Ministrja Kodheli u prit në një takim nga sekretari amerikan i Mbrojtjes z. Chuck Hagel

Ministrja e Mbrojtjes znj. Mimi Kodheli zhvilloi një takim zyrtar me sekretarin amerikan të Mbrojtjes z. Chuck Hagel. Ministrja Kodheli e njohu sekretarin Hagel me reformat e ndërmarra deri tani dhe për angazhimet e përbashkëta në kuadër të Aleancës. Gjatë takimit u bisedua për edukimin dhe trajnimin e ushtarakëve shqiptarë në sistemin arsimor ushtarak amerikan. Kodheli e cilësoi edukimin amerikan si shembullin që duhet ndjekur.

 Foto Galeri

Ministrja e Mbrojtjes znj. Mimi Kodheli zhvilloi një takim zyrtar me sekretarin amerikan të Mbrojtjes z. Chuck Hagel. Ministrja Kodheli e njohu sekretarin Hagel me reformat e ndërmarra deri tani dhe për angazhimet e përbashkëta në kuadër të Aleancës. Gjatë takimit u bisedua për edukimin dhe trajnimin e ushtarakëve shqiptarë në sistemin arsimor ushtarak amerikan. Kodheli e cilësoi edukimin amerikan si shembullin që duhet ndjekur.

Të dy homologët diskutuan lidhur me modernizimin e Forcave tona të Armatosura. Ministrja Kodheli e njohu sekretarin Hagel me nisjen e projektit për zëvendësimin e armatimit të vjetër me atë të standardeve të NATO. Sekretari Hagel vlerësoi kontributin e Shqipërisë në Afganistan dhe përgjigjen e menjëhershme në ndihmë të peshmergave në Irak. Hagel vlerësoi rolin kryesor që Shqipëria pati në këtë operacion që kërkoi ndërhyrje ndërkombëtare në luftën kundër ISIS. "Nuk ka rëndësi madhësia e një shteti por roli që luan dhe modeli që ofron", nënvizoi sekretari Hagel.

Submit to FacebookSubmit to Google PlusSubmit to TwitterSubmit to LinkedIn