Deklarata e ministres së Mbrojtjes gjatë ceremonisë së mbërritjes së gjashtë autoambulancave të para ndihmë nga Turqia

 

Gjashtë autoambulancat e mbërritura sot janë mjetet e para të siguruara falë grant-it të qeverisë turke të akorduar për Ministrinë e Mbrojtjes dhe Forcat e Armatosura, në kuadër të modernizimit të FA. Dua të shpreh mirënjohje dyfish, edhe në emër të qeverisë shqiptare, për Turqinë, miken dhe aleaten tonë, që na u gjend në ditë të vështira edhe pse po përballet edhe vetë me pandeminë edhe me këtë armik të padukshëm sikundër të gjithë ne.

Një falënderim të veçantë e kam, siç ju thashë, edhe për ambasadorin, i cili e kishte të pamundur të ishte sot këtu, por që ka bërë maksimumin për të koordinuar mbërritjen e këtyre autoambulancave sa më parë në Shqipëri. 

Siç e tha edhe gjenerali, ato janë në vetvete një mini-urgjencë (mini-spital). Janë të pajisura me të gjitha pajisjet e duhura, që nga respiratorët për rrugët e frymëmarrjes, kompletet e imobilizimit për frakturat, aparatet ORL apo të gjitha mjetet e mjekimit apo të ndihmës së shpejtë. Që sot këto autoambulanca do të pjesë operacionale e Forcave të Armatosura në kuadër të Emergjencave Civile, por ato  në rast nevoje mund t’i atashohen rast pas rasti Spitalit të Traumës për përballimin e nevojave urgjente në raste aksidentesh, apo urgjencave të tjera mjekësore, duke qenë se për shkak të situatës së krijuar nga COVID-19, në këtë spital po kryhen një pjesë e mirë e shërbimeve mjekësore që deri dje kryheshin në Qendrën Spitalore Universitare “Nënë Tereza”.

Këto autoambulanca janë vetëm fillimi i transformimit të Emergjencave Civile. Përmes ligjit të ri, Emergjencat Civile po transformohen nga një drejtori me 10 vetë, siç ka qenë gjatë këtyre viteve, në një agjenci të mirëfilltë me mbi 100 inxhinierë e specialistë të të gjitha fushave, të aftë që të koordinojnë veprimet e pushtetit vendor e atij qendror për planifikimin, parandalimin dhe reagimin në rastet e fatkeqësive natyrore dhe të emergjencave civile në përgjithësi. 

Efiçenca e reagimit është përmirësuar ndjeshëm me bashkimin e Emergjencave Civile dhe Forcat e Armatosura, dëshmi për këtë janë episode e tmerrshme të këtyre dy viteve, tërmetet, përmbytjet dhe të gjitha problemet e tjera ku na është dashur të reagojmë me gjithë fuqinë dhe përkushtimin e të gjitha strukturave tona. Madje edhe duke përshtatur mjetet dhe pajisjet tona përballë të gjithë skenarëve, kujtoj helikopterët me kapacitet të shtuar për shuarjen e zjarreve, mjetet tona të kalueshmërisë së lartë në rastin e përmbytjeve e kështu me radhë. 

Këto janë vetëm fillimi, e theksoj është vetëm fillimi. Po i japim fund një tradite 30 - vjeçare të mosinvestuarit në forcimin e kapaciteteve reaguese të shtetit në rastin e emergjencave civile, veçanërisht duke pasur parasysh që jemi një ndër vendet më të rrezikuara prej fatkeqësive natyrore dhe emergjencave në përgjithësi.

Në krye të pak muajve, edhe falë kësaj mbështetjeje të vyer nga qeveria turke, Emergjencat Civile do të kenë një fytyrë të re, një fuqi reaguese krejt të re, një brand-im të ri, uniforma të reja, pajime të reja, automjete të kalueshmërisë së lartë, çadra dhe modele spitalesh fushore, deri tek aparaturat më moderne që lehtësojnë punën e efektivëve tanë, ekipeve tona të kërkim - shpëtimit dhe atyre operacionale që zbresin në terren, të parët e garantojnë sigurinë e komunitetit atëherë kur ka nevojë, pra në ditët më të vështira.

Po koordinojmë po ashtu edhe me aleatët tanë, veçanërisht Italinë, e cila na asistoi me ngritjen e arkitekturës ligjore dhe operacionale të Agjencisë së re të Mbrojtjes Civile. Po koordinojmë për trajnimin e njësive tona operacionale me teknikat më të reja të ndërhyrjes së shpejtë dhe vlen të thuhet që shpirtit solidar dhe sakrifikues të trupave tanë të emergjencës do t'i bashkëlidhen tanimë edhe të gjitha mjetet e pajimet më moderne dhe në krye të pak muajve do të kemi një trup emergjencash civile tërësisht të pajisur dhe trajnuar sipas standardit më të lartë.

Qytetarët kanë nevojë të kenë një shtet serioz në krah në rast nevoje dhe. Ky është absolutisht detyrimi dhe prioriteti ynë. Jo më veprime të improvizuara, por një forcë reaguese të mirëtrajnuar, të mirëpajisur në mënyrën më të mirë të mundshme. Sapo kemi nisur dhe unë jam shumë krenare të pohoj se po i japim Forcave të Armatosura dhe Emergjencave Civile më në fund imazhin dhe vëmendjen që meritojnë.

Prandaj edhe një herë, të dashur miq që jeni sot këtu me ne, shumë faleminderit për mbështetjen tuaj, dyfish mirënjohje edhe në emër të qeverisë shqiptare për mbështetjen e jashtëzakonshme që na keni dhënë përmes grant-it të qeverisë turke për modernizimin e kapaciteteve tona ushtarake dhe Emergjencave Civile, por dyfish mirënjohje që po na gjendeni edhe në këto ditë të vështira, kur edhe vendi juaj po përballet me të njëjtat vështirësi si ne dhe më të njëjtin armik të padukshëm si ne. Unë uroj me gjithë zemër, që ashtu si edhe ne, të keni sa më pak dhimbje dhe sa më pak humbje nga kjo situatë dhe siç na jeni gjendur, do ta përballojmë të gjithë bashkë këtë situatë të vështirë.




Apliko tani! Bëhuni pjesë e FA 16 tetor 2023 - 09 janar 2024 Nisin rekrutimet për ushtarë/detarë në Forcat e Armatosura, Ministria e Mbrojtjes e konsideron thelbësore për Forcat e Armatosura rekrutimin e ushtarëve me një profil sa më të lartë, në kushtet e një profesionalizmi....
Vijnë në Shqipëri helikopterët e parë Black Hawk Janar 2024 Kanë mbërritur në Shqipëri dy helikopterët Black Hawk, si pjesë e parë e porosisë së bërë nga vendi ynë dhe mbështetur nga fondet e ndihmës...
Direktiva e Mbrojtjes 2024Janar 2024 Dokumenti bazë mbi planet dhe programet e punës e të veprimtarive të MM, të FA në përmbushje të misionit kushtetues, si dhe detyrimeve si vend anëtar i NATO...
11 vende të lira pune; Peleshi thirrje ekspertëve: Aplikoni! Janar 2024 Ministri i Mbrojtjes Niko Peleshi ka bërë thirrje për aplikime nga ekspertët e fushave të Teknologjisë së Informacionit dhe Inxhinierisë për 11 vende të reja pune në Qendrën e....
Përurohen mjediset e reja të Muzeut të Forcave të Armatosura Dhjetor 2023 Muzeu i Forcave të Armatosura do të jetë tashmë në mjediset e tij të reja në Bërzhitë. Në ceremoninë e inaugurimit të hapësirave të reja morën pjesë ministri i Mbrojtjes Niko Peleshi, ministri për Evropën dhe Punët e Jashtme Igli Hasani...
Ministeriali i Mbrojtjes së Nismës SHBA-Karta e Atlantikut Nëntor 2023 Në takimin e Ministrave të Mbrojtjes të vendeve të NATO-s në Bruksel, ministri i Mbrojtjes Niko Peleshi mes të tjerave vuri theksin mbi zhvillimet në Veri të Kosovës....
Ministeriali i Mbrojtjes i vendeve të NATO, Bruksel Tetor 2023 Në takimin e Ministrave të Mbrojtjes të vendeve të NATO-s në Bruksel, ministri i Mbrojtjes Niko Peleshi mes të tjerave vuri theksin mbi zhvillimet në Veri të Kosovës....
Shqipëria merr sërish drejtimin e Brigadës së Europës Juglindore Gusht 2023 Ministri i Mbrojtjes, Niko Peleshi ka bërë me dije me anë të një postimi në mediat sociale që nga sot Shqipëria merr drejtimin e Brigadës së Europës Juglindore (SEEBRIG)....
Përmbyllet “Defender Europe ’23” në Shqipëri Qershor 2023 Për mëse një muaj mbi 24 mijë trupa nga 26 vende NATO e partnere nëpërmjet skenarëve strategjikë e operacionale në tokë, ajër e det demonstruan fuqinë në...
Revista Mbrojtja Nr. 01 (2024) Janar 2024Numri i fundit i revistës "Mbrojtja"...
Gazeta Ushtria 08 mars 2024Numri i fundit i të përjavshmes gazeta "Ushtria"...






Arkivi Lajmeve
Mars 2024
Ma En Pr Sh Di
26 27 28 29 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31