Prej ditësh Forcat e Armatosura janë angazhuar në terren, në kuadër të masave të marra nga qeveria shqiptare për ndalimin e përhapjes së virusit COVID - 19.
Forcat e Policisë Ushtarake dhe Batalionit II të Këmbësorisë, pjesë e FA, janë çdo ditë në terren, duke komunikuar me qytetarët për t’i ndërgjegjësuar ata të qëndrojnë në shtëpi.
Në zbatim të planit, efektivët e FA në bashkëpunim me ata të Policisë së Shtetit kanë ushtruar kontrolle në akset rrugore, për të ndaluar qarkullimin e automjeteve të pautorizuara. Në përmbushje të misionit janë verifikuar udhëtarët, për të zbuluar personat që kanë udhëtuar prej vendeve të prekura dhe që nuk kanë respektuar masat e vetëkarantinimit.
Një tjetër detyrë e rëndësishme është këshillimi i popullsisë për masat që duhet të marrë në parandalimin e përhapjes së koronavirusit.
VIDEO
© Ministria e Mbrojtjes 2024 - Të gjitha të drejtat e rezervuara.