Samiti i 25 i NATO-s

Çikago, 20-21 maj 2012

Në Samitin e Çikagos, më 20-21 maj 2012, NATO do të zhvillojë më tej parimet kyçe dhe politikat që do t’i japin formë Aleancës së vitit 2020 dhe më gjerë. Ai do të bazohet në vendimet e marra në samitin e Lisbonës në nëntor të vitit 2010, duke i kthyer ato në programe dhe iniciativava konkrete.

Aleatët do të angazhohen nё ruajtjen e aftësive të nevojshme dhe në zhvillimin e  bashkëpunimit dhe dialogut me partnerët. Në një periudhë të ashpër, bëhet fjalë për të vendosur një balancë të drejtë midis përmbushjes së përgjegjësive të përbashkëta të NATO dhe balancimit të buxheteve kombëtare.

Samiti do të përqendrohet kryesisht në tre tema kryesore:

•    Angazhimi i Aleancës gjatë fazës së tranzicionit në Afganistan dhe më tej,   
•    Siguria që Aleanca ka aftësitë e duhura për të mbrojtur popullatën dhe territorin e saj si dhe për t'u marrë me sfidat e shekullit XXI,
•    Forcimi i rrjetit të partnerëve të NATO-s në të gjithë globin.    

NATO është një burim thelbësor stabiliteti. Në mënyrë që të mbrojë aftësinë e saj për të ruajtur sigurinë dhe vlerat e anëtarëve të saj, ajo duhet të zhvillojë mjetet e duhura për ta bërë këtë si dhe të ndërtojë partneritete përtej rajonit të Atlantikut të Veriut.

Prioritetet operacionale

Afganistani – faza e tranzicionit dhe më tej    
NATO është e angazhuar për të mbështetur Afganistanin përtej vitit 2014, kur kalimi gradual i përgjegjësisë së sigurisë nga trupat e ISAF tek Forcat e Sigurisë Kombëtare të Afganistanit (ANSF) do të zbatohet plotësisht dhe misionit të ISAF do t’i vijë fundi. Deri atëherë, si pjesë e progresit të implementimit të tranzicionit, misioni i ISAF do të shndërrohet nga një rol lufte në një rol mbështetës. Në vitin 2013, kur pjesa e fundit e tranzicionit pritet të shpallet, ANSF (Forca Kombëtare e Sigurisë Afgane) do të jetë në krye të operacioneve luftarake në të gjithë vendin. ISAF do të ketë një rol trajnues dhe këshillues, por do të vazhdojë të mbështesë operacionet luftarake përkrah forcave afgane, sipas nevojës.    

Në Çikago, udhëheqësit do të planifikojnë se si NATO synon të përfundojë procesin e tranzicionit deri në fund të vitit 2014. Gjithashtu, ata do të bien dakord për mënyrën se si NATO do të ofrojë trajnime, këshilla dhe ndihmë për ANSF dhe do të demonstrojnë angazhimin e tyre për ruajtjen e ANSF përtej vitit 2014, si pjesë e përpjekjeve më të gjëra të qeverisë afgane dhe komunitetit ndërkombëtar.

Prioritete të tjera operacionale

NATO gjithashtu është e angazhuar në operacione dhe misione të tjera si:

• Misioni i NATO-s në Kosovë    
• Operacionet kundër piraterisë    
• Operacioni “Active Endeavour”
• Ndihma e NATO për Bashkimin Afrikan, etj.

Zhvillimi i aftësive sipas kufizimeve buxhetore    

Në një periudhë të vështirë, NATO po përpiqet të rrisë vlerën e përdorimit të parave për sigurinë e saj. Kriza financiare që ka prekur Europën dhe më gjerë, masat e forta për reduktimin e deficitit në Shtetet e Bashkuara dhe kërkesat e shtuara ndaj buxhetit të mbrojtjes si dhe eksperienca e përbashkët e NATO japin një mbështetje të vlefshme për të ndihmuar vendet të punojnë së bashku. Aleanca grumbullon aftësi, bashkon forca dhe menaxhon programe e misione shumëkombëshe. Në samitin e  Çikagos, aleatët do të tregojnë se si Aleanca do të përballet me sfidat ekonomike të ditëve të sotme, ndërsa përgatitet për sfidat e sigurisë për të nesërmen.

"Smart Defence"    

Në Çikago, aleatët do të mbështesin projekte të reja shumëkombëshe që do ta lejojnë Aleancën të ofrojë më shumë siguri për qytetarët e saj në një periudhë të vështirë financiare. Qëllimi është që Aleanca të jetë e aftë për dekadën e ardhshme dhe më tej. Për të arritur diçka të tillë duhet konfirmuar një kulturë e ripërtërirë e bashkëpunimit, "Mbrojtja e Zgjuar". Projektet e Mbrojtjes së Zgjuar do të përfshijnë një paketë projektesh shumëkombëshe për të trajtuar mungesat kritike të aftësive. Ato do të përfshijnë programe të tilla si Mbrojtja nga Raketat, Sistemi i Vëzhgimit Tokësor të Aleancës (AGS), Inteligjenca e Përbashkët, Mbikëqyrja e Zbulimi si dhe projekte që mbulojnë fusha të tilla si mjetet e përbashkëta ajrore për patrullimin detar dhe robotë të telekomanduar në distancë për pastrimin e bombave në anë të rrugës.    

•    Mbrojtja e Zgjuar
•    Ndërveprimi: lidhja e  forcave të NATO-s
•    Procesi planifikimit të mbrojtjes së NATO-s
•    Edukimi dhe trajnimi
•    Ushtrimet
•    Përmirësimi i aftësive të NATO-s
•    Mbrojtja Balistike nga Raketat
•    Mbrojtja ajrore e NATO-s
•    Mbrojtja kundër sulmeve kompjuterike
•    NATO dhe lufta kundër terrorizmit
•    Sistemi i Vëzhgimit Tokësor të Aleancës
•    Përmirësimi i kapaciteteve transportuese strategjike ajrore dhe detare të NATO-s
•    AWACS

Përmirësimi i aseteve    

Të jesh në gjendje të krijosh operacionet e përbashkëta komplekse në një kohë të shkurtër, është një prioritet për Aleancën. Për ta bërë këtë në një kohë krize, NATO po kërkon të reformojë strukturat e saj dhe proceset për të përfituar nga investimet. Kjo do të thotë ta paraqesë ndryshimin tani, në mënyrë që të ketë fleksibilitet, forca të dislokueshme dhe kapacitetet e duhura për një periudhë dhjetëvjeçare.

Fleksibilitet më i madh me partnerët

Çikago do të jetë edhe mundësia që aleatët të thellojnë marrëdhëniet ekzistuese dhe të zgjerojnë rrjetin e saj të partneritetit. Samiti do t'i japë një shtysë të re partneritetit duke theksuar rolin e tyre integral në operacionet e NATO për mbështetjen e paqes dhe operacionet e menaxhimit të krizave si dhe axhendën e përgjithshme politike.
Kryetarët e shteteve dhe qeverive do të përqendrohen gjithashtu në angazhimin e organizatave të tjera për trajtimin e sfidave globale.

Marrë nga faqja zyrtare e NATO: www.nato.int