Në mjediset e Batalionit Mbështetjes së Shtabit të Përgjithshëm, u zhvillua ceremonia e gradimit të gjeneral brigade Arben Kingji, të cilit iu akordua grada madhore me dekret të presidentit të Republikës, me propozim të ministres së Mbrojtjes.
Të pranishëm në këtë ceremoni ishin ministrja e Mbrojtjes znj. Olta Xhacka, shefi i Shtabit të Përgjithshëm të FARSH gjeneralmajor, prof. asoc. Bajram Begaj, komandantë forcash, drejtorë drejtorish në MM she SHP, si dhe ushtarakë të lartë e të ftuar të tjerë.
Ministrja e Mbrojtjes, znj. Olta Xhacka,pasi falënderoi të gjithë të pranishmit në këtë ceremoni, duke e konsideruar këtë ditë shumë të veçantë jo vetëm për faktin që sot do i vendosim gradat gjeneral brigade Kingji, por se kjo ditë përkon edhe me 55 - Vjetorin e Krijimit të Batalionit të Mbështetjes së Shtabit ëë Shtabin e Përgjithshëm.
Ministrja Xhacka vlerësoi përkushtimin dhe profesionalizmin gjeneral brigade Arben Kingji duke e cilësuar si një ndër ushtarakët më të spikatur të Forcave të Armatosura.
“Gjeneral brigade Arben Kingji ka bërë një punë të shkëlqyer kudo ku ka shërbyer, si komandant në Batalionin “Komando”, në Forcat Speciale, në Policinë Ushtarake, atashe ushtarak jashtë vendit e, së fundmi, komandant i Batalionit të Mbështetjes së Shtabit të Përgjithshhëm në FA.”, - u shpreh ministrja e Mbrojtjes znj. Olta Xhaçka.
"Meritokracia – theksoi ministrja Xhaçka - bazuar në profesionalizëm, pasionin e përkushtimin do të jetë guri i themelit për një Forcë të Armatosur profesioniste e të mirëorganizuar."
Në fjalën e tij përshëndetëse, gjeneral brigade Arben Kingji duke e konsideruar këtë ditë shumë të veçantë si dhe nder dhe privilegj për të dhe familjen e tij, falënderoi ministren Xhaçka për vlerësimin dhe besimin si dhe kolegët, duke u angazhuar se do ta mbajë me nder dhe përkushtim gradën e dhënë.
© Ministria e Mbrojtjes 2024 - Të gjitha të drejtat e rezervuara.