Forcat e Armatosura të Shqipërisë iu bashkuan “Maratonës së Tiranës 2021” me një ekip prej më shumë se 100 efektivësh. Pjesëmarrësit mbuluan të gjitha disiplinat e garave, duke marrë pjesë në 10 km, 21 km dhe 42 km.
Efektivët e FA u dalluan për sakrificën dhe shpirtin e lartë të garës duke zënë edhe vende nderi: Ilir Këllezi i Qendrës Sportive të FA fitoi vendin e parë në garën 42 km për meshkuj, tetare Luiza Gega fitoi vendin e dytë po në këtë garë, për femra. Ndërsa në garat 10 km vendi i dytë u fitua nga major Bledar Mesi i AFA.
Ky rezultat u përshëndet edhe nga ministri i Mbrojtjes Niko Peleshi, i cili u shpreh: “Lëvizja sportive brenda Forcave të Armatosura, së shpejti me një program të ri entuziast. Krenar për shpirtin kampion të FA!”
Në Maratonën e Tiranës morën pjesë rreth 2500 garues, prej të cilëve 1000 vinin nga shtete të tjera të botës.
Gara u zhvillua në 4 kategori të ndryshme, për të cilat pati nga tre fitues.
© Ministria e Mbrojtjes 2024 - Të gjitha të drejtat e rezervuara.