Ministrja e Mbrojtjes, Olta Xhaçka mori pjesë në Ministerialin e Mbrojtjes së vendeve anëtare të Aleancës të Atlantikut të Veriut që u mbajt në selinë qendrore të NATO në Bruksel.
Ministrja Xhaçka nënvizoi angazhimin e qeverisë shqiptare për rritjen e buxhetin dedikuar mbrojtjes, duke përsëritur angazhimin për të përcaktuar 2% të GDP për mbrojtjen deri në vitin 2024.
“Deri në viti 2024, buxheti për mbrojtjen do të jetë 2% e GDP”, - tha Xhaçka, ndërsa bëri të ditur dhe certifikimin e pak ditëve më parë të 1 mijë efektivëve të këmbësorisë nën monitorimin e ekspertëve më të mirë të NATO.
Ministrja Xhaçka siguroi vendet anëtare se Shqipëria do të vijojë angazhimin në misionet paqeruajtëse përkrah aleatëve të saj.
“Certifikimi i grup - batalionit është përmbushje e standardeve dhe e detyrimeve si anëtarë të Aleancës. Shqipëria do të vijojë angazhimin në misionet paqeruajtëse”, - theksoi ministrja e Mbrojtjes.
Gjatë punimeve të Ministerialit, Ministrja Xhaçka u takua me sekretarin amerikan të Mbrojtjes Mattis dhe sekretarin e Përgjithshëm të NATO, Stoltenberg. Mattis e Stoltenberg vlerësuan angazhimin e Shqipërisë në operacionet e NATO.
VIDEO:
© Ministria e Mbrojtjes 2024 - Të gjitha të drejtat e rezervuara.