Bashkëpunimi me institucione të huaja:
Në vitin 1993 filluan bisedimet me Agjencinë Hartografike të Departamentit të Mbrojtjes së SHBA për hartimin e një marrëveshje bazë.
Në vitin 1994 u nënshkrua marrëveshja midis ITU dhe Agjencisë Hartografike të SHBA (NIMA). Arritja e kësaj marrëveshje është një ngjarje e rëndësishme në fushën e gjeodezisë dhe hartografisë shqiptare. Qëllimi i saj është sigurimi i një ndihme teknike për bashkëprodhim dhe shkëmbim të ndërsjellët të hartave dhe informacioneve detare dhe ajrore, gjeodezike dhe gjeofizike, për arritjen e detyrave me karakter kombëtar për të dy institucionet. Në këtë periudhë u zhvilluan disa kurse nga pedagogë të Defence Maping School, ku u zhvilluan më tej aftësitë profesionale të punonjësve tanë.
Instituti ka lidhje me mjaft institute homologe të vendeve të ndryshme të botës me disa prej të cilave ka nënshkruar marrëveshje e memorandume mirëkuptimi ku mund të përmendim: Protokollin e zbatimit midis Ministrisë së Mbrojtjes së Republikës së Shqipërisë përfaqësuar nga IGJU dhe Ministrisë së Mbrojtjes Kombëtare së Republikës së Turqisë përfaqësuar nga Komanda e Përgjithshme e Hartografisë Turke për bashkëpunim në fushën e informacioneve gjeografike (21/03/2006).
Memorandumin e mirëkuptimit midis Ministrisë së Mbrojtjes së Republikës së Shqipërisë dhe Ministrisë së Mbrojtjes të Mbretërisë së Bashkuar të Britanisë së Madhe dhe Irlandës së Veriut për bashkëpunim hartografik, vëzhgim dhe shkëmbim të materialeve gjeografike midis IGJU dhe Shërbimit Informativ Gjeohapësinor të Mbrojtjes të Mbretërisë së Bashkuar (18/09/2006).
Marrëveshjen teknike të arritur ndërmjet Ministrisë së Mbrojtjes të Republikës së Italisë përfaqësuar nga shtabi i Përgjithshëm i Mbrojtjes dhe Ministrisë së Mbrojtjes së Republikës së Shqipërisë përfaqësuar nga IGJU mbi bashkëpunimin në fushat e informacionit gjeohapësinor (2012).
Në fushën e përgatitjes dhe botimit e hartave detare për t’u theksuar është nënshkrimi në 27 nëntor 2014 i marrëveshjes së Partneritetit midis Ministrisë së Mbrojtjes dhe Shërbimit Hidrografik Norvegjez me qëllim zbatimin e Projektit Shqiptaro-Norvegjez të informacionit hidrografik ALNO-HIP.
Projektet kryesore të realizuara:
Projekti i përbashkët midis Agjensisë hartografike të SHBA (NIMA), i nisur në tetor të vitit 1994 në të cilën u kryen fushatat e para të matjeve me GPS. Qëllimi ishte transformimi i 35 pikave të rrjetit gjeodezik shtetëror në sistemin WGS 84 dhe përtëritja e hartave topografike të shkallës 1:50 000 sipas standarteve të reja (të NATO). Rezultatet e matjeve u shfrytëzuan për përgatitjen e një programi për llogaritjen e bazës matematike të hartave të reja sistemi koordinativ i të cilave është UTM WGS-84. Kjo sasi pikash siguronte saktësinë transformimit ± 4 m.
Në këtë projekt pala amerikane dha ndihmën materiale të lëndës së parë, specifikimet teknike si dhe përcaktoi simbolet që do të përdoreshin. E gjithë puna përpiluese u krye nga personeli inxhiniero-teknik i institutit. Ky projekt përfundoi në vitin 2001.
Projekti i përbashkët me IGJU e Firences në bazë të të cilit u realizua fushata e matjeve me GPS të 139 pikave të rrjetit ekzistues të triangolacionit dhe nivelacionit shtetëror i cili përfundoi në vitin 2008.
Si rezultat i ketyre matjeve u llogaritën 7 paramertat e transformimit nga Sistemi Shtetëror i koordinatave i vitit 1942 në sistemin koordinativ WGS-84 e anasjelltas. Këto parametra sigurojnë saktësinë 2,5cm në plan horizontal, ndërsa në planin vertikal nuk plotësohen kërkesat e nevojshme. Për të siguruar kërkesat e saktësisë në lartësi është i nevojshëm të llogaritet Gjeoidi Shqiptar.
Në shkurt të vitit 2007 si pjesë e projektit nr. 101 me DIE, IGJU i Firences i dhuroi Institutit tonë makinën litografike dy ngjyrëshe të printimit të hartave. Po ashtu gjatë vitit 2008 po ky institut ka sjellë disa aparatura për procese të ndryshme të shtypit, pajisje zyre etj.
Projekt është ndërtimi i rrjetit permanent GNSS. Duke u mbështetur në ligjin për funksionimin e IGJU, pas një numri mbledhjesh të autoriteteve përgjegjës, u vendos që instituti do të jetë përgjegjës për këtë rrjet, i cili së bashku me Qendrën e Kontrollit përbëjnë Sistemin Shqiptar të Pozicionimit ALBPOS. Po ashtu më 21.12.2007, në mbledhjen e zhvilluar në selinë e Delegacionit të Komunitetit Eurpian u arrit të nënshkruhet Memorandumi i Mirëkuptimit midis IGJU, ZRPP, Instituti i Gjeoshkencave, Universitetit Politeknik. Në bazë të këtij memorandumi konsorciumi i krijuar midis tyre dhe përfaqësuar nga IGJU do të sigurojë angazhimin për të bërë çdo përpjekje për funksionimin e suksesshëm të sistemit ALBPOS. Qëndra e kontrollit të sistemit ALBPOS (Sistemit Shqiptar të Pozicionimit) do të ndërtohej në ambientet e IGJUSH. Ky rrjet quhet rrjet 0, dhe do të zëvëndësoj rrjetin egzistues të trinagolacionit, i cili është dëmtuar nga ndërtimet e pakontrolluara. Nëpërmjet tij bëhet i mundur përcaktimi i saktë i pozicionimit në çdo moment në kohë reale. Ky projekt është projektuar dhe financuar nga Komuniteti Europian me një vlerë 1.161.000 Eur dhe monitorohet nga Misioni Europian i Asistencës për sistemin shqiptar të drejtësisë EURALIUS. Implementimi bëhet nga firma fituese amerikane TRIMBLE.
Projektit Shqiptaro-Norvegjez të informacionit hidrografik ALNO-HIP. Në fushën e përgatitjes dhe botimit e hartave detare për t’u theksuar është nënshkrimi në 27 nëntor 2014 i Marrëveshjes së Partneritetit midis Ministrisë së Mbrojtjes dhe Shërbimit Hidrografik Norvegjez me qëllim zbatimin e Projektit Shqiptaro-Norvegjez të informacionit hidrografik ALNO-HIP në vlerën 1.2 milion Eur. Rezultati i projektit do të rrisë kapacitetet për të vëzhguar dhe skicuar ujërat shqiptare, rrugët detare dhe portet. Marrëveshja dypalëshe për operimin e Qendrës Koordinuese të Hartave të Navigimit Elektronike Rajonale do të krijojë mundësitë për shpërndarjen ndërkombëtare të hartave elektronike të lundrimit në përputhje me parimet e Organizatës Ndërkombëtare të Hidrografisë (IHO) për një bazë të dhënash mbarëbotërore të hartave elektronike të navigimit detar. Deri më sot kemi bashkëpunuar me Shërbimin Hidrografik Norvegjez për realizimin e specifikimeve teknike të software-it dhe hardware-ve që do të blihen për realizim e projektit, është bërë instalimi i software-it dhe është realizuar mbushja e databazës me informacion për realizimin e hartave elektronike detare. Gjithashtu është dërguar një software i ri (ENC Analyzer), i cili kryen analizimin dhe vlerësimin e Electronic Navigation Chart (ENC), nga ku mund të rregulohet cilësia e hartës. Në muajin qershor 2016 është realizuar Electronic Navigation Chart (ENC), Harta Elektronike e Lundrimit.
Mbulimi i territorit me harta të reja dixhitale të shkallës 1: 25000 sipas standardeve të NATO dhe krijimi i bazës së të dhënave për to është një punë voluminoze për IGJIU. Prej disa vitesh Instituti po punon për krijimin e hartave të reja në shkallët 1: 10000 e 1: 25000 sipas standardeve të NATO.
Deri më sot janë prodhuar 35 nomenklatura të hartës 1:25.000 standarde të Nato: 2978 II SW Lalëz, 2978 IV SE Pulaj, 2978 IV NE Velipoja, 2978 I SW Lezhe, 2978 II NW Fushë-Kuqe, 2978 II SW Shkodra, 3077 IV NW Zall-Herri, 2977 I NW Manzë, 2978 III SE Kepi i Rodonit, 2978 I NW Bushat, 2977 IV NE Derdhja e Erzenit, 2977 III NE Karpeni, 2977 IV SE Durrës, 2979 III NW Liqeni i Shkodrës, 2979 III NE Kopliku, 2979 III SE Shirokë, 2977 III SE Rreth-Greth, 2976 I NW Divjaka, 2976 IV NE Karavasta, 2977 II SW Gosë e Madhe, 3077 I SW Bizë, 2977 II NW Kavaja, 2977 I SW Shijaku, 2977 II NE Pezë e Madhe, 2977 I NE Fushë-Krujë, 2978 I NE Laçi, 2979 IV SE Bajzë, 2976 III NE Levan, 2976 III NW Derdhja e Vjosës, 2975 I NW Kanina, 2976 II Selenica, 2976 IV NE Karavasta, 2976 IV SE Topoja, 2977 I SE Tirana Perëndimore, 3077 IV SW Tirana Perëndimore, 2978 II SE Kruja dhe 1 fletë e hartës 1:10.000 Standarde të Nato (3077 IV NW Zall-Herri).
Projekti i mbulimit të territorit të RSH me harta ajrore (JOG) të shkallës 1:250000. Përveç hartave topografike IGJIU po vijon punën për krijimin e hartave ajrore JOG të shkallës 1:250000. Në mbështetje të këtij projekti me ndihmen e DIE, janë kryer dy kurse një mujore në Institutin e përgatitjes së hartave aeronautike CIGA në Romë.
