Në kuadër të zbatimit të masave organizative dhe administrative gjatë zhvillimit të procesit mësimor/stërvitor në institucionet e KDS për parandalimin e përhapjes së pandemisë COVID-19, sipas urdhërit të brëndshëm për këtë qëllim, ditën e sotme u bë pritja e 127 rekrutëve të rinj, nga të cilët 10 vajza, që do të rifillojnë stërvitjen individuale bazë në Shkollën e Trupës (SHT) Bunavi, Vlorë.
Personeli shëndetsor i KDS në bashkëpunim me Njësinë Mjekësore Ushtarake dhe Institutin e Shëndetit Publik, realizuan në mjedisin e hapur të garnizonit “Skënderbej” kontrollin paraprak shëndetsor të personelit kandidat për ushtar/detar, para nisjes së tyre për në Shkollën e Trupës, Bunavi, Vlorë.
Kontrolli paraprak shëndetësor konsistoi në matjen e temperaturës, marrjen e kampionit për COVID-19, si dhe plotësimin e formularëve të deklarimit të situatës shëndetësore për çdo rekrut, në momentin e paraqitjes së tyre.
Për një zhvillim normal të procesit stërvitor në SHT Bunavi, Vlorë, nga ana e stafit drejtues dhe instruktues, do të vijohet me zbatimin e protokolleve shëndetësore, për dizinfektim ambientesh, infrastrukturës stërvitore e akomoduese, zbatimin e rregullave të distancimit fiziko-social, si dhe në rast të një konstatimi të mundshëm prezence virusi, zbatimin e protokolleve përkatëse.
© Ministria e Mbrojtjes 2024 - Të gjitha të drejtat e rezervuara.