Lajme 
NjoftimeOrientime të Bordit Botues të Revistës Ushtarake për numrin e ri
15 korrik 2012
Bordi Botues i Revistës Ushtarake planifikon që botimi i numrit të III-të Shtator 2012, të orientohet në këto Rubrika shkrimesh kërkimore individuale apo grup autorësh, si më poshtë.
Rubrika e I-rë: Samiti i Çikagos
Në këtë rubrikë, RU do të pranojë punime të cilat do të zbërthejnë vendimet e Çikagos të përkthyera në realitetin tonë, si në efektet reale në planëzim, ashtu edhe në rishikim dhe reformim. Janë të mirëpritur të gjithë shkruesit- njohës të problemeve dhe komptentë në fusha të ndryshme të vendimmarrjes së Samitit.
Rubrika e II-të: Analiza, Sinteza dhe Vlerësime të Sigurisë
Kjo Rubrikë, tanimë e përhershme e RU, pasqyron studime të bazuara në ekspertiza për çështje të veçanta në fushën e Sigurisë dhe Mbrojtjes.
Rubrika e III-të: Punime historike
Mirëpresim studime ose analiza nga studiues për ngjarje dhe personalitete të spikatura që kanë lënë gjurmë në historinë tonë. Qasjet mund të jenë edhe në kuadrin e rishikimit të tyre, e jo doemos ashtu siç kanë ngelur në kohë.
Rubrika e IV-t: “Talente të reja”
Kjo Rubrikë fton studentët e Programit Master për Sigurinë si dhe ushtarakët e Kurseve të paraqesin analiza dhe studime të bazuara në ekspertiza të mirëfillta, shoqëruar me rekomandime konkrete në shërbim të mbarëvajtjes dhe zhvillimit të FA, pse jo edhe të shoqërisë sonë në përgjithësi. Këtu nuk bëhet fjalë për Detyra Kursi, por për punime të përgatitura enkas për Revistën.
STUDENTË, AKADEMISTË, PEDAGOGË, INSTRUKTORË!
Bëhuni pjesë e komunitetit kërkimor në FA! Jeni të mirëpritur me punimet tuaja, të kontribuoni nëpërmjet nxitjes së mendimit të lirë akademik në rritjen e cilësisë së punimeve dhe shkrimeve të Revistës Ushtarake. Për hollësi të ndërtimit të punimit, lexoni faqen e fundit të Revistës, në Rubrikën “Kujtesë për bashkëpunëtorët e Revistës Ushtarake”.
Punimet nuk duhet t`i kapërcejnë 6-7 faqe kompjuterike, me gjithë referencat. Kontrolli i cilësisë së artikujve dhe miratimi i tyre do të bëhet nga Bordi i Revistës Ushtarake brenda datës 20 Gusht 2012.
Ju njoftojmë se afati i fundit i dorëzimit të shkrimeve në Redaksi do të jetë 15 Korrik 2012.
Për informacione të mëtejshme mund të kontaktoni: Dega e Botimeve (Redaksia e RU), QAM, pranë KDS.
Nr. Tel: 1076/ 0682518871/0674066411
Email:
This e-mail address is being protected from spambots. You need JavaScript enabled to view it.
,
This e-mail address is being protected from spambots. You need JavaScript enabled to view it.
,
This e-mail address is being protected from spambots. You need JavaScript enabled to view it.
Redaksia e Revistës Ushtarake
