Përsëri në Komandën Strategjike të Aleancës (ACO SHAPE), dy ushtarakë të FARSH që kanë shërbyer prej tre vitesh në këtë komandë janë vlerësuar me “Commendation for Exellence”, (çmimi/medalja e ekselencës).
Në mbështetje të SHAPE Directive 040-004 “SHAPE Awards”, me datë 21-23 shtator janë zhvilluar ceremonitë e akordimit të çmimeve dhe medaljeve (sezoni i vjeshtës) për personelin që shërben në strukturën e ACO të cilat jepen nga shefi i Shtabit të Komandës Strategjike të Aleancës (COS ACO), gjeneral me katër yje Markus Kneip, DEU Army.
Nga personeli shqiptar që ka shërbyer në komandën e ACO (PE), për kontribut të veçantë, të shkëlqyer dhe të jashtëzakonshëm në kryerjen e detyrave, janë përzgjedhur dhe nominuar kundrejt një procesi të gjatë përzgjedhje nga bordi i përzgjedhjes nën drejtimin e shefit të Komandës Strategjike të Aleancës (COS ACO), medaljet për personelin ushtarak si më poshtë:
1-Kolonel Ardian Lilo, shef Dega Operacioneve dhe Trajnimeve në Drejtorinë e Partnershipit (PD) për periudhën 2017-2020, me datë 23 shtator 2020, i është akorduar çmimi/medalja “Commendation for Exellence”, me motivacionin: “Për arritje të jashtëzakonshme, marrje përgjegjësish, zgjuarsi dhe lidershipin e lartë të treguar gjatë shërbimit në Drejtorinë e Partneritetit në ACO, SHAPE NATO,. Bazuar në citimin e Bordit të caktimit të medaljeve, kolonel Lilo”Ka shërbyer si shtylla kryesore në Divizionin e Partnerëve duke siguruar që efektet e dëshiruara dhe objektivat e SACEUR për vendet partnere në fushat më kritike janë arritur, kryesisht në aspekt të ndërveprimit, vlerësimit, certifikimit të kontributit në operacionet e udhëhequra nga NATO.”
2- Kapter Olsi Cani, me detyrë asistent protokolli, Seksioni i Protokollit në Drejtorinë e Menaxhimit, SACEUR për periudhën 2017-2020, me datë 21 shtator 2020 i është akorduar çmimi/medalja “Commendation for Exellence”, me motivacionin: “Për arritje të jashtëzakonshme, marrje përgjegjësish, zgjuarsi dhe lidershipin e lartë të treguar gjatë shërbimit në Seksionin e Protokollit, duke menaxhuar dhe drejtuar me profesionalizëm të lartë mbështetjen dhe realizimin e të gjitha takimeve në mbështetje të SACEUR dhe komandgrupit, në SHAPE ACO. Përveç detyrës së protokollit kapter Cani, falë eksperiencës në fushën e sigurisë/inteligjencës ka asistuar dhe organizuar me përpikmëri edhe detyra të transportit dhe sigurisë së personelit për SACEUR gjatë takimeve dhe konferencave në vende të ndryshme”.
Duke ju referuar SD 040-004 “Award for excellence”, është medalja më e lartë që jepet nga shefi i Shtabit të Komandës Strategjike të Aleancës (COS ACO) për kontribut të jashtëzakonshëm dhe të shkëlqyer ushtarakëve me shërbim në NATO në realizimin e detyrave/objektivave dhe rekomandon fort që kjo medalje të konvertohet në Medalje Kombëtare.
© Ministria e Mbrojtjes 2024 - Të gjitha të drejtat e rezervuara.