Operacionet humanitare të Forcave të Armatosura dhe Rezervave të Shtetit kanë vijuar edhe në fundjavë. Këtë të dielë efektivët e Komandës Mbështetëse të FA dhe Rezervat e Shtetit shpërndanë pako ushqimore në mbi 600 familje në nevojë e pensionistë të vetmuar në bashkitë Mat, Bulqizë e Klos.
Ministrja e Mbrojtjes Olta Xhaçka, ka publikuar foto nga puna e efektivëve në terren, ndërsa garanton se operacioni humanitar do të vijojë çdo ditë në çdo qark të vendit me fokusin kryesor, asistencën e familjeve në vështirësi ekonomike.
“Fundjavë në krye të detyrës. Efektivët e Komandës Mbështetëse të Forcave të Armatosura dhe Rezervat e Shtetit, në bashkëpunim me Agjencinë Kombëtare të Mbrojtjes Civile dhe pushtetin vendor janë angazhuar në shpërndarjen e pakove ushqimore në mbi 600 familje në nevojë, apo në varfëri ekstreme, në bashkitë Mat, Bulqizë e Klos.
Operacioni humanitar do të vijojë çdo ditë në çdo qark të vendit me fokusin kryesor, asistencën e familjeve në vështirësi ekonomike dhe në mbështetje të bashkive që kanë ezauruar tashmë fondin e posaçëm për emergjencën. Bashkë do ia dalim!”, - u shpreh ministrja Xhaçka.
© Ministria e Mbrojtjes 2024 - Të gjitha të drejtat e rezervuara.