Newsroom Shqipëria nënshkruan Marrëveshjen për Mbrojtjen Euroatlantike, kontribut në Komandën e Forcës së Bashkuar të NATO (JFCNF) Norfolk, Virginia
Në datën 2 tetor 2020, në Komandën Supreme të Aleancës, ACO SHAPE Mons, Belgjikë, u zhvillua ceremonia e nënshkrimit të Marrëveshjes së Krijimit të Komandës së re të NATO, Joint-Force Command Norfolk, ku morën pjesë komandanti Suprem i Aleancës në Europë (SACEUR), gjeneral Tod D. Wolters (US AIRFORCE), shefi i Shtabit të ACO Admiral Joachim RÜHLE (DEU Army) dhe përfaqësuesit ushtarakë kombëtarë të shteteve pjesëmarrësë në këtë komandë, në SHAPE.
Për palën shqiptare në emër të Ministrisë së Mbrotjes marrëveshja u nënshkrua nga përfaqësuesi Ushtarak Kombëtar në SHAPE, ACO kolonel Petrit Çuni.
Në fjalën e rastit komandanti i JFCNF duke falënderuar SACEUR, gjeneral Tod D. Wolters dhe përfaqësuesit ushtarakë kombëtarë, theksoi:
“Më shumë se dy vjet më parë, në shkurt 2018, ministrat e Mbrojtjes së NATO të, në Këshillin e Atlantikut të Veriut, ranë dakord për përshtatjen e strukturës së komandës së NATO, duke përfshirë një strukturë të re, Nënkomanda Supreme e Aleancës në Europë, udhëhequr nga SACEUR, SHAPE, me fokus kryesor mbrojtjen e Atlantikut, si një strukturë e re ushtarake e forcës së NATO.
Më vonë, në qershor 2018, dakordësuan që kjo komandë e re e Forcës së Përbashkët, të vendoset në Norfolk, Virginia me vend pritës SHBA.
Nën drejtimin e vendosur të Komandës Evropiane të Shteteve të Bashkuara (USECOM), vendet pranuan të marrin pjesë në këtë seli të re dhe SHAPE mori si detyrë dhe në një kohë shumë të shkurtër u finalizua marrëveshja, teksti i Memorandumit të Mirëkuptimit, të cilin po e nënshkruajmë sot. Ky Memorandum Mirëkuptimi është themeli i kësaj komande, lidhur me funksionimin, drejtimin, financimin, administrimin dhe mbështetjen e Forcës së Përbashkët, Komandës së Norfolkut. Ajo rregullon marrëdhënien dhe mirëkuptimin midis Shteteve të Bashkuara të Amerikës si vend framework, SHAPE dhe vendeve kontribuese pjesëmarrës të kësaj komandë.
Bazur në Memorandumin e Mirëkuptimit, në korrik të vitit 2020, Këshilli Atlantikut të Veriut (NAC) vendosi të aktivizojë Komandën e Forcës së Bashkuar Norfolk si një strukturë ushtarake e NATO me statusin e Shtabit Ushtarak Ndërkombëtar nën Protokollin e Parisit. Misioni Komandës së Norfolkut, tregon qartë angazhimin e Shteteve të Bashkuara dhe Aleatëve të tjerë të NATO për të mbrojtur Aleancën, nëpërmjet angazhimit të Flotës së 2-të të Marinës amerikane më qëllim mbrojtjen e linjave të komunikimit strategjik të Atlantikut të Veriut dhe parandaluar çdo agresion të mundshëm, duke kontribuar si forcë e reagimit të NATO. Për më tepër, krijimi i kësaj komande shkon në të njëjtën linjë me përqasjen e re të Aleancës, për mbrotjen 360 gradë brenda kufijve të NATO dhe në përputhje me konceptin e ri të mbrojtjes për prandalimin dhe mbrojtjen euroatlantike (Deterrance and Defence Euro-Atlantic Area, DDA).
Roli i Shqipërisë në këtë komandë është domethënës duke kontribuar me dy oficerë në shtabin e kësaj komandë, krah për krah aleatëve tanë; SHBA, Gjermani, Turqi, Mbretërisë së Bashkuar, Itali, Kanada, Francë, Danimarkë, Greqi, Norvegji, Spanjë, Poloni, Islandë, Rumani dhe Bullgari.
Nënshkrimi i këtij Memorandumi Mirëkuptimi shënon suksesin e përpjekjeve të mëdha të ndërmarrë nga NATO dhe vendet anëtare të saj për të riorganizuar Aleancën në mënyrë që të ruajmë paqen dhe prosperitetin e vendeve dhe popujve tanë.”
Në përfundim duke vlerësuar rëndësinë që ka krijimi i kësaj komande, komandanti i JFCNF e mbylli fjalimin duke cituar fjalimin e ish-presidentit të SHBA Harry Truman, gjatë nënshkrimit të Traktatit të Uashingtonit, Traktati i Atlantikut të Veriut :"Për të krijuar një mburojë kundër agresionit dhe frikës nga agresioni, një mbrojtje, e cila do të na lejojë të vazhdojmë biznesin real të qeverisë dhe shoqërisë, biznes i arritjes së plotë i një jetë më të lumtur për të gjithë qytetarët tanë".
