Të drejta studimi për Itali

14 korrik 2012

Shtabi i Përgjthshëm i FA Italiane ka ofruar dy të drejta studimi, për kontigjentet e Ministrisë së Mbrojtjes së RSH-së, për vitin akademik 2012-2013 si më poshtë vijon:

1. Akademia Ushtarake e Forcave Detare   1 vend
2. Akademia Ushtarake e Forcave Ajrore    1 vend     

Kandidatët që do të aplikojnë për të drejtat e studimit të mësipërme, të paraqiten në Komandën e Doktrinës dhe Stërvitjes (KDS),  ku do të njihen me “Udhëzim-in”, mbi kriteret e pranimit, regjistrimit dhe procedurat e testimeve.

Regjistrimi bëhet sipas tarifës prej 3.000 (tremijë) lekë.

Regjistrimi fillon në datën 18 qershor 2012, ora 09.00 dhe përfundon më 14 korrik 2012, ora 14.00, në KDS.

Për datat e zhvillimit të testimeve, kandidatët do të njoftohen ditën e regjistrimit në KDS.

Kandidatët duhet të paraqesin këto dokumente për regjistrim:

1. Kërkesë me shkrim të firmosur nga kandidati për të vazhduar studimet ushtarake jashtë vendit si dhe degën e preferuar.
2. Fotokopje e noterizuar e Dëftesës së Pjekurisë së shkollës së mesme.
3. Fotokopje e noterizuar e vërtetimit të notave të tre viteve të përfunduara të shkollës së mesme si dhe vërtetimi i notave të semestrit të parë.
4. Fotokopje e noterizuar e certifikatës së TOEFL(nëse ka).
5. Dëshmi penaliteti nga Ministria e Drejtësisë.
6. Fotokopje e kartës së identitetit
7. Certifikatë familjare, 1 copë
8. Fotografi për dokument, 2 copë
9. Vërtetim nga prokuroria që nuk është në proces hetimi.
10. Vërtetim nga gjykata që nuk është në proces gjyqësor.
11. Raporti shëndetësor nga Spitali Ushtarak Qendror Universitar, Tiranë, ku të theksohet “i aftë për të ndjekur studimet ushtarake jashtë vendit”.
12. Analiza e SIDA-s.
13. Fotokopje e pasaportës e vlefshme për jashtë shtetit.

Kandidatët e përzgjedhur si studentë ushtarakë, të cilët do të dërgohen me studime jashtë shtetit, si kontingjent i Ministrisë së Mbrojtjes, para fillimit të studimeve nënshkruajnë kontratën në Komandën e Doktrinës dhe Stërvitjes (Akademia e Mbrojtjes) për vazhdimin e studimeve. Në kontratë parashikohet se studenti në përfundim të studimeve do të shërbejë në Forcat e Armatosura për të paktën gjashtë vjet. Në rast të moszbatimit të saj, studenti është i detyruar të dëmshpërblejë të gjitha shpenzimet e studimeve.

Për çdo informacion në lidhje me kriteret e pranimit vizitoni faqen e internetit: ëëë.mod.gov.al në rubrikën e Arsimit Ushtarak, rubrikën e njoftimeve ose informohuni  pranë  Sekretarisë Mësimore të Akademisë së Mbrojtjes “Spiro MOISIU”.

Drejtoria e Përgjithshme e Burimeve Njerëzore
Drejtoria e Menaxhimit dhe Kualifikimeve të Personelit

Data e Publikimit: 12 qershor 2012, 15:06.