65 vjet më parë u themelua një ndër krenaritë më të mëdha të Forcave tona të Armatosura.
Më 15 maj 1955 u krijua Regjimenti i Aviacionit “23 Peza”, sot Baza Ajrore Kuçovë, i cili ishte reparti i parë i Aviacionit Ushtarak Shqiptar për mbrojtjen e Hapësirës Ajrore të Republikës së Shqipërisë.
Përvjetorin e krijimit të kësaj baze e ka kujtuar edhe ministrja e Mbrojtjes Olta Xhaçka, e cila ka publikuar në rrjetin social facebook një video të realizuar në bashkëpunim me Komandën Supreme të Forcave të Aleancës në Evropë, SHAPE.
“Baza Ajrore e Kuçovës në 65 - vjetorin e krijimit të saj është më pranë ringritjes se kurrë. Jam krenare që arritëm ta fusim këtë aset të Forcave tona të Armatosura në rrugën pa kthim të shndërrimit të saj në një bazë të NATO. Madje, në bazën e vetme të Aleancës në Ballkanin Perëndimor.”- shkruan ministrja Xhaçka.
NATO ka planifikuar të investojë 51 milionë Eur për ta shndërruar Bazën e Kuçovën në një bazë taktike të Aleancës në rajon.
Ky 65 - vjetor e gjen Bazën Ajrore të Kuçovës në prag të fillimit të punimeve në terren, të cilat do të zhvillohen ngushtësisht me Agjencinë e Prokurimeve në NATO (NATO Support and Procurement Agency, NSPA).
VIDEO
