Ministria e Mbrojtjes për vitin 2015 do të pranojë 500 ushtarë/detarë aktivë në radhët e FA. Prej këtij kontingjenti, 250 ushtarë/detarë aktivë do të pranohen në fazën e parë ndërsa pjesa tjetër në gjashtëmujorin e dytë.
Regjistrimet e kandidatëve për ushtarë/detarë aktivë në FA për fazën e parë janë akoma aktive, afati i fundit është 30 janar 2015. Për regjistrime drejtohuni pranë Qendrës së Personel Rekrutimit në adresën Rruga e Dibrës, Tiranë (në ambientet e garnizonit “Skënderbej”).
Fushata sensibilizuese e Ministrisë së Mbrojtjes vazhdon me takime, materiale të shkruara dhe audio – vizive. Informacionin e plotë për procedurat, kriteret, afatet, testimet etj. do ta gjeni në linkun: Si të rekrutohem
Ministria e Mbrojtjes dhe FA kanë organizuar takime me nxënësit e shkollave të mesme dhe studentët. Gjatë këtyre takimeve ka qenë e pranishme edhe ministrja Kodheli, e cila i ka ftuar nxënësit dhe studentët të bëhen pjesë e Forcave të Armatosura, duke sjellë në vëmendje avantazhet që rrjedhin nga ky vendim i tyre.
***
Ministria e Mbrojtjes, aktivitet “Mbi rekrutimin për ushtar/detar aktiv në FA”
15 janar 2015
Në aktivitetin e organizuar nga Ministria e Mbrojtjes pranë auditorit të garnizonit “Skënderbej”, u zhvillua aktiviteti “Mbi rekrutimin për ushtar/detar aktiv në Forcat e Armatosura” merrnin pjesë nxënës të shkollave të mesme të kryeqytetit.
Ministrja e Mbrojtjes: Pse Forcat e Armatosura? Kam vetëm një përgjigje: Sepse janë maja e shoqërisë!
Për më tepër ndiqni linkun: Ministria e Mbrojtjes, aktivitet “Mbi rekrutimin për ushtar/detar aktiv në FA”
***
Ministrja Mimi Kodheli bashkëbisedon me studentët e UPT për fushatën e pranimit në FA
20 janar 2015
Në kuadër të fushatës së nisur nga Ministria e Mbrojtjes për rekrutimin e 250 ushtarëve/detarëve aktivë në Forcat e Armatosura, ministrja e Mbrojtjes, znj. Mimi Kodheli pati një bashkëbisedim me studentët e Universitetit Politeknik të Tiranës, të cilët i informoi se ata që do të bëhen pjesë e Forcave të Armatosura jo vetëm që kanë një kontratë të sigurtë pune, por edhe mundësi të tjera, duke u ndalur tek shkollimi dhe trajnimi në shkollat më të mira në botë.
Për më tepër ndiqni linkun: Ministrja Mimi Kodheli bashkëbisedim në UPT për fushatën e pranimit në FA
© Ministria e Mbrojtjes 2024 - Të gjitha të drejtat e rezervuara.