Newsroom Deklarata për shtyp Deklaratë e ministrit të Mbrojtjes pas angazhimit të Mekanizmit të Mbrojtjes Civile pas tërmetit të 21 shtatorit në Shqipëri
Jam vërtetë shumë e lumtur t’i uroj mirëseardhjen z. Peter Glerum, shef i Ekipit të BE për Emergjencat Civile. Prania e z. Glerum këtu është padyshim një tregues i seriozitetit me të cilin BE dhe posaçërisht Mekanizmi i Mbrojtjes Civile Europiane po e trajtojnë çështjen e mbështetjes që po i ofrojnë vendit tonë. Por ai është padyshim shumë i mirëpritur edhe për eksperiencën dhe ekspertizën e tij në këtë fushë, nga e cila padyshim që kemi shumë për të mësuar sot, kur jemi në hapat e para të transformimit të mekanizmit tonë për përballimin e emergjencave.
Jam vërtetë shumë e lumtur t’i uroj mirëseardhjen z. Peter Glerum, shef i Ekipit të BE për Emergjencat Civile. Prania e z. Glerum këtu është padyshim një tregues i seriozitetit me të cilin BE dhe posaçërisht Mekanizmi i Mbrojtjes Civile Europiane po e trajtojnë çështjen e mbështetjes që po i ofrojnë vendit tonë. Por ai është padyshim shumë i mirëpritur edhe për eksperiencën dhe ekspertizën e tij në këtë fushë, nga e cila padyshim që kemi shumë për të mësuar sot, kur jemi në hapat e para të transformimit të mekanizmit tonë për përballimin e emergjencave.
Dua po ashtu të falënderoj nga zemra, ambasadorin Soreca për të gjithë punën e tij, për gatishmërinë e orëve të para në fakt, por edhe për faktin që për fare pak kohë pas tërmetit të datës 21, ai jo vetëm që ofroi ndihmën e Delegacionit, por dhe pa humbur fare kohë vuri në lëvizje Delegacionin dhe Mekanizmin e Mbrojtjes Civile për të mbështetur Shqipërinë në momentin e saj të nevojës.
Tërmeti i datës 21 ishte padyshim një ngjarje dramatike. E gjithë situata, duke marrë parasysh edhe goditjet që pasuan ngjarjen kryesore sizmike, ishte traumatike dhe dramatike për të gjithë qytetarët dhe, pa diskutim shkaktoi shumë frikë.
Shqipëria ishte me fat që një ngjarje e atyre përmasave kaloi pa asnjë të lënduar dhe sidomos për faktin që nuk pati asnjë jetë të humbur. Gjithçka tjetër mund të zëvendësohet apo të rindërtohet, ndërsa jetët e humbura jo.
Dëmet që shkaktoi tërmeti, nga ana tjetër, ishin të konsiderueshme. Çdo vend, qofshin ato vendet më të zhvilluara e të pasura, qofshin këto vende me një ekonomi shumë më modeste, si Shqipëria, kanë vështirësi në përballimin të vetëm të dëmeve që lënë pas ngjarje si këto. Të gjithë e dimë që vështirësitë e vërteta në raste fatkeqësish natyrore, fillojnë pas mbarimit të emergjencës, kur lind nevoja për të rikuperuar atë çfarë kemi humbur apo atë që është shkatërruar.
Prandaj i jam shumë mirënjohëse Mekanizmit Europian të Mbrojtjes Civile, për të gjithë ndihmën dhe mbështetjen. E vlerësoj akoma më shumë këtë mbështetje, për faktin që Shqipëria sot nuk është e anëtarësuar në Mekanizmin e Mbrojtjes Civile Europiane. E megjithatë jemi dëshmitarë të një shfaqje kaq të bukur dhe domethënëse solidariteti. Dua të falënderoj çdo vend që përmes këtij Mekanizmi, bujarisht ka vendosur që të na mbështesë në këto momente të vështira.
Ka kaluar shumë pak kohë që kur Kuvendi i Shqipërisë miratoi ligjin e ri për Mbrojtjen Civile dhe tërmeti i datës 21 shtator ishte testi i parë i këtij mekanizmi që është ende në hapat e para dhe që kërkon ende shumë punë, koordinim, transformim institucional e përgjegjësish, përpara se të bëhet vërtet funksional. Por ishte një test që gjithsesi tregoi se çfarë potenciali të jashtëzakonshëm ka ky mekanizëm i ndërtuar mbi modelet që funksionojnë sot në BE. Ishte një test që tregon që jemi në drejtimin e duhur sa i takon koordinimit dhe organizmit në raste të tilla të fatkeqësive natyre apo emergjencave civile, për të ndërtuar një mekanizëm të mbrojtjes civile modern, efikas dhe funksional, dhe që mbi të gjitha, do të na lejojë që të përmbushim të gjitha kriteret e standardet që nevojiten për t’u anëtarësuar në Mekanizmin e Mbrojtjes Civile Europiane.
Në këtë mënyrë jo vetëm që do të lehtësoheshin shumë procedurat, jo vetëm do të reduktoheshin shumë kohët e bashkëpunimit, por edhe Shqipëria, do të ishte e aftë të ofrojë ndihmën e mbështetjen e saj, siç po bëjnë sot vendet e tjera, kudo që të jetë në nevoja në rajon apo edhe më gjerë, si pjesë e një mekanizmi të kolauduar mirë.
Unë dua t’i uroj punë të mbarë ekipeve shqiptare të Mbrojtjes Civile dhe kolegëve evropianë, që na janë bashkuar dhe do të jenë me ne për dy javët e arsdhshme, duke iu atashuar ekipeve tona, duke bërë vlerësimin e dëmeve në terren dhe duke ofruar padiskutim ndihmën e tyre të çmuar dhe shpresoj shumë që ky te jetë veç bashkëpunimi i parë në një marrëdhënie, që së shpejti do të zyrtarizohet dhe do të konsolidohet me anëtarësimin e Shqipërisë në Mekanizmin Europian të Mbrojtjes Civile.
Faleminderit nga zemra!
