Përfundoi projekti i demontimit të municioneve në poligonet e hapura

2 dhjetor 2012

Në kuadër të 100-vjetorit të Pavarësisë dhe krijimit të FA Shqiptare, në Poligonin Kombëtar të Bizës u zhvillua sot, ceremonia e përfundimit të projektit të demontimit të municioneve të tepërta, të Forcave të Armatosura në poligonet e hapura. Në këtë ceremoni morën pjesë ministri i Mbrojtjes, z. Arben Imami, shefi i Shtabit të Përgjithshëm i FA, gjeneralmajor Xhemal Gjunkshi, zëvendësministri i Mbrojtjes, z. Ekrem Spahiu, përfaqësues nga presidenca, gjeneralë, drejtorë dhe ushtarakë të tjerë të lartë të Ministrisë së Mbrojtjes, Shtabit të Përgjithshëm dhe Forcave të Armatosura. Gjithashtu, të pranishëm ishin zëvendësambasadori amerikan në Tiranë, z. Landry Gay, ambasadori i OSBE në Tiranë, z. Eugen Wollfarth, atashe ushtarakë të vendeve të huaja, të akredituar në vendin tonë, si dhe përfaqësues të pushtetit vendor.

 Duke bërë një bilanc të procesit të asgjësimit të municioneve të tepërta, shefi i Shtabit të përgjithshëm i FA, gjeneralmajor Xhemal Gjunkshi, ka evidentuar punën dhe kontributin e të gjithë atyre që janë përfshirë në këtë proces, të Qendrës së Asgjësimit të Municioneve dhe Eksplozivave, si strukturë në vartësi të Brigadës Logjistike, e krijuar enkas me një mision, asgjësimin e municioneve të tepërta dhe të vjetra në FA. “Viti  2009 e në vazhdim, përbën një nga periudhat kulmore të procesit, ku strukturat tona do të angazhoheshin fuqimisht në procesin e asgjësimit masiv, me plasje të municioneve të tepërta. Prej vitit 2009 e deri më sot, në këtë proces specifik janë asgjësuar 26 940 ton municionesh të ndryshme. Por ky proces, sa i vështirë, por edhe masiv ka pasur edhe sakrifica sublime, ndaj me respektin dhe mirënjohjen më të thellë, ne kujtojmë të rënët: tetar Namik Gjolena, Sadik Basha dhe rreshter Agim Makollari. Ata sakrifikuan dhe jetën për ta bërë këtë vend më të sigurt për gjithë shoqërinë, prandaj ne, do t’u jemi përjetë mirënjohës”, është shprehur gjeneralmajor Gjunkshi.

Shefi i Shtabit të Përgjithshëm ka shprehur një falënderim dhe mirënjohje të veçantë, për asistencën teknike dhe mbështetjen me pajisje e mjete që Departamenti Shtetit të SHBA, OSBE dhe shtete të tjera i kanë dhënë procesit të asgjësimit të municioneve, duke bërë të mundur që ai të realizohet me ritme të shpejta dhe me standarde bashkëkohore.

Gjithashtu, në këtë ceremoni ka përshëndetur edhe zëvendësministri i Mbrojtjes, z. Ekrem Spahiu, i cili që nga viti 2009 ka qenë në krye të këtij procesi sa të rëndësishëm aq edhe të vështirë. Pasi falënderoi të gjithë të pranishmit në ceremoni, zëvendësministri Ekrem Spahiu u shpreh se, kjo është një ceremoni simbolike për përfundimin e asgjësimit të municioneve të tepërta, në poligonet e hapura. Për të ardhur tek kjo ditë, është bërë një rrugë e gjatë dhe e vështirë. Për realizimin e kësaj detyre, fillimisht në vitin 2009, u ngrit Bordi Drejtues i Asgjësimit të Municioneve, ku ishin të përfshirë të gjithë aktorët dhe faktorët që kishin të bënin me këtë proces, si dhe u hartua një Plan Veprimi që do të ndiqej deri në përfundimin e asgjësimit të municioneve.

Në vijim të fjalës së tij, zëvendësministri Ekrem Spahiu, pasi ka evidentuar disa shifra dhe arritje që janë shënuar nga viti në vit, për realizimin e kësaj detyre shumë të rëndësishme, u shpreh se, ne sot themi me krenari se detyra e vendosur nga qeveria shqiptare dhe nga ministri i Mbrojtjes është kryer me sukses. Por kjo punë e suksesshme që është bërë, nuk do të ishte e mundur pa mbështetjen e Shteteve të Bashkuara të Amerikës, OSBE dhe të gjithë partnerëve tanë ndërkombëtarë. Ndërkaq, një falënderim i veçantë z. Ekrem Spahiu u ka drejtuar të gjithë ushtarakëve dhe punonjësve të FA, që janë marrë me asgjësimin e municioneve në poligonet e hapura.

Në fund të fjalës së tij, zëvendësministri i Mbrojtjes, Ekrem Spahiu ka theksuar se, tani që ka përfunduar asgjësimi i municioneve në poligonet e hapura, ne po merremi dhe do vazhdojmë me pastrimin, rehabilitimin dhe certifikimin e tyre, për t’ia kaluar më pas organeve të pushtetit vendor.

Gjatë kësaj ceremonie, u bënë vlerësime dhe dekorime për ushtarakë dhe njësi ushtarake, që janë dalluar gjatë procesit të demilitarizimit të municioneve të tepërta. Brigadës Logjistike iu akordua nga Presidenti i Republikës, z. Bujar Nishani, “Medalja e Artë e Shqiponjës” me motivacion: “Për kontributin e veçantë, përkushtimin dhe profesionalizmin e treguar për përmbushjen me sukses të misionit të asgjësimit të municioneve të tepërta, duke bërë territorin e Republikës së Shqipërisë një terren më të sigurt dhe të begatë”. Kjo dekoratë e lartë iu dorëzua komandantit të kësaj brigade, gjeneral brigade Syrja Gjoka, nga Sekretari i Përgjithshëm i Presidencës, z. Bardh Spahia. Ndërsa ministri i Mbrojtjes, z. Arben Imami, ka dekoruar zëvendësministrin e Mbrojtjes z. Ekrem Spahiu me medaljen “Për Shërbime të veçanta” me motivacion “Për shërbime të merituara, në detyrat me përgjegjësi të lartë, si dhe kontributin e veçantë të dhënë në organizimin dhe drejtimin e punës për asgjësimin dhe demontimin e municioneve të tepërta”. Gjithashtu nga ministri i Mbrojtjes Imami, u dekoruan edhe nënkolonel Shkëlzen Mëhilli, major Luan Shaba dhe kapiten Artan Azizi, të cilët kanë drejtuar dhe organizuar me përkushtim procesin e demontimit të municioneve në poligone.  

Në fund të ceremonisë, ministri i Mbrojtjes, z. Arben Imami ka shtypur butonin për realizimin e një shpërthimi simbolik, të një sasie të municioneve, duke shënuar kështu përfundimin e projektit të demontimit të municioneve të tepërta të FA, në poligonet e hapura natyrore.

Asgjësimi i municioneve të tepërta, është objektiv madhor i Ministrisë së Mbrojtjes dhe i FA të Republikës së Shqipërisë, realizimi i të cilit ka vazhduar dhe po vazhdon me ritme të larta, duke shkuar drejt realizimit përfundimtar të tij. Që nga viti 2009, krahas demontimit në rrugë industriale, janë ngritur dhe kanë funksionuar 12 poligone natyrore për asgjësimin e municioneve të tepërta. Gjatë vitit 2009 janë asgjësuar gjithsej 6 540 ton municione, ndërsa në vitin 2010 u asgjësuan 20 653 ton municione gjithsej. Viti 2011, ka qenë viti i ritmeve më të larta përsa i përket shifrave të tonazhit të municioneve të asgjësuara, dhe në këtë vit u asgjësuan gjithsej 26 613 ton municione. Për vitin 2012, deri në nëntor janë asgjësuar 22 943 ton municione. Për periudhën 2009 - nëntor 2012 janë asgjësuar 76 749 ton municione, nga të cilat në poligone janë asgjësuar 26 940 ton municione ose 36 % e kësaj sasie.

Struktura direkte që është marrë me asgjësimin e municioneve të tepërta, është Brigada Logjistike, e cila është angazhuar totalisht në këtë proces të vështirë e mjaft delikat, por i domosdoshëm në interes të ruajtjes dhe garancisë së jetës së qytetarëve. Brigada Logjistike me Qendrën e Asgjësimit të Municioneve dhe Eksplozivave, si një strukturë ushtarake e ndërtuar sipas standardeve të një vendi anëtar të NATO, është plotësisht e motivuar për të përmbushur misionin e saj deri në mbylljen përfundimtare të këtij procesi.  

Tashmë puna për demontimin e municioneve të tepërta është e përqendruar në rrugë industriale, dhe brenda 6-mujorit të parë të vitit 2013 do të mbyllet përfundimisht procesi i asgjësimit të municioneve të tepërta, duke shënuar edhe realizimin e këtij objektivi madhor për Forcat tona të Armatosura.



Fotogaleri/FA angazhim maksimal për situatën e përmbytjeve Nëntor - Dhjetor 2017Angazhimi i Forcave të Armatosura të Republikës së Shqipërisë për situatën e përmbytjeve.
NATO: Misioni i “Orikut” në Egje, moment i rëndësishëm për Forcat Detare shqiptare 24 nëntor 2017Misionit të anijes patrulluese të forcës detare shqiptare “Oriku”, e cila ishte pjesë e operacionit të NATO-s, “Sea Guardian”, i është dedikuar një shkrim në faqen zyrtare të NATO-s...
BBC: Shqipëria rehabiliton varrezat e dëshmorëve pas dekadash të lëna në harresë 15 nëntor 2017Prestigjiozja britanike BBC, i ka bërë jehonë nismës së Ministrisë së Mbrojtjes për rehabilitimin e varrezave të dëshmorëve...
Mbyllet takimi i shefave të Mbrojtjes të NATO 17 shtator 2017Mbylli punimet formale Konferenca e Komitetit Ushtarak të NATO, e cila u zhvillua për herë të parë në vendin tonë...
Zhvillohet në Tiranë Konferenca e Komitetit Ushtarak të NATO 16 shtator 2017Në vendin tonë ka nisur punimet Konferenca e Komitetit Ushtarak të NATO, e cila mbledh së bashku shefat e shtabeve të ushtrive të vendeve anëtare të Aleancës...
Intervistë me gjeneral Petr Pavel, kryetar i Komitetit Ushtarak të NATO 15 shtator 2017Intervistë me gjeneral Petr Pavel dhënë për revistën "Mbrojtja"...
Zhvillohet stërvitja shqiptaro-britanike “Ushtar Eagle 17” 14 shtator 2017Në kuadër të stërvitjes së përbashkët ndërmjet FA të Shqipërisë dhe FA të Mbretërisë së Bashkuar u zhvillua sot “Dita e Vizitorëve të Shquar” të stërvitjes “Ushtar Eagle 17”...
Programi qeverisës 2017-2021 për Sigurinë dhe Mbrojtjen 13 shtator 2017Qeveria e re e RSH mori detyrën pas ceremonisë së betimit në Presidencë. Nga programi qeverisës 2017-2021 veçojmë pjesën që ka lidhje me Sigurinë dhe Mbrojtjen...
Ministrja Kodheli në Ministerialin e Mbrojtjes në Bruksel 29 qershor 2017Ministrja e Mbrojtjes znj. Mimi Kodheli në Bruksel ku mori pjesë në takimin e ministrave të Mbrojtjes të vendeve anëtare të NATO...
Angazhimi i FA gjatë përmbytjeve, nëntor 2016 8 - 13 tetor 2016FA u angazhuan me forca dhe mjete në ndihmë të banorëve të prekur nga përmbytjet që përfshinë pothuajse gjithë vendin...
Forcat e Armatosura të Shqipërisë 2015-2016 2016Misionet, Modernizimi, Stërvitjet e Përbashkëta, Bashkëpunimi në fushën e mbrojtjes, ai civil-ushtarak dhe rekrutimet....
Kontributi i Forcave të Armatosura në infrastrukturë Shtator 2017Ministria e Mbrojtjes dhe Forcat e Armatosura gjithmonë kanë treguar përkushtim dhe angazhim maksimal në ndihmë të popullsisë civile...
Bëhuni pjesë e Forcave të Armatosura janar 2015Ministria e Mbrojtjes për vitin 2015 do të pranojë 500 ushtarë/detarë aktivë në radhët e FA. Prej këtij kontingjenti, 250 ushtarë/detarë aktivë do të pranohen në fazën e parë ndërsa pjesa tjetër në gjashtëmujorin e dytë...
Bashoku edhe ti! Bëhu pjesë e nismës, #shqiperiajoduhanit
Strategjia e Sigurisë Kombëtare Korrik 2015Në themel të Strategjisë së Sigurisë Kombëtare të Republikës së Shqipërisë është aspirata e popullit shqiptar dhe vullneti politik për të realizuar vizionin e përbashkët...
Direktiva e Mbrojtjes 2017 Janar 2017 Dokumenti bazë mbi planet dhe programet e punës e të veprimtarive të MM, të FA në përmbushje të misionit kushtetues, si dhe detyrimeve si vend anëtar i NATO...
Revista Mbrojtja Nr. 11 (2017) Nëntor 2017Numri i fundit i revistës "Mbrojtja"...
Gazeta Ushtria 08 dhjetor 2017Numri i fundit i të përjavshmes gazeta "Ushtria"...






Arkivi Lajmeve
Dhjetor 2017
Ma En Pr Sh Di
27 28 29 30 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31