Mjekët e Forcave të Armatosura janë prej kohësh në frontin e parë të luftës me pandeminë e COVID - 19.
Në shenjë mirënjohje e falënderimi për kontributin e tyre, ministrja e Mbrojtjes Olta Xhaçka ka publikuar foto nga puna e përditshme e mjekëve në shërbim të efektivëve të FA, familjeve të tyre, por edhe qytetarëve.
“Të palodhur, të përkushtuar, në front të parë të luftës me COVID -19 por edhe të çdo shërbimi shëndetësor për komunitetin. Mirënjohje e respekt për të gjitha bluzat e bardha të Forcave tona të Armatosura, të cilët janë shtylla e fortë e mbështetjes për çdo efektiv të FA e familjeve të tyre, por edhe për çdo qytetar të vendit tonë në këto kohë të vështira”, - shprehet në një postim në rrjetin social facebook ministrja e Mbrojtjes, Olta Xhaçka.
© Ministria e Mbrojtjes 2024 - Të gjitha të drejtat e rezervuara.