Nga data 12 deri më 23 tetor 2020, Kompania e Dytë operacionale e Policisë Ushtarake zhvilloi stërvitjen ushtarake “Limani 20” në Bazën Detare të Pashalimanit.
Në këtë stërvitje tashmë të përvitshme merr pjesë edhe një grup - bordingu i Forcës Detare shqiptare.
Trupat testuan dhe rritën aftësitë për reagimin në rastet kur sulmohet shoqërimi i një personi të rëndësisë së veçantë, sulmi i pikave të kontrollit, lirimi i pengjeve në mjetet e transportit publik etj.
Kjo stërvitje shërben për zhvillimin dhe rritjen e kapaciteteve operacionale të efektivëve për operacionet që janë pjesë e përgjegjësisë së Policisë Ushtarake.
Stërvitja “Limani 20” u mbyll me një skenar të improvizuar me detyrat që kryejnë kompanitë operacionale të Policisë Ushtarake.
Në këtë stërvitje Policia Ushtarake angazhoi 35 trupa dhe 6 mjete tokësore, ndërkohë që në funksion të veprimeve të caktuara u përdorën edhe anijet e Forcës Detare.
© Ministria e Mbrojtjes 2024 - Të gjitha të drejtat e rezervuara.