Irak

Ndërhyrja ushtarake në Irak nisi në vitin 2003, me pikësynim rrëzimin e diktatorit Sadam Hysein. Në operacionin "Liria e Irakut" u angazhuan 170.000 trupa ushtarake të mbi 35 vendeve aleate dhe partnere (SHBA me 143 mijë, Britania me 4100, Rumania me 600, Australia me 300, El Salvador me 200, Bullgaria me 155, Danimarka me 55, Lituania me 53, Estonia me 38 dhe Shqipëria 70 - 215). Në operacionin “Liria e Irakut”, në kuadër të koalicionit të luftës kundër terrorizmit, u vunë në funksion 500 baza ushtarake në të gjithë Irakun. Prej vitit 2008 filloi reduktimi i tyre deri në më pak se 3000 trupa amerikane dhe të NATO, të angazhuara në “NATO Training Mission” që shërbeu për ringritjen, mbështetjen dhe trajnimin e trupave dhe shtabeve të ushtrisë irakiane.

Në kuadër të forcave të koalicionit në operacionin “Liria e Irakut”, më 14 prill 2003, Republika e Shqipërisë, iu bashkua koalicionit të vendeve aleate dhe partnere, duke angazhuar kontingjentin e parë paqeruajtës, në Mosul, të përbërë prej 70 ushtarakësh, efektivë të Regjimentit Komando, trupat elitë të FA.

Pjesëmarrja në këtë operacion u mundësua me ligjin nr. 9025, datë 13.03.2003, “Për vënien në dispozicion të hapësirës tokësore, detare e ajrore dhe dërgimin e një force ushtarake shqiptare në rajonin e Gjirit Persik (Irak), në kuadër të koalicionit ndërkombëtar të luftës kundër terrorizmit”.

Kontingjentet nga i pari deri tek i katërti (që si periudhë kohore përfshin dy vitet e para) përbëheshin nga një kompani, ndërsa duke filluar nga kontingjenti i pestë deri tek i dymbëdhjeti, kontributi u rrit edhe me 50 trupa të tjerë, duke e çuar numrin në 120 ushtarakë. Këto trupa ishin dislokuar në Aeroportin e Mosulit dhe u angazhuan për ruajtjen dhe sigurimin e Bazës Marez në tërësi dhe portës së saj të veriut, që ndodhet në Marezin lindor, po ashtu edhe në Bazën Viktoria në Bagdad.

Më 7 shtator 2008, FA rritën nivelin e angazhimit të tyre në Irak duke dërguar përveç kontingjentit prej 120 ushtarakësh, edhe një kontingjent shtesë prej 95 ushtarakësh, nga batalioni i Forcave Speciale, i cili operonte në Bagdad.

Me përfundimin e operacionit “Liria e Irakut”, si dhe me reduktimin e forcave të koalicionit, FA u tërhoqën nga Iraku, respektivisht, nga rajoni i Mosulit më 23 dhjetor 2008 dhe nga rajoni i Bagdadit më 20 dhjetor 2008. Kontingjentet tona në këtë operacion kanë pasur zonën e tyre të përgjegjësisë për ruajtjen dhe sigurimin e Aeroportit të Mosulit dhe të bazave përkatëse. Në interes të detyrës janë kryer patrullime në këmbë dhe me mjete si dhe shërbime në pikat e kontrollit të ngritura për shmangien e depërtimeve të elementëve terroristë.

Largimi i trupave shqiptare nga Iraku u vlerësua me nota maksimale nga Forcat Aleate, të cilat zhvilluan në Mosul dhe Bagdad, ceremoni të veçanta lamtumire për ushtarët tanë që shërbyen në frontin e Lindjes. Për kontingjentet shqiptare, pala amerikane, si autoriteti drejtues në këtë operacion, ka dhënë në vijimësi vlerësime pozitive lidhur me aftësitë, korrektësinë në zbatimin e detyrave, disiplinën dhe njohjen e zbatimin e rregullave të angazhimit në mision.
Kreu i forcave ushtarake amerikane, (në atë kohë në Irak), gjeneral Austin, ka vlerësuar Forcat e Armatosura Shqiptare si të afta për të përballuar jo vetëm detyra të tilla, por edhe më tepër. Gjeneral Austin, i cili nderoi kontingjentet ushtarake shqiptare që kontribuan në Irak, është shprehur se: “SHBA kanë shumë miq të shkëlqyeshëm në Shqipëri dhe shqiptarët kanë demonstruar përmes veprimeve se ata mbështesin përpjekjet tona për të sjellë stabilitetin dhe sigurinë në Irak. Ne u jemi shumë mirënjohës shqiptarëve që siguruan një forcë mbrojtëse për bazën e Marezit, Aeroportin e Mosulit dhe forcën shumëkombëshe. Unë dua të falënderoj popullin dhe qeverinë shqiptare për shërbimin e palëkundur për Irakun dhe koalicionin. Ju keni sjellë siguri dhe shpresë për popullin irakian”.

FARSH, në kuadër të misionit gati pesëvjeçar në operacionin e koalicionit, “Liria e Irakut”, kanë marrë një vlerësim të veçantë nga ish - presidenti i SHBA, Xhorxh W. Bush, në dhjetor 2008, i cili ka shprehur mirënjohje dhe vlerësim për kontributin e dhënë, duke theksuar se: “Tashmë që forcat ushtarake shqiptare përfundojnë shërbimin e tyre të gjatë në Irak, kam dëshirë të shpreh mirënjohjen e thellë të Shteteve të Bashkuara për qeverinë dhe popullin e Shqipërisë, për trupat që kanë kontribuar për forcën ndërkombëtare në Irak nga prilli i 2003 deri në dhjetor të 2008. Populli i Shqipërisë duhet të jetë krenar për pjesëmarrjen e suksesshme për të ndihmuar Irakun që të sigurojë lirinë e vet. Ne presim me gëzim të shërbejmë së bashku me kontingjentet e ardhshme shqiptare në mbrojtje të lirisë. Eksperienca jonë e përbashkët në Irak, tregon shembullin më të mirë sesi partneriteti midis vendeve tona është thelluar në vitet e fundit”.

Pjesëmarrja dhe angazhimi i FARSH në operacionin “Liria e Irakut”, është me 1343 ushtarakë.

 

Submit to FacebookSubmit to Google PlusSubmit to TwitterSubmit to LinkedIn


Ministeriali i NATO, Xhaçka: 2% e PBB për FA deri në vitin 2024 4-5 tetor 2018Ministrja e Mbrojtjes, Olta Xhaçka mori pjesë në Ministerialin e Mbrojtjes së vendeve anëtare të Aleancës të Atlantikut të Veriut...
Buletini mujor tetor 2018Ditari, të rejat kryesore tetor 2018...
Ministrja Xhaçka vizitë zyrtare në SHBA 17-18 prill 2018Washington - Shtetet e Bashkuara të Amerikës e vlerësojnë Shqipërinë një aleat të denjë të NATO dhe vend lider në Ballkanin Perëndimor...
FA shpëtojnë nënën e sëmurë në Kukës27 shkurt 2018Pas 3 orë ecjeje në këmbë, Forcat Armatosura kanë arritur të transportojnë për në spitalin rajonal të Kukësit...
Ministeriali i NATO, takimi Stoltenberg - Xhaçka14 - 15 shkurt 2018Ministrja Xhaçka merr pjesë në takimin e ministrave të Mbrojtjes të vendeve anëtare të NATO në Bruksel...
Fotogaleri/FA angazhim maksimal për situatën e përmbytjeveNëntor - Dhjetor 2017Angazhimi i Forcave të Armatosura të Republikës së Shqipërisë për situatën e përmbytjeve.
NATO: Misioni i “Orikut” në Egje, moment i rëndësishëm për Forcat Detare shqiptare24 nëntor 2017Misionit të anijes patrulluese të forcës detare shqiptare “Oriku”, e cila ishte pjesë e operacionit të NATO-s, “Sea Guardian”, i është dedikuar një shkrim në faqen zyrtare të NATO-s...
BBC: Shqipëria rehabiliton varrezat e dëshmorëve pas dekadash të lëna në harresë15 nëntor 2017Prestigjiozja britanike BBC, i ka bërë jehonë nismës së Ministrisë së Mbrojtjes për rehabilitimin e varrezave të dëshmorëve...
Mbyllet takimi i shefave të Mbrojtjes të NATO17 shtator 2017Mbylli punimet formale Konferenca e Komitetit Ushtarak të NATO, e cila u zhvillua për herë të parë në vendin tonë...
Zhvillohet në Tiranë Konferenca e Komitetit Ushtarak të NATO16 shtator 2017Në vendin tonë ka nisur punimet Konferenca e Komitetit Ushtarak të NATO, e cila mbledh së bashku shefat e shtabeve të ushtrive të vendeve anëtare të Aleancës...
Intervistë me gjeneral Petr Pavel, kryetar i Komitetit Ushtarak të NATO15 shtator 2017Intervistë me gjeneral Petr Pavel dhënë për revistën "Mbrojtja"...
Zhvillohet stërvitja shqiptaro-britanike “Ushtar Eagle 17”14 shtator 2017Në kuadër të stërvitjes së përbashkët ndërmjet FA të Shqipërisë dhe FA të Mbretërisë së Bashkuar u zhvillua sot “Dita e Vizitorëve të Shquar” të stërvitjes “Ushtar Eagle 17”...
Programi qeverisës 2017-2021 për Sigurinë dhe Mbrojtjen13 shtator 2017Qeveria e re e RSH mori detyrën pas ceremonisë së betimit në Presidencë. Nga programi qeverisës 2017-2021 veçojmë pjesën që ka lidhje me Sigurinë dhe Mbrojtjen...
Kontributi i Forcave të Armatosura në infrastrukturëShtator 2017Ministria e Mbrojtjes dhe Forcat e Armatosura gjithmonë kanë treguar përkushtim dhe angazhim maksimal në ndihmë të popullsisë civile...
Bëhuni pjesë e Forcave të Armatosuraprill 2018Qendra e Personel Rekrutimit ka filluar regjistrimin e kandidatëve për ushtarë/detarë aktivë dhe kërkon të rekrutojë 100...
Strategjia UshtarakeKorrik 2015Në themel të Strategjisë Ushtarake të Republikës së Shqipërisë është aspirata e popullit shqiptar dhe vullneti politik për të realizuar vizionin e përbashkët...
Direktiva e Mbrojtjes 2018Shkurt 2018 Dokumenti bazë mbi planet dhe programet e punës e të veprimtarive të MM, të FA në përmbushje të misionit kushtetues, si dhe detyrimeve si vend anëtar i NATO...
Revista Mbrojtja Nr. 11 (2018) Nëntor 2018Numri i fundit i revistës "Mbrojtja"...
Gazeta Ushtria 16 nëntor 2018Numri i fundit i të përjavshmes gazeta "Ushtria"...






Arkivi Lajmeve
Nëntor 2018
Ma En Pr Sh Di
29 30 31 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 1 2