i 15 marsit të vitit 2008, ministrja Kodheli ka vendosur në memorialin e ngritur në kujtim të të rënëve një buqetë me lule. Më pas ministrja e Mbrojtjes, znj. Mimi Kodheli dha një prononcim për mediat.

Në fjalën e saj ajo u shpreh: Për fat të keq, sot jemi pas 6 vjetësh në një nga vendet që nuk do të harrohen lehtë për shkak të trishtimit që shkaktoi një ngjarje e jashtëzakonshme si shpërthimi i Gërdecit me 26 qytetarë të vrarë, qindra të plagosur, qindra shtëpi dhe biznese të dëmtuara. Ne e konsiderojmë sot Gërdecin një pikë e cila duhet akoma të pastrohet, mbas një pune të bërë nga ndërkombëtarët për rehabilitimin e mundshëm të kësaj zone. Ne sot kemi akoma shumë për të bërë, megjithëse kemi dhënë një premtim që pastrimi i kësaj zone do të mbarojë në muajin shtator të këtij viti. Janë rreth 68 mijë metra katrorë akoma për t’u rehabilituar dhe janë rehabilituar vetëm 7 mijë metra katrorë nga Forcat e Armatosura, të cilat i janë kthyer komunitetit. Janë parë me mjete kërkuese rreth 25% e gjithë zonës së dëmtuar apo që janë me probleme më me risk, njëkohësisht ka dhe 30% të zonës e cila është parë me sy, por nuk është verifikuar me mjetet minakërkuese. Kjo është diçka në proces dhe me të cilën ne po merremi intensivisht. Këtu ka rreth 25 pjestarë të FA që përditë përballen me këtë situata. Ne do t’i rikthejmë këtij vendi dhe kësaj ngjarjeje të trishtë një realitet tjetër, atë të rehabilitimit të kësaj zone. Ajo çka dua të përcjell sot është më shumë se kaq, ne duhet ta përkujtojmë këtë ditë për të mos u kthyer më kurrë, për të mos u bërë kurrë ato gabime dhe abuzime që u bënë me ligjin, me të drejtën për të jetuar, me të drejtën për të punuar në kushtet e një vendi i cili nuk meritonte të kishte këtë përgjigje që mori, por kishte një qeveri, e cila keqmenaxhoi, keqpërdori dhe abuzoi me një biznes të tillë dhe pasojat i dimë të gjithë se cilat janë. Sot ka akoma disa procese gjyqësore të pambyllura, të gjitha janë drejt fundit. Mendoj që qeveria do të bëjë atë çka është më e mira për qytetarët dhe për bizneset që janë dëmtuar këtu. Ju e dini tashmë të gjithë dhe është në diskutimin e përditshëm të mediave që ka probleme pushteti ligjor. Ne jemi këtu për të reformuar një pushtet, i cili jo domosdoshmërish ka qenë nga ana e të drejtit dhe më të dobëtit gjithmonë, kështu që ky është një proces që ne po e vëzhgojmë, për të cilin kemi bërë shumë, kur kemi qenë në opozitë dhe padyshim do të bëjmë akoma më shumë sot që jemi në qeverisje.

Ju thatë që një qeveri ishte përgjegjëse për këtë gjë, por nuk kemi asnjë përgjegjës nga ajo qeveri për të gjithë këtë që ndodhi?

Nuk është pikërisht kështu. Ka pasur një proces, i cili sigurisht ka pasur rezultatet e veta. Më duhet të ndaj rishtas me ju një fakt: pushteti ligjor është një pushtet që ka qenë vënë në pikëpyetje dhe është edhe sot në pikëpyetje sepse ka korrupsion brenda, është i pareformuar, nuk është atje ku meriton ta ketë një vend, i cili funksionon në një demokraci të caktuar dhe i cili aspiron të marrë statusin e kandidatit dhe aspiron për më shumë se kaq. Ka nevojë për reforma, ka nevojë për ristrukturim dhe riformatim të proceseve, të ligjeve dhe të sistemit vetë. Unë jam besimplotë se qeveria do të jetë në front të parë të këtyre reformave, sepse vetëm kështu mendoj që e drejta do të vihet në vend, vetëm kështu ne mund të bëjmë sado pak për atë çka u humb në një ngjarje tragjike siç është ajo e Gërdecit.

Vitet e fundit në Gërdec shpesh është ngritur problemi se banorë të shumtë angazhoheshin dhe kërkonin mbetje të municioneve. Vazhdon të jetë ky problem?

Në lidhje me këtë problem dua të them që nuk ka më elementë për të cilët njerëzit janë të interesuar. E rëndësishme është që zonat janë të rrethuara dhe nuk ka lehtësisht akses të qytetarëve në zonat që janë akoma të një risku të caktuar. Ne po punojmë intensivisht dhe besoj që kjo është pothuajse me risk zero, të paktën për qytetarët. Këtu janë akoma të pa hequra disa elementë që përbëjnë rrezik për jetën, por ky është një proces, i cili sigurisht për shkak të atyre qindra tonelatave që janë hedhur në erë është një proces që ka kërkuar kohën dhe impenjimin e vet.

Sa është sasia e municioneve në total në të gjithë vendin që ka ngelur për t’u demontuar?

Shqipëria sot numëron 12-13 hot-spote të një natyre të ngjashme, por jo të këtyre përmasave. Është në fokusin tonë dhe ne kemi bërë një tryezë të rrumbullakët pak kohë më parë për të realizuar një fond me donatorë të huaj, me një organizëm si OSBE në krye të punëve, por dhe donatorëve të tjerë nga vende partnere dhe mike të Shqipërisë, për të mundësuar një pastrim të Shqipërisë. Shqipëria ka nevojë të pastrohet, jo vetëm nga hot-spotet që kanë një rrezikshmëri të caktuar, siç janë ato me background militar, por edhe të natyrave të tjera. Besoj që FA dhe Ministria e Mbrojtjes gjatë gjithë kësaj periudhe kanë qenë në ballë të disa aksioneve dhe proceseve, të cilat realisht kanë pasur impaktin e tyre pozitiv qoftë në opinion, qoftë në media. Ju ftoj ta vazhdojmë këtë betejë së bashku sepse është shumë e rëndësishme të jetojmë në një ambient më të sigurtë të gjithë bashkë. E rëndësishme është që të gjitha hot-spotet janë të rrethuara, të siguruara dhe nuk ka asnjë akses të qytetarëve në to. Do të vazhdojmë të jemi pjesë e këtij procesi deri në pastrimin e gjithçkaje që është e rrezikshme për Shqipërinë dhe shqiptarët.

 
Submit to FacebookSubmit to Google PlusSubmit to TwitterSubmit to LinkedIn


Ministeriali i NATO, Xhaçka: 2% e PBB për FA deri në vitin 2024 4-5 tetor 2018Ministrja e Mbrojtjes, Olta Xhaçka mori pjesë në Ministerialin e Mbrojtjes së vendeve anëtare të Aleancës të Atlantikut të Veriut...
Buletini mujor nëntor 2018Ditari, të rejat kryesore nëntor 2018...
Ministrja Xhaçka vizitë zyrtare në SHBA 17-18 prill 2018Washington - Shtetet e Bashkuara të Amerikës e vlerësojnë Shqipërinë një aleat të denjë të NATO dhe vend lider në Ballkanin Perëndimor...
FA shpëtojnë nënën e sëmurë në Kukës27 shkurt 2018Pas 3 orë ecjeje në këmbë, Forcat Armatosura kanë arritur të transportojnë për në spitalin rajonal të Kukësit...
Ministeriali i NATO, takimi Stoltenberg - Xhaçka14 - 15 shkurt 2018Ministrja Xhaçka merr pjesë në takimin e ministrave të Mbrojtjes të vendeve anëtare të NATO në Bruksel...
Fotogaleri/FA angazhim maksimal për situatën e përmbytjeveNëntor - Dhjetor 2017Angazhimi i Forcave të Armatosura të Republikës së Shqipërisë për situatën e përmbytjeve.
NATO: Misioni i “Orikut” në Egje, moment i rëndësishëm për Forcat Detare shqiptare24 nëntor 2017Misionit të anijes patrulluese të forcës detare shqiptare “Oriku”, e cila ishte pjesë e operacionit të NATO-s, “Sea Guardian”, i është dedikuar një shkrim në faqen zyrtare të NATO-s...
BBC: Shqipëria rehabiliton varrezat e dëshmorëve pas dekadash të lëna në harresë15 nëntor 2017Prestigjiozja britanike BBC, i ka bërë jehonë nismës së Ministrisë së Mbrojtjes për rehabilitimin e varrezave të dëshmorëve...
Mbyllet takimi i shefave të Mbrojtjes të NATO17 shtator 2017Mbylli punimet formale Konferenca e Komitetit Ushtarak të NATO, e cila u zhvillua për herë të parë në vendin tonë...
Zhvillohet në Tiranë Konferenca e Komitetit Ushtarak të NATO16 shtator 2017Në vendin tonë ka nisur punimet Konferenca e Komitetit Ushtarak të NATO, e cila mbledh së bashku shefat e shtabeve të ushtrive të vendeve anëtare të Aleancës...
Intervistë me gjeneral Petr Pavel, kryetar i Komitetit Ushtarak të NATO15 shtator 2017Intervistë me gjeneral Petr Pavel dhënë për revistën "Mbrojtja"...
Zhvillohet stërvitja shqiptaro-britanike “Ushtar Eagle 17”14 shtator 2017Në kuadër të stërvitjes së përbashkët ndërmjet FA të Shqipërisë dhe FA të Mbretërisë së Bashkuar u zhvillua sot “Dita e Vizitorëve të Shquar” të stërvitjes “Ushtar Eagle 17”...
Programi qeverisës 2017-2021 për Sigurinë dhe Mbrojtjen13 shtator 2017Qeveria e re e RSH mori detyrën pas ceremonisë së betimit në Presidencë. Nga programi qeverisës 2017-2021 veçojmë pjesën që ka lidhje me Sigurinë dhe Mbrojtjen...
Kontributi i Forcave të Armatosura në infrastrukturëShtator 2017Ministria e Mbrojtjes dhe Forcat e Armatosura gjithmonë kanë treguar përkushtim dhe angazhim maksimal në ndihmë të popullsisë civile...
Bëhuni pjesë e Forcave të Armatosuraprill 2018Qendra e Personel Rekrutimit ka filluar regjistrimin e kandidatëve për ushtarë/detarë aktivë dhe kërkon të rekrutojë 100...
Strategjia UshtarakeKorrik 2015Në themel të Strategjisë Ushtarake të Republikës së Shqipërisë është aspirata e popullit shqiptar dhe vullneti politik për të realizuar vizionin e përbashkët...
Direktiva e Mbrojtjes 2018Shkurt 2018 Dokumenti bazë mbi planet dhe programet e punës e të veprimtarive të MM, të FA në përmbushje të misionit kushtetues, si dhe detyrimeve si vend anëtar i NATO...
Revista Mbrojtja Nr. 12 (2018) Dhjetor 2018Numri i fundit i revistës "Mbrojtja"...
Gazeta Ushtria 30 nëntor 2018Numri i fundit i të përjavshmes gazeta "Ushtria"...






Arkivi Lajmeve
Dhjetor 2018
Ma En Pr Sh Di
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6